Isaya 6

Kudhanwa ka Isaya kuva mprofeti

1 # Wona ni ka: 2 Vafu. 15:7; 2 Mak. 26:23. Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele. 2Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona. 3#Wona ni ka: Mtu. 4:8. Se ma txi kwangula dimwedo ka dimwani, ma txi kha ona:

Msawuleki, Msawuleki, Msawuleki ngene Mkoma wa Mabutho a Tiyimbi;

Otshe mafu ma tate ngu wudhumo wakwe.

4 # Wona ni ka: Mtu. 15:8. Se misasimo ya matimba yi to zinginika, ngu dipswi da wule a nga ti kwangula, ni nyumba yi to tala ngu wutshi. 5Sekoko ani ni to khani:

Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

6Aniko dimwedo da maserafima di to ni purumela di ti ni dikala da mndilo manzani, di nga teka ngu dibanzi txiluveloni.

7Se ngu dona di to gwesa txisofu txangu, di txi kha dona: Wona, dikala diya di gwesile txisofu txako; se wubihi wako wu thavisilwe, ni kuonha kwako ku divaletwe.

8Msana keto, ni to pfa dipswi da Mkoma di txi kha dona:

Ni na ruma mani, i mani a no hi yela kani?

Sekoko ni txi khani:

Ngani wuwa, ni rume ani!

9Sekoko ene a nje khene:

Tsula u ya gela vathu vava, u txi khawe:

Mi na engisa, aniko kha mi na mbi ti pima; kha ditshuri mi na wona, aniko kha mi na mbi wonisisa. 10#Wona ni ka: Mat. 13:14-15; Mar. 4:12; Luk. 8:10; Mith. 28:26-27. Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

11Sekoko ani ni to khani: Kala yihi mbimo kani Mkoma?

A to xamula a txi khene:

Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi. 12Se Mkoma a na leka vathu kule ni didhoropa, ditiko di na sala i di txiwula txa hombe. 13Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Currently Selected:

Isaya 6: BEC2016

Highlight

Copy