3 Musa 5
5
Cidahari ngo perlu ipèlèken pèlèen kesasaen dosa?
1Pèlèen mengido kesasaen dosa perlu ipèlèken: Mula lot sada kalak jelma ipengido lako memerèken sada kesaksien ibas perhukumen, tapi oda ibagahken keterangen tersèngèt kadè sienggo idah barang idengkoh, gabè kennah ia mo menggongken akibatna.
2Mula lot sada kalak mersalah tapi oda nakkatna itulun, dungna gabè samur mo ia, kerna enggo sanga ijamah si samur, umpamana bangkè pinakan, janah enggo kessa bagi mèter satdar mo ia ibas pemahanna idi.
3Mula mersalah sada kalak kerna siso nitulunna mendegges samur rohna bai jelma nai, keppèken mèter satdar mo ia ibas pemahanna i.
4Mula lot mersalah sada kalak kumerna lumelotna sambing mersumpah lako mahanken barang kadè sambing, janah mèter satdar mo ia ibas pemahanna i.
5Ibas karina sibagidi, kalak simersalah i kennah ngo mengakui kesalahenna. 6Janah mahan penebbus dosana, kennah ngo ia merembah sada biri-biri barang pè kambing berru-berru bai Jahowa. Kennah ipèlèken Imam ngo pèlèen idi asa iampuni dosa ka- lak i.
7Tapi mula oda terpepada simersalah i biri-biri barang pè kambing mahan tebbus dosana, kennah iembah mo simpasang kerap barang anak ndarapati, sada mo mahan pèlèen kesasaen dosa, janah sada nai mahan pèlèen situtungen. 8Kennah iembah ngo manuk-manuk idi bai imam. Kennah lebbèen ngo ipèlèken imam manuk-manuk sienggo itentuken mahan pèlèen kesasaen dosa. Kennah ipoles kerahong manuk-manuk i, tapi ulang sanga ntalpung takalna. 9Kennah ipispisken ngo daroh manuk-manuk i mi biding langgaten i, janah sitadingna i iarirken mi ruar i danganen langgaten i, mahan pèlèen kesasaen dosa. 10Enggo kessa i ipèlèken imam mo manuk-manuk sipeduaken mahan pèlèen situtungen, rembang mi hatoren. Bagidi mo carana imam memèlèken pèlèen tersèngèt dosa kalak i, asa iampuni Jahowa ia.
11Mula oda terpepada simersalah i simpasang kèrap barang pè ndarapati mahan pèlèen mengido kesasaen dosa, kennah iembah mo sada kilo nditak. Ulang isakkor nditak i dekket minak zaitun barang dekket kemènjen, kumerna pèlèen mengido kesasaen dosa ngo pèlèen i oda pèlèen hantaren. 12Kennah iembah mo nditak i taba imam. Kennah ibuat imam idi mo singkupul ibas nditak idi nai sikira tanda magahken enggo karinana ipèlèken bai Jahowa. Kennah itutung mo nditak sisingkupul idi i babo langgaten sikira pèlèen sipanganen. Idi mo mahan pèlèen kesasaen dosa. 13Bagidi mo cara imam memèlèken pèlèen tersèngèt dosa kalak i, nai iampuni Jahowa mo ia. Nditak sitadingna i mo bagian imam, bagè sinibaing ibas pèlèen pagè.
Pèlèen gancih kerogien
14Iberrèken Jahowa mo bai si Musa hatoren-hatoren ènda. 15Mula lot sada kalak oda nakkatna itulun mengulaken dosa kumerna lembèna lako merèken pèlèen sienggo itentuken bai Jahowa, kennah iembah kalak i mo pèlèen singkat kerogien. Kennah mo sada biri-biri barang kambing tonggal siso lot tikasna pèlèen idi, janah iètong mengèkutken harga simerlakku i undung-undung Jahowa. 16Kennah igarar kalak i ngo kadè kin si- nilembèkenna i, itambahi dekket duapuluh persèn. Nai kennah isohken mo pinakan i taba imam, janah imam mo memèlèken kemulihken dosa kalak i, nai iampuni Jahowa mo ia.
17Mula lot sada kalak oda nakkatna itulun memaing dosa kumerna ilausi sada patiin Jahowa, salah ngo ia i si janah kennah ngo ia menggongken akibatna. 18Lako mahan pèlèen singkat kerogien kennah iembah ngo sada biri-biri barang kambing tonggal siso lot tikasna janah isukat hargana bagè harga simerlaku i Undung-undung Jahowa. Ipèlèken Imam mo i kumernaken dosa kalak i, nai iampuni Jahowa mo ia. 19Idi mo pèlèen gancih kerogien kumernaken kesalahen sinibakinna meradepken Jahowa.
