1 Samuwele 21
21
Dhavhidha e tutuma ka Sawule
1 # Wona ni ka: Mat. 12:3-4; Mar. 2:25-26; Luk. 6:3. Sekoko Dhavhidha a to ta Nobhe, ka mphaxeli Ayimeleki; se Ayimeleki a to huma a txi dhudhumela e hingeta Dhavhidha, a txi khene kwakwe: Ngu kutxani uta wekha, u si na m'thu kani?
2Se Dhavhidha a to khene ka mphaxeli Ayimeleki: Mfumeli a ni leletile mhaka, a txi khene: Yi nga ziwe ngu m'thu mhaka yi ni kurumako, kambe ni nga kuleleta; se majaha angu ni ma kombile wukhalo wokari ni wokari. 3Konkuwa koko, i txani wu ku natxo manzani kwako kani? Ni ninge mtxhanu wa mapawu, mwendo si u ku naso.
4Se mphaxeli a to xamula Dhavhidha, a txi khene: Kha ni na dipawu manzani do dyiwa ngu wuhi ni wuhi; kambe kova dipawu do sawuleka, ngako majaha ako ma di ti basisile ka vavasikati.
5Se Dhavhidha a to xamula ka mphaxeli, a txi khene: Ina, hi ni masiku mararu hi di hambani ni vavasikati; mbimo yi ni nga khukha nyatulo mimidi ya majaha yi ti sawulekile; ngu mamahelo okari dipawu da wihi ni wihi, ngutu-ngutu nyamswi di na sawuleka ka yimwani mimidi.
6 # Wona ni ka: Levh. 24:5-9. Sekoko mphaxeli a to mninga dipawu do sawuleka, nguko ku si ngani dimwani dipawu, hahanze ka mapawu a mhamba, ale ma nga thavisa masoni ka Mkoma, kasi kuveka dipawu do hisa, ka ditshiku di va thavisako dile da kale.
7Kambe ka ditshiku donedo ku ti ti mmweyo wa sithumi sa Sawule koneho, a di ñolekile masoni ka Mkoma; se ditina dakwe i ti ti Dhowege, Muedhomi, mthangeli wa hombe ka vadyisi va Sawule.
8Se Dhavhidha a to khene ka Ayimeleki: Ina kha ku na mseve mwendo ditxhari dokari hawa kani? Nguko kha na teka mseve hambi matxhari angu, nguko mhaka ya mfumeli i ti ya txikuluveta.
9 # Wona ni ka: 1 Sam. 17:51. Se mphaxeli a to khene: Ditxhari da Goliya, Mufilista, awule awe u nga m'daya ka mkova wa Mkusuni, ndide hawa, di nga phutelwa ngu nguwo msana ka efodhe; se ngako u txi teka ku di lava, di teke, nguko kha ku na dimwani hawa hahanze ka dile. Se Dhavhidha a to khene: Kha ku na tximwani txo fana nado; ni ninge dona.
10Ka ditshiku dile, Dhavhidha a to khukha e tutuma masoni ka Sawule, eya ka Akisi, mfumeli wa Gati. 11#Wona ni ka: 1 Sam. 18:7; 29:5. Kambe sithumi sa Akisi si to m'gela ku kha sona: Ina wuwa hi nga Dhavhidha, mfumeli wa ditiko kani? Hi nga ene wu va nga ti mu embelelela tindando, va txi kha vona: Sawule a date diguma da mazana, kambe Dhavhidha a date digumi da magumi a mazana kani?
12 # Wona ni ka: Mas. 56. Se Dhavhidha a to alakanya timhaka tiya mbiluni kwakwe, se e thava ngutu masoni ka Akisi, mfumeli wa Gati. 13#Wona ni ka: Mas. 34. Ngu kumaha keto, a to hundula mapimo masoni kwawe, e ti maha txiphukuphuku manzani kwawe, e nyaranyara matimba a ha txikeni, e bzwata lure li tshika ngu mu ka maletu akwe. 14Sekoko Akisi a to khene ka sithumi sakwe: Ma ti wona ti to m'thu wuwa mbo xanga; mi mtisete txani kwangu kani? 15Mi to pfa to ni pwata vo xanga, koza mi ni tisela m'thu wuwa e ta ni xangela masoni kwangu kani? Ina wuwa a nga wulela nyambani kwangu kani?
Currently Selected:
1 Samuwele 21: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
