Isaya 47
47
Kuxulwa ka Bhabhilona
1Txhika u khalahatsha ha lithuluni,
awe wotuma, mwanana wa muhorana wa Bhabhilona;
khalahatsha hahatshi;
kha ku ngadi ni txitulu txa wukoma,
awe mwanana wa muhorana wa Vakaldheya,
nguko khu na mbiswa u dhanwa ku umnene, niku u tshurile.
2Teka txigayo u gaya mpupu;
thavisa difaduku ha msungo,
thavisa ni tikathula,
kunya tinguwo tako u txhatuka minambo.
3Tingana tako ti na vhunungulwa,
se ku na wonaneka wumbwiri wako;
ni na phota, kha ni na mbi siya m'thu ni wammweyo.
4Ditina da Mtiruli wathu, Mkoma wa Mabutho a Tiyimbi,
Msawuleki wa ka Israyeli.
5Awe mwanana wa muhorana wa Vakaldheya,
wulela txidemani, u khalahatsha u txi dwe,
nguko khu na mbiswa u dhanwa taku,
u mfumeli wa txisikati wa mifumo.
6Ni va henyete ngutu vathu vangu,
ni nyenyezisile thomba yangu,
se ni va ningete manzani kwako;
khwa va pfela wusiwana,
hambi txitimwi ka sikosana,
u nemetile ngutu dikange dako.
7Se u ti ti khawe: “Ni na va mfumeli wa txisikati yotshe mbimo”;
kala kuwa khwa veka timhaka tiya mbiluni kwako,
hambi kualakanya magwito a tona.
8Konkuwa koko, engisa tiya,
awe u tsakelako kutiphina,
u tipfako u di zumbisekile,
u wombako mbiluni kwako, u txi khawe:
Ani ngani, hahanze kwangu, kuwalo mmwani;
kha ni na mbi va noni,
hambi kufelwa ngu vanana.
9 # Wona ni ka: Mtu. 18:7-8. Aniko ka totshe timhaka tiya ta timbidi,
ti nata txitimwi kwako ngu mbimo yimweyo, ka ditshiku dimwedo:
Kufelwa ngu vanana, ni kumaha noni;
ngu mtamo wotshe ti nata txitimwi kwako,
ngu mhaka ya wuloyi wako wo tala,
ngu sixamaliso sako so tala ngutu.
10Nguko u thembile wubihi wako, se u txi khawe:
Kha ni wonwi ngu m'thu;
wutxhari wako ni wuzivi wako, eso si ku hambukisile,
se u ti khawe mbiluni kwako:
“Ani ngani, hahanze kwangu, kuwalo mmwani.”
11Ngu kumaha keto, txitimwi kwako, ku nata dikhombo,
di u no mbi ziva mu di tako ngu kona,
se kuhaxulwa ko ngeko, ku nata txitimwi kwako,
kambe khu na mbi sikota ku kuretha;
nguko ku nata tximwi kwako ngu txidhukisa,
kuxasela ka txihuhuri, kaku khu na mbi sikota ku kuziva.
12Zumba ni sixamaliso sako, ni mtalo wa wuloyi,
wule u nga thuma ka wona kukhukhela wuphyani wako,
mwendo u nga thuka u mana kuhumelela,
ni ti to mwendo u nga dhuka u mana kutsana.
13U ti karalisile ngu kuxaxuwa kotala;
va na wuke koko konkuwa, avale va pimako nzuma,
vale va nga ti wonetela tinyeleti,
va va hutako kumeka ka mtxima,
va na ku hulukise ka ti ti nota txitimwi kwako.
14Wona taku va na fana ni mthungu, mndilo wu na hisa;
kha va na mbi sikota
kuhulukisa wutomi wawe ka mtamo wa m'dhikila;
kha na mbi va dikala da mndilo kasi ku ti futumeta,
mwendo mndilo woza e khalahatsha hafuhi ka wona.
15Va na mahisa toneto kwako vale u nga thuma navo,
vabhindulisi vako, kukhukhela wuphyani kwako;
mmwani ni mmwani a na teka nzila yakwe;
ni wammweyo kha na mbi kuhulukisa.
Currently Selected:
Isaya 47: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
