3 Musa 4
4
Pèlèen kemulihken dosa-dosa siso isengaja
1Idokken Jahowa 2mo imongmongken si Musa bai bangsa Israel magahken barang isè sambing merkitè oda itulun merdosa kumerna ilausi sada pati-patiin Jahowa kennah ièkuti ngo hatoren.
3Mula Imam Huntuen ngo simerdosa i, gabè dekket nola bangsa Israel mersalah kennah mo ia memèlèken sada lembu tonggal bajar dèng siso lot tikasna, bai Jahowa asa isasa dosana. 4Kennah mo iembah lembu idi mi pèntu Undung-undung Jahowa. Kennah iampèken Imam Huntuen idi tanganna mi babo takal pinakan i, nai isèat mo i lebbè Undung-undung i. 5Iembah mo dèba darohna i mi bagessen Undung-undung i. 6Nai kennah isornepken mo jari-jarina mi bagessen daroh i janah memispisken pitu kali mi lebbè kirè-kirè simenirang Bilik Simbadia. 7Dèba ibas daroh i nai kennah idalisken mi tanduk-tanduk sinisoki-soki langgaten dahupa sibaungkus ibagasen Undung-undung, janah lebbihna i kennah iarirken mi dangaen langgaten pèmèlèen situtungen silot i lebbè pèntu Undung-undung. 8Kennah ibuat Imam i mo karina pessoh lembu tonggal i, imo pessoh simemaluti bitukana, 9piah-piah dekket pessohna dekket simerandalna kalohon ibas atèna nai. 10Karina idi kennah itutung i babo langgaten pemèlèen situtungen tosè bagè pèlèen perdamèen. 11Tapi ukum jukut lembu i, koling-kolingna, takalna, nèhèna, raban sidèbanna bagi dekket bituka rajana, 12karinana tupèh laènken sienggo ipejaè kin, kennah iembah mi ruar perundung-undungen. I sidi mo kennah itutung lembu idi i babo sebban i bekkas pengambongen cirabun, imo bekkas sienggo itentuken mi sibagidi.
13Mula karina bangsa Israel ngo simerdosa i, oda isengaja mengelausi sada ibas patiin Jahowa nai, 14enggo kessa ibettoh dosa i, kennah mèter i sudu bangsa i mo merembah sada lembu tonggal bajar dèng mi lebbè Undung-undung Jahowa. Kennah ipèlèken ngo pinakan idi mahan pèlèen kessasaen dosa. 15Kennah iampèken pengulu-pengulu bangsa i mo tangan kalak i mi babo takal pinakan i, nai isèat mo i bekkas i. 16Kennah iembah Iman Huntuen mo dèba daroh pinakan idi mi bagasen Undung-undung. 17Kennah isernepken mo i sidi jari-jarina mi bagasen daroh i nai ipispisken pitu kali i lebbè kirè-kirè simenirang Bilik Simbadia. 18Deba nai kennah idalisken mi tanduk- tanduk sinisoki-soki langgaten dahupa sini- bagasen Undung-undung, janah silebbihna kennah iorèken mi dangaen langgaten bekkas pemèlèen situtungen silot i pèntu Undung-undung. 19Karinana pessoh pinakan idi kennah ibuat janah itutung i babo langgaten i. 20Carana tosè bagè pèlèen lembu tonggal mahan pèlèen kesasaen dosa. Bagidi mo cara Imam Huntuen memèlèken pèlèen kemulihken dosa-dosa bangsa i, nai isasa Jahowa mo dosa kalak i. 21Kessa bagi kennah iembah mo lembu tonggal i mi ruar, janah itutung i ruar perundung-undungen bagè pemèlèken lembu tonggal mahan pè- lèen kesasaen dosa Imam Huntuen i sendiri. Bagidi mo carana memèlèken pèlèen kesasaen dosa bangsa i.
22Mula sada kalak simerkuasa ngo simerdosa i tapi oda ma itulun mengelausi sada ibas patiin Jahowa nai, 23nai enggo kessa satdar ia, kennah mèter mo ipèlèken sada kambing tonggal siso lot tikasna mahan kesasaen dosana. 24Kennah iampèken mo tanganna mi babo takal pinakan i, nai isèat mo kettan utara langgaten i, bekkas menèat pinakan mahan pèlèen situtungen. 25Kennah isernepken Imam mo jari-jarina mi bagasen daroh pinakan idi nai idalisken mo mi tanduk-tanduk sini soki langgaten i janah mengarirken silebbihna mi dangaen langgaten i. 26Kessa i kennah itutung mo karina pessoh pinakan idi i babo langgaten, bagè sinibakin tupung pèlèen perdamèen. Bagidi mo carana imam memèlèken pèlèen kemulihken dosa sada kalak perkuasa, nai isasa Jahowa mo dosa kalak i.
