Isaya 15
15
Txizimu txi na khundumusa Mowabhi
1Mahungu a Mowabhi.
Ngu ditshuri, ngu wusiku wumwewo,
didhoropa da Are wa Mowabhi di khundumusilwe, di fuvisilwe;
ngu ditshuri, ngu wusiku wumwewo,
didhoropa da Kiri wa Mowabhi, di khundumusilwe, di fuvisilwe.
2Vaaki va Bhajite ni Dhibhoni,
va kwelela ka makhalo o guleka, kuya dila kona;
Mowabhi wa peka huwa ngu mhaka ya Nebho ni Medhebha;
yotshe misungo yi na maha tigwayi, ni sotshe siletu si na va si di yotwe.
3Va ambate masaka tinzilani ka hombe;
txitimwi ka tinyumba tawe, ni mitendelani kwawe,
votshe va keta, kambe va dila ngu txiviti.
4Ngu kumaha keto, Hesibhoni ni Eleyale va keta;
mapswi awe ma pfala kala Jahaza;
ngu toneto, ava va nga xoma va Mowabhi vadila;
muhefemulo wakwe wa dhudhumela mndani kwawe.
5Mbilu yangu ya dila ngu mhaka ya Mowabhi;
vahombe vawe va tutumile veya Zowari, kufana ni dirole da malembe mararu,
nguko va dila va txi kwelela Luwiti,
nguko, nzilani ka Horhonayi, va wusa kudila ka hombe ngutu.
6Nguko mati a Ninirimi ma nava ma di phwite;
nguko mwasi wu omile,
kupwateka ni diphundenyana
se kha ku nga ni dizokoro ni da dimwedo do rumbuka.
7Se tithomba tile ti nga sengeletwa ni sile va nga veka,
va na si yisa txinambwanani ka mipfhuwu.
8Nguko huwa yi na hoka mihinganoni ka Mowabhi;
kudila kwawe ku na hoka Eglayimi, kala Bheyeri-Eliyi ku na hoka kukuma.
9Nguko mati a Dhimomi ma tate ngu mnoha,
nguko ni na engetela kambe dikhombo ka ditiko da Dhimomi:
Ni tingonyamo ka vale va nga huluka va Mowabhi,
ni tithomba ta ditikoni.
Currently Selected:
Isaya 15: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