Currently Selected:
3 Musa 5: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 5
5
Cidahari ngo perlu ipèlèken pèlèen kesasaen dosa?
1Pèlèen mengido kesasaen dosa perlu ipèlèken: Mula lot sada kalak jelma ipengido lako memerèken sada kesaksien ibas perhukumen, tapi oda ibagahken keterangen tersèngèt kadè sienggo idah barang idengkoh, gabè kennah ia mo menggongken akibatna.
2Mula lot sada kalak mersalah tapi oda nakkatna itulun, dungna gabè samur mo ia, kerna enggo sanga ijamah si samur, umpamana bangkè pinakan, janah enggo kessa bagi mèter satdar mo ia ibas pemahanna idi.
3Mula mersalah sada kalak kerna siso nitulunna mendegges samur rohna bai jelma nai, keppèken mèter satdar mo ia ibas pemahanna i.
4Mula lot mersalah sada kalak kumerna lumelotna sambing mersumpah lako mahanken barang kadè sambing, janah mèter satdar mo ia ibas pemahanna i.
5Ibas karina sibagidi, kalak simersalah i kennah ngo mengakui kesalahenna. 6Janah mahan penebbus dosana, kennah ngo ia merembah sada biri-biri barang pè kambing berru-berru bai Jahowa. Kennah ipèlèken Imam ngo pèlèen idi asa iampuni dosa ka- lak i.
7Tapi mula oda terpepada simersalah i biri-biri barang pè kambing mahan tebbus dosana, kennah iembah mo simpasang kerap barang anak ndarapati, sada mo mahan pèlèen kesasaen dosa, janah sada nai mahan pèlèen situtungen. 8Kennah iembah ngo manuk-manuk idi bai imam. Kennah lebbèen ngo ipèlèken imam manuk-manuk sienggo itentuken mahan pèlèen kesasaen dosa. Kennah ipoles kerahong manuk-manuk i, tapi ulang sanga ntalpung takalna. 9Kennah ipispisken ngo daroh manuk-manuk i mi biding langgaten i, janah sitadingna i iarirken mi ruar i danganen langgaten i, mahan pèlèen kesasaen dosa. 10Enggo kessa i ipèlèken imam mo manuk-manuk sipeduaken mahan pèlèen situtungen, rembang mi hatoren. Bagidi mo carana imam memèlèken pèlèen tersèngèt dosa kalak i, asa iampuni Jahowa ia.
11Mula oda terpepada simersalah i simpasang kèrap barang pè ndarapati mahan pèlèen mengido kesasaen dosa, kennah iembah mo sada kilo nditak. Ulang isakkor nditak i dekket minak zaitun barang dekket kemènjen, kumerna pèlèen mengido kesasaen dosa ngo pèlèen i oda pèlèen hantaren. 12Kennah iembah mo nditak i taba imam. Kennah ibuat imam idi mo singkupul ibas nditak idi nai sikira tanda magahken enggo karinana ipèlèken bai Jahowa. Kennah itutung mo nditak sisingkupul idi i babo langgaten sikira pèlèen sipanganen. Idi mo mahan pèlèen kesasaen dosa. 13Bagidi mo cara imam memèlèken pèlèen tersèngèt dosa kalak i, nai iampuni Jahowa mo ia. Nditak sitadingna i mo bagian imam, bagè sinibaing ibas pèlèen pagè.
Pèlèen gancih kerogien
14Iberrèken Jahowa mo bai si Musa hatoren-hatoren ènda. 15Mula lot sada kalak oda nakkatna itulun mengulaken dosa kumerna lembèna lako merèken pèlèen sienggo itentuken bai Jahowa, kennah iembah kalak i mo pèlèen singkat kerogien. Kennah mo sada biri-biri barang kambing tonggal siso lot tikasna pèlèen idi, janah iètong mengèkutken harga simerlakku i undung-undung Jahowa. 16Kennah igarar kalak i ngo kadè kin si- nilembèkenna i, itambahi dekket duapuluh persèn. Nai kennah isohken mo pinakan i taba imam, janah imam mo memèlèken kemulihken dosa kalak i, nai iampuni Jahowa mo ia.
17Mula lot sada kalak oda nakkatna itulun memaing dosa kumerna ilausi sada patiin Jahowa, salah ngo ia i si janah kennah ngo ia menggongken akibatna. 18Lako mahan pèlèen singkat kerogien kennah iembah ngo sada biri-biri barang kambing tonggal siso lot tikasna janah isukat hargana bagè harga simerlaku i Undung-undung Jahowa. Ipèlèken Imam mo i kumernaken dosa kalak i, nai iampuni Jahowa mo ia. 19Idi mo pèlèen gancih kerogien kumernaken kesalahen sinibakinna meradepken Jahowa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)