3 Musa 3
3
Pèlèen Perdamèen
1Mula lot kalak memèlèken sada lembu mahan pèlèen perdamèen, ndorok ngo tonggal barang pè berru-berru lembu i, tapi oda ndorok lot tikasna. 2Kalak simemèlèken idi kennah iampèken tanganna mi babo takal pinakan i, nai isèat mo i lebbè pèntu Undung-undung Jahowa. Kennah ipispisken imam-imam pinempar si Aron mo daroh lembu idi mi empatna lumpak langgaten i. 3Mahan pèlèen perdamèen bai Jahowa, kennah ipèlèken imam-imam ngo dèba ipas pinakan i nai imo: pessoh simemaluti bitukana, 4piah-piah dekket pessohna dekket simerandalna kalohon ibas atèna nai. 5Karina idi rebbak dekket pèlèen sidèbankenna i kennah itutung i babo langgaten. Pesennangken atè Jahowa ngo bau pèlèen situtungen idi.
6Mula biri-biri barang kambing ngo mahan pèlèen perdamèen idi ndorok ngo pinakan idi tonggal barang berru-berru, tapi oda ndorok lot tikasna. 7Mula lot kalak memèlèken sada biri-biri, kennah iembah ngo i mi Jahowa. 8Isi mo kennah iampèken tanganna mi babo takal biri-biri idi nai isèat mo i i lebbè Undung-undung i. Nai kennah ipispisken imam mo daroh biri-biri idi mi empatna lumpak langgaten i. 9Mahan pèlèen perdamèen bai Jahowa, kennah ipèlèken imam mo ibas biri-biri idi nai imo: pessohna; karina èkur-èkurna simerpessoh janah ipenggel njolmit mi tulan burung-burungna, pessoh simemaluti bitukana, 10piah dekket pessohna dekket simerandalna kalohon ibas atèna nai. 11Kennah itutung imam simerkebbas mo karina i babo langgaten mahan pèlèen panganen bai Jahowa.
12Mula sada kambing ngo sinipèlèken i, kennah iembah kalak simemèlèken i ngo i mi Undung-undung Jahowa. 13I si mo ia kennah mengampèken tanganna i babo takal kambing i nai isèat mo i i lebbè Undung-undung i. Kennah ipispisken imam mo daroh pinakan i mi empat lumpakna langgaten i. 14Mahan pèlèen pangaen bai Jahowa, kennah ipèlèken imam ngo ibas kambing i nai: pessoh simemaluti bitukana i, 15piah-piah dekket pessohna dekket simerandalna kalohon ibas atèna nai. 16Kennah itutung imam simerkebbas mo karinana i i babo langgaten. Bau pèlèen panganen idi pesennangken atè Jahowa. Karinana pessoh pinakan idi bai Jahowa ngo. 17Oda ndorok kalak Israel kipangan pessoh-pessoh barang daroh pè. Soh mi sidekkah-dekkahna ngo merlakku hatoren idi janah kennah iuèi karina kalak Israel barang i dikè sambing ia merian.
Currently Selected:
3 Musa 3: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 3
3
Pèlèen Perdamèen
1Mula lot kalak memèlèken sada lembu mahan pèlèen perdamèen, ndorok ngo tonggal barang pè berru-berru lembu i, tapi oda ndorok lot tikasna. 2Kalak simemèlèken idi kennah iampèken tanganna mi babo takal pinakan i, nai isèat mo i lebbè pèntu Undung-undung Jahowa. Kennah ipispisken imam-imam pinempar si Aron mo daroh lembu idi mi empatna lumpak langgaten i. 3Mahan pèlèen perdamèen bai Jahowa, kennah ipèlèken imam-imam ngo dèba ipas pinakan i nai imo: pessoh simemaluti bitukana, 4piah-piah dekket pessohna dekket simerandalna kalohon ibas atèna nai. 5Karina idi rebbak dekket pèlèen sidèbankenna i kennah itutung i babo langgaten. Pesennangken atè Jahowa ngo bau pèlèen situtungen idi.
6Mula biri-biri barang kambing ngo mahan pèlèen perdamèen idi ndorok ngo pinakan idi tonggal barang berru-berru, tapi oda ndorok lot tikasna. 7Mula lot kalak memèlèken sada biri-biri, kennah iembah ngo i mi Jahowa. 8Isi mo kennah iampèken tanganna mi babo takal biri-biri idi nai isèat mo i i lebbè Undung-undung i. Nai kennah ipispisken imam mo daroh biri-biri idi mi empatna lumpak langgaten i. 9Mahan pèlèen perdamèen bai Jahowa, kennah ipèlèken imam mo ibas biri-biri idi nai imo: pessohna; karina èkur-èkurna simerpessoh janah ipenggel njolmit mi tulan burung-burungna, pessoh simemaluti bitukana, 10piah dekket pessohna dekket simerandalna kalohon ibas atèna nai. 11Kennah itutung imam simerkebbas mo karina i babo langgaten mahan pèlèen panganen bai Jahowa.
12Mula sada kambing ngo sinipèlèken i, kennah iembah kalak simemèlèken i ngo i mi Undung-undung Jahowa. 13I si mo ia kennah mengampèken tanganna i babo takal kambing i nai isèat mo i i lebbè Undung-undung i. Kennah ipispisken imam mo daroh pinakan i mi empat lumpakna langgaten i. 14Mahan pèlèen pangaen bai Jahowa, kennah ipèlèken imam ngo ibas kambing i nai: pessoh simemaluti bitukana i, 15piah-piah dekket pessohna dekket simerandalna kalohon ibas atèna nai. 16Kennah itutung imam simerkebbas mo karinana i i babo langgaten. Bau pèlèen panganen idi pesennangken atè Jahowa. Karinana pessoh pinakan idi bai Jahowa ngo. 17Oda ndorok kalak Israel kipangan pessoh-pessoh barang daroh pè. Soh mi sidekkah-dekkahna ngo merlakku hatoren idi janah kennah iuèi karina kalak Israel barang i dikè sambing ia merian.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)