27 #
4 Ms. 15:27-28
Tah bakunè lot sada kalak ibas jelma keteremmen nai oda itulun memakin dosa mengelausi sada ibas patiin Jahowa, 28asa enggo kessa satdar ia, kennah mo ipèlèken sada kambing berru-berru siso lot tikasna. 29Kennah iampèken tanganna mi babo takal pinakan i, nai isèat mo kettan Utara langgaten bekkas menèat pinakan mahan pèlèen situtungen. 30Kennah isernepken Imam mo jari-jarina mi bagasen daroh pinakan i, nai idalisken mo mi tanduk-tanduk sinisoki langgaten janah mengorèken silebbihna i mi dangaen langgaten i. 31Karina pessoh pinakan idi kennah ibaing bagè sinibakin tupung pèlèen perdamèen. Kennah itutung Imam ngo pessoh i ibabo langgaten, asa sennang atè Jahowa menganggoh bauna i. Bagi mo cara imam memèlèken pèlèen kemulihken dosa sada kalak jelma keteremmen, nai isasa Jahowa mo dosana.
32Mula lot sada kalak memèlèken sada biri-biri mahan kesasaen dosana, kennah berru-berru ngo biri-biri i janah oda lot tikasna. 33Kennah mo iampèken tanganna mi babo takal pinakan i, nai isèat mo kettan utara langgaten i, bekkas menèat pinakan mahan pèlèen situtungen. 34Kennah isernepken imam mo jari-jarina mi bagasen daroh pinakan i, nai idalisken mo mi tanduk-tanduk sinisoki-soki langgaten, janah mengorèken sitadingna mi danganen langgaten i. 35Nai karina pessoh pinakan i kennah ibuat bagè sinibakin tupung pèlèen perdamèen. Kennah itutung ngo pessoh i i babo langgaten, rebbak dekket pèlèen sipanganen sinipèlèken bai Jahowa. Bagi mo carana imam memèlèken pèlèen kerna dosa kalak i, nai isasa Jahowa mo dosana.
Currently Selected:
3 Musa 4: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 4
4
Pèlèen kemulihken dosa-dosa siso isengaja
1Idokken Jahowa 2mo imongmongken si Musa bai bangsa Israel magahken barang isè sambing merkitè oda itulun merdosa kumerna ilausi sada pati-patiin Jahowa kennah ièkuti ngo hatoren.
3Mula Imam Huntuen ngo simerdosa i, gabè dekket nola bangsa Israel mersalah kennah mo ia memèlèken sada lembu tonggal bajar dèng siso lot tikasna, bai Jahowa asa isasa dosana. 4Kennah mo iembah lembu idi mi pèntu Undung-undung Jahowa. Kennah iampèken Imam Huntuen idi tanganna mi babo takal pinakan i, nai isèat mo i lebbè Undung-undung i. 5Iembah mo dèba darohna i mi bagessen Undung-undung i. 6Nai kennah isornepken mo jari-jarina mi bagessen daroh i janah memispisken pitu kali mi lebbè kirè-kirè simenirang Bilik Simbadia. 7Dèba ibas daroh i nai kennah idalisken mi tanduk-tanduk sinisoki-soki langgaten dahupa sibaungkus ibagasen Undung-undung, janah lebbihna i kennah iarirken mi dangaen langgaten pèmèlèen situtungen silot i lebbè pèntu Undung-undung. 8Kennah ibuat Imam i mo karina pessoh lembu tonggal i, imo pessoh simemaluti bitukana, 9piah-piah dekket pessohna dekket simerandalna kalohon ibas atèna nai. 10Karina idi kennah itutung i babo langgaten pemèlèen situtungen tosè bagè pèlèen perdamèen. 11Tapi ukum jukut lembu i, koling-kolingna, takalna, nèhèna, raban sidèbanna bagi dekket bituka rajana, 12karinana tupèh laènken sienggo ipejaè kin, kennah iembah mi ruar perundung-undungen. I sidi mo kennah itutung lembu idi i babo sebban i bekkas pengambongen cirabun, imo bekkas sienggo itentuken mi sibagidi.
