Ekleziyaste 3
3
Mbimo ya sotshe
1Sotshe si ni mbimo ya sona, yi si nga emiselwa yona,
se ku ni mbimo ya sotshe si si ku hahatshi ka nzuma:
2Ku ni mbimo ya kuvelekwa, ni mbimo ya kufa;
mbimo ya kuphaya, ni mbimo yo dulela sile si nga phawa;
3mbimo ya kudaya, ni mbimo ya kuhanyisa;
mbimo ya kuhaxula, ni mbimo ya kuaka;
4mbimo ya kudila, ni mbimo ya kuseka;
mbimo ya xomulo, ni mbimo ya kusinya;
5mbimo ya kuhangalisela marigwi, ni mbimo ya kusengeletela marigwi;
mbimo ya kusingarela, ni mbimo yo leka kusingarela;
6mbimo ya kulava, ni mbimo ya ku mwalalelwa;
mbimo ya kuveka, ni mbimo ya kutshotsha;
7mbimo ya kuvharula, ni mbimo ya kurunga;
mbimo ya kumalala, ni mbimo ya kuwombawomba;
8mbimo ya kuranda, ni mbimo ya kuvenga;
mbimo ya yimbi, ni mbimo ya kudikha.
9A wuyelwa ngu txani mthumi, ka tile a thumako kani? 10Na tolovela kuwona mthumo wule Txizimu txi nga ninga vanana va vathu, kasi kuva txi karateka ngu wona. 11Txi mahile sotshe si di tshurile ngutu, ngu mbimo ya sona; kambe txi vekile timbiluni kwawe kualakanya ka yotshe mbimo; hambi keto, kha ku na m'thu wule a zivako mthumo wu Txizimu txi nga wu maha, kukhukhela makhatoni, kala magwito.
12Se na tiziva ti to txi walo txa txhuko kwawe, kupinda kutitsakela ni ku ti mahela ta tinene kuhanyani kwawe; 13ni kungako m'thu a txi dya, e sela, e tsaka, ngu mthumo wakwe wotshe. Etxo njiningo txota ngu ka Txizimu.
14Ani na tiziva to sotshe si Txizimu txi si mahako, si na simama kala kupinduka; kha ku dingani kuengetelwa txilo, hambi kuthaviswa txilo. Se eto Txizimu txi mahela ti to ku va ni txithavo masoni ka txona. 15Atxi txi kuho txi ti tiho; ni txi txi no vaho, txi ti tiho; kambe Txizimu txi lava bhindulo ya sile si nga pinda.
Kwa mbi lulama ka ha mafuni
16Ni to wona kambe hahatshi ka ditambo tito: Ha wukhaloni ka wulamuli, ku ni wubihi; ni ka wukhalo wa wululamo, ku ni wubihi ni kona. 17Ani ni to khani mbiluni kwangu: Txizimu txi na lamula wo lulama ni wo biha; nguko ku ni mbimo ya wotshe wubihi, ni mbimo ya wotshe mthumo. 18Ani ni to khani mbiluni kwangu: I mhaka ya vanana va vathu, kasi ku Txizimu txi na va duka, ni ti to ve ti wona vapune taku va fana ni sihari. 19Nguko ati ti mahekako ka vanana va vathu, toneto kambe ta maheka ni ka sihari; kumaheka toneto tatimweto: A ti a fisako tona m'thu, ni txona txihari txi fisa toneto, sotshe si ni m'hefumulo wumwewo; kambe m'thu kha pali txihari ngu txilo, nguko sotshe mbukanganyisi. 20Sotshe siya wukhaloni kumweko; sotshe lithulu, kambe sotshe si na tshumela si ya lithuluni. 21I mani a ku khene moya wa vanana va vathu wu ya txitimwi, ni ti to moya wa sihari wu relela hahatshi ka mafu kani? 22Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?
Currently Selected:
Ekleziyaste 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
