AYUB 26
26
Ayub
1-2Iyakiya makkedai Ayub,
“Temmaka accamu mabbéré pattulung
lao ri iyya tau malemmaé sibawa posoé!
3Temmakka kessinna iyaro pangajaé sibawa pappagguruwangngé
iya puraé muwabbéréyang lao ri iyya, tau madonggoé!
4Lao rinigai iyaro ada-adammu tattuju?
Niga mpérékko wéré untu' mabbicara pada-padaéro?”
Bildad#Bildad: Iyaé asengngé dé' nariteppu ri laleng curitaéwé, iyakita iyaé bagiyangngé biyasana riyangga'i selaku adanna.
5Nappébali Bildad, “Ténréi sining tauwé ri linona amaténgngé;
uwai sibawa iya monroiyéngngi ténréi.
6Ri yolona Allataala, tattimpa'i linona tau maté,
dé' natattongko angkanna paitai ri Aléna.
7Allataala pallebba'i langié ri yasé'na tasi'é,
sibawa gattungngi linoé ri onrong lobbangngé.
8Nalisekiwi ellungngé sibawa uwai tarébek-kébeng,
iyakiya iyaro ellungngé dé' nasapé nasaba tane'na.
9Nasubbui tappa-Na ri kéteng tépué
ri munrinna ellung iya puraé Napallebba.
10Nagambara'i lébuna ri tompo'na tasi'é
untu' passarangngi tajangngé polé ri pettangngé.
11Rékko maggera'i sibawa sadda maddaremmeng,
ténré alliri-alliri pattula'na langié.
12Napatunru tasi'é#Napatunru tasi'é: Iyaé majjello'i lao ri curitaé riyolo iya gambara'éngngi allaganna tasi'é sibawa Allataala. nasaba akuwasan-Na
sibawa naajara' towi Rahab#Rahab: Itai 9:13. nasaba amaccan-Na.
13Naseringngi langié sibawa nappase'-Na angkanna macakka senna;
liman-Na mpunoi naga iya céddé'énna lari.#Naga iya céddé'énna lari: 9:8.
14Iyakiya iya manennaro banna tanrang akuwasan-Na;
banna bici-bici iya lettu'é ri daucculitta.
Temmaka céddé'na pappahatta
passalenna Allataala sibawa aseronna akuwasan-Na!”
Currently Selected:
AYUB 26: LAIBUG
Highlight
Share
Compare
Copy
Want to have your highlights saved across all your devices? Sign up or sign in