13Mula karina bangsa Israel ngo simerdosa i, oda isengaja mengelausi sada ibas patiin Jahowa nai, 14enggo kessa ibettoh dosa i, kennah mèter i sudu bangsa i mo merembah sada lembu tonggal bajar dèng mi lebbè Undung-undung Jahowa. Kennah ipèlèken ngo pinakan idi mahan pèlèen kessasaen dosa. 15Kennah iampèken pengulu-pengulu bangsa i mo tangan kalak i mi babo takal pinakan i, nai isèat mo i bekkas i. 16Kennah iembah Iman Huntuen mo dèba daroh pinakan idi mi bagasen Undung-undung. 17Kennah isernepken mo i sidi jari-jarina mi bagasen daroh i nai ipispisken pitu kali i lebbè kirè-kirè simenirang Bilik Simbadia. 18Deba nai kennah idalisken mi tanduk- tanduk sinisoki-soki langgaten dahupa sini- bagasen Undung-undung, janah silebbihna kennah iorèken mi dangaen langgaten bekkas pemèlèen situtungen silot i pèntu Undung-undung. 19Karinana pessoh pinakan idi kennah ibuat janah itutung i babo langgaten i. 20Carana tosè bagè pèlèen lembu tonggal mahan pèlèen kesasaen dosa. Bagidi mo cara Imam Huntuen memèlèken pèlèen kemulihken dosa-dosa bangsa i, nai isasa Jahowa mo dosa kalak i. 21Kessa bagi kennah iembah mo lembu tonggal i mi ruar, janah itutung i ruar perundung-undungen bagè pemèlèken lembu tonggal mahan pè- lèen kesasaen dosa Imam Huntuen i sendiri. Bagidi mo carana memèlèken pèlèen kesasaen dosa bangsa i.
22Mula sada kalak simerkuasa ngo simerdosa i tapi oda ma itulun mengelausi sada ibas patiin Jahowa nai, 23nai enggo kessa satdar ia, kennah mèter mo ipèlèken sada kambing tonggal siso lot tikasna mahan kesasaen dosana. 24Kennah iampèken mo tanganna mi babo takal pinakan i, nai isèat mo kettan utara langgaten i, bekkas menèat pinakan mahan pèlèen situtungen. 25Kennah isernepken Imam mo jari-jarina mi bagasen daroh pinakan idi nai idalisken mo mi tanduk-tanduk sini soki langgaten i janah mengarirken silebbihna mi dangaen langgaten i. 26Kessa i kennah itutung mo karina pessoh pinakan idi i babo langgaten, bagè sinibakin tupung pèlèen perdamèen. Bagidi mo carana imam memèlèken pèlèen kemulihken dosa sada kalak perkuasa, nai isasa Jahowa mo dosa kalak i.
27 #
4 Ms. 15:27-28
Tah bakunè lot sada kalak ibas jelma keteremmen nai oda itulun memakin dosa mengelausi sada ibas patiin Jahowa, 28asa enggo kessa satdar ia, kennah mo ipèlèken sada kambing berru-berru siso lot tikasna. 29Kennah iampèken tanganna mi babo takal pinakan i, nai isèat mo kettan Utara langgaten bekkas menèat pinakan mahan pèlèen situtungen. 30Kennah isernepken Imam mo jari-jarina mi bagasen daroh pinakan i, nai idalisken mo mi tanduk-tanduk sinisoki langgaten janah mengorèken silebbihna i mi dangaen langgaten i. 31Karina pessoh pinakan idi kennah ibaing bagè sinibakin tupung pèlèen perdamèen. Kennah itutung Imam ngo pessoh i ibabo langgaten, asa sennang atè Jahowa menganggoh bauna i. Bagi mo cara imam memèlèken pèlèen kemulihken dosa sada kalak jelma keteremmen, nai isasa Jahowa mo dosana.
32Mula lot sada kalak memèlèken sada biri-biri mahan kesasaen dosana, kennah berru-berru ngo biri-biri i janah oda lot tikasna. 33Kennah mo iampèken tanganna mi babo takal pinakan i, nai isèat mo kettan utara langgaten i, bekkas menèat pinakan mahan pèlèen situtungen. 34Kennah isernepken imam mo jari-jarina mi bagasen daroh pinakan i, nai idalisken mo mi tanduk-tanduk sinisoki-soki langgaten, janah mengorèken sitadingna mi danganen langgaten i. 35Nai karina pessoh pinakan i kennah ibuat bagè sinibakin tupung pèlèen perdamèen. Kennah itutung ngo pessoh i i babo langgaten, rebbak dekket pèlèen sipanganen sinipèlèken bai Jahowa. Bagi mo carana imam memèlèken pèlèen kerna dosa kalak i, nai isasa Jahowa mo dosana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)