Jeremiya 24
24
Sirundu simbidi sa maxanvu
1 # Wona ni ka: 2 Vafu. 24:12-16; 2 Mak. 36:10. Msana ka kuva Nebhukodhonosori, mfumeli wa Bhabhilona, a di ñolisile Jokoniya, mwana Jehoyakimu, mfumeli wa ka Judha, ni vavati ni vapeki va nyundo, va kuta ngu Jerusalema, va txi yiswa Bhabhilona, Mkoma a to ni wonisa sirundu sa maxanvu na si di vekilwe ha txikeni ka Dithepele da Mkoma. 2Txirundu tximwetxo txi di ni maxanvu o tshura ngutu, o fana ni maxanvu awa o thangelela kuvitwa; tximwani txirundu txi di ni maxanvu o biha ngutu, ti si kotekiko ku ma txi dyiwa, nguko ma ti bihile ngutu. 3Mkoma a to khene kwangu:
“U wona txani Jeremiya kani?”
Ni to xamula, ni txi khani: “Na wona maxanvu. Maxanvu o tshura, amanene ngutu; o biha ma bihile ngutu, kha ma na kudyiwa, nguko ma bihile ngutu.”
4Sekoko mhaka ya Mkoma yi tile kwangu, yi txi kha yona:
5 Mkoma, Txizimu txa Israyeli, a khene: Nga kule vathu va tsakako ngu maxanvu amanene, ngu toneto ni na tsaka ngu Vajudha va va nga sungwa, ni xayisa kwati va ni nga va humisa ka wuwa wukhalo ni va yisa ditikoni ka Vakaldheya. 6Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli. 7Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.
8Se nga tile ku mahiswako tona ka maxanvu o biha, aawa ma si sikotiko kudyiwa, ngu bihelo ya ona, nguko Mkoma a khene, “Ngu toneto, ni na ningela Zedhekiya, mfumeli wa ka Judha, ni tinduna takwe, ni misalelwa ya Jerusalema, ayi yi nga sala ka diya ditiko, ni ka va va zumbako ditikoni ka Egipta. 9Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona. 10Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”
Currently Selected:
Jeremiya 24: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
