2 Makronika 10
10
Kuphota ka digumi da tihunzu wutxani
(1 Vafumeli 12:1-20)
1Se Robhowamu a toya Sikemi, nguko votshe va ka Israyeli va ti tile Sikemi, ku ta mmaha mfumeli. 2Se ku to maheka koko taku, ngako Jerobhowamu, mwana Nebhate, a di tipfite (awule a nga ti Egipta kuya barama kona ngu kuthava mfumeli Solomoni), a to wuya ngu Egipta. 3Va to rumisa kuya mdhana; sekoko Jerobhowamu a to ta ni votshe va ka Israyeli, ve ta womba-womba ni Robhowamu, va txi kha vona:
4Tate wako a nemetisile dikange dathu; awe koko, konkuwa, hehukisa mthumo wo karata wa tate wako, ni mrwalo wo nemela wule a nga hi khoneka, se athu hi na kuthumela.
5Se ene a to vagela ku khene:
Wuyani kwangu ngu ditshiku da wuraru. Sekoko vathu va to tsula.
6Se Robhowamu a toya kombela wudhota ka madhota ale ma nga thuma ni tate wakwe Solomoni, a txi nga txi hanya, a txi khene:
Mi ni ninga wudhota muni anu, waku ni xamula vathu vava kani?
7Se vona va to m'gela ku kha vona:
Ngako u txo thumela vathu vava ngu wunene ni wumbilu, u womba-womba navo mapswi amanene, va na va tikhumbi tako masiku otshe.
8Kambe ene a to leka wudhota wule a nga gelwa ngu madhota, se a to engisa to gelwa ngu vafana vale a nga kula kumweko nawo, avale va nga ti mthumela.
9A txi khene kwawe: Mi ni gela txani anu, taku ni xamula vathu vava, va nga womba kwangu, va txi kha vona: Ina u na hehukisa mrwalo wule tate wako a nga hi khoneka, kani?
10Se vafana vale ene a nga kula navo, va to m'gela, ku kha vona:
U na wombisa tiya ka vathu vale va nga womba-womba ni nawe, va txi kha vona: Tate wako a nemetisile ngutu mrwalo wawe, aniko awe hi hehukisele. Se awe koko u na va xamula, u txi khawe: Litiho langu la lidotho li dhimbile kupinda txiwunu txa tate wangu! 11Ngako tate wangu a nga mi rweka mrwalo wo nemela, ani na engetela kunemela txitimwi ka mrwalo wanu; tate wangu a mi tsayisile ngu sisephu, kambe ani na mi tsayisa ngu tihume.
12Sekoko Jerobhowamu ni votshe vathu va to ta ka Robhowamu, ngu ditshiku da wuraru, madingano ni tile mfumeli a nga wombisa tona, a txi khene: Wuyani kwangu ngu ditshiku da wuraru. 13Se mfumeli a to va xamula ngu kukarata ngutu, nguko mfumeli Rebhowamu a leka wudhota wa madhota. 14Se a to va xamula mandingano ni mapswi a vafana kuloni, a txi khene:
Tate wangu a nemetisile mrwalo wanu, aniko ani na engetela ku wunemeta kambe; tate wangu a mi tsayisile ngu sisephu, kambe ni na mi tsayisa ngu tihume.
15Ngu toneto, mfumeli kha engisa vathu, nguko kutxitxa kuwa ku ti ta ngu ka Txizimu, kasi ku Mkoma e tsanisa dipswi dakwe, dile a ngadi womba ka Jerobhowamu, mwana Nabhate, ngu mprofeti Ayasi, wa Silo.
16 # Wona ni ka: 2 Sam. 20:1. Ngako koko, va ka Israyeli votshe va di woni taku, mfumeli kha va engisa, vathu va to xamula mfumeli, va txi kha vona:
Njiavelo muni hi ku natxo athu ka Dhavhidha kani? Kha yi nga ngadi ni thomba ka mwana Jese; Israyeli, mmwani ni mmwani a na tshumelele ditendani kwakwe! Konkuwa awe Dhavhidha wonetela ta nyumba yako.
Aniko votshe va ka Israyeli va to tsula matendani kwawe. 17Kambe Rebhowamu a to sala e fuma txitimwi ka vanana va ka Israyeli vale va nga ti zumba madhoropani ka Judha.
18Sekoko mfumeli Robhowamu a to rumela Adhorami, i nga ti msengisi wa mbasani; aniko vanana va ka Israyeli va to mkoyolela ngu marigwi, a txi fa; sekoko mfumeli Robhowamu a to kuluveta e kwela ka txikotxikani txakwe e tutuma eya Jerusalema. 19Ngu toneto, va ka Israyeli va to wukela nyumba ya ka Dhavhidha, kala ditshiku da nyamsi.
Currently Selected:
2 Makronika 10: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
