2 Musa 23
23
Ketegerren dekket kesèntengen
1 #
2 Ms. 20:16; 3 Ms. 19:11-12; 5 Ms. 5:20 “Ulang sarken berita siso tuhu janah ulang mengurupi kalak jahat simenaksiken siso tuhu. 2Ulang terèkut-èkut mi jelma mbellang mula salah ngo sinibahan kalak i barang pepèolken hukum merkitè mengeruapken kesaksien siso tuhu. 3#3 Ms. 19:15 Ulang menengen-nengen kalakna ibas perhukumen, agia pè sinirungguken idi kalak sincor.
4 #
5 Ms. 22:1-4
Mula tupung idah kono lembu barang kalodè musuhmu laling, iring mo balik taba sidasa. 5Mula ndabuh kalodè musuhmu kerna mbotong embahenna, urupi ia lako pecènderken kalodè idi; ulang tadingken bagi sambing.
6 #
3 Ms. 19:15; 5 Ms. 16:19 Adil bakin taba kalak sincor mula roh ia mengaduken perkarana mi perhukumen. 7Pesisi mo tukas palsu janah ulang gabè kalak siso mersalah i hukum matè, kerna oda Kukellemoken kalak simemakin kejahaten sibagidi. 8Ulang jalo kèpèng sisip, kerna kèpèng sisip idi memaing kalak gabè pètung tersèngèt ketègerren janah mengerogiken kalak siso mersalah.
9 #
2 Ms. 22:21; 3 Ms. 19:33-34; 5 Ms. 24:17-18, 27:19 Ulang memakin lemmo-lemmo atè taba kalak pendampin; ibettoh kènè ngo bakunè mpiahna gabè kalak pendampin, kerna kènè pè kin pendampin ngo i tanoh Mesir.”
Tahun pepituken dekket ari pepituken
10 #
3 Ms. 25:1-7
“Ennem tahun dekkahna kènè ndorok menuani juma ndènè dekket memuat barang kadè sinihasilkenna. 11Tapi i tahun pepituken kennah bellien ndènè ngo tanoh i. Sidekkah sitahun idi oda ndorok kènè pepulungken barang kadè turah bana i juma ndènè i. Belli kènè mo idi bai kalak sincor, janah sitadingna bai binatang-binatang. Bagidi ma mo baing kènè dekket pekken anggur bak batang zaitun ndènè.
12 #
2 Ms. 20:9-11, 31:14-15, 34:21, 35:2; 3 Ms. 23:3; 5 Ms. 5:13-14 Ennem ari ibas sada minggu ngo kènè ndorok mengula, tapi ukum i ari pepituken kennah mentadi ngo kènè, asa nasa pinakan ndènè, hamba-hamba ndènè dekket karina kalak sidèban simengula rebbak kènè ndorok ma mentadi.
13Perdatèken mo karina sienggo Kudokken taba kènè, ulang sembah dèbata sidèban, salang menggerari gerarna pè oda ndorok.”
Hatoren tersèngèt ari raya
(2 Ms. 34:18-26; 5 Ms. 16:1-17)
14“Gennep tahun kennah ngo bakinen ndènè tellu kali pèsta lako pesangapken Aku. 15#2 Ms. 12:14-20; 3 Ms. 23:6-8; 4 Ms. 28:17-25 Tupung bulan Abib, ibas katika sinitentuken, kennah ngo kènè memèstaken Pèsta Roti Siso meragi merkitè cara sienggo Kuperèntahken taba kènè, kerna tupung bulan i ngo kènè menadingken Mesir. Ulang mangan roti sinibahan merdengan ragi sidekkah pèsta sipitu ari idi. Gennep roh kènè mersembah taba Aku, kennah merembah pèlèen ngo kènè.
16 #
3 Ms. 23:15-21, 39-43; 4 Ms. 28:26-31 Pèstaken kènè mo Pèsta Peranien tikan itebenai kènè memotik hasil perlebbè i juma ndènè nai.
Pèstaken mo Pèsta Undung-undung Bulung i punca tahun tikan pepulungken hasil pekken anggur dekket pekken buah-buahen ndènè kènè.
17Gennep tahun tikan ipèstaken kènè pèsta sitellu idi, karina anak laki kennah roh mersembah taba Aku, Jahowa Dèbata ndènè.
18Ulang pèlèken roti simeragi mula tikan memèlèken pinakan kènè taba Aku. Pessoh pinakan sinipèlèken taba Aku sidekkah pèsta-pèsta idi, oda ndorok itadingken soh sibarembenkenna siceggen.
19 #
5 Ms. 26:2; 2 Ms. 34:26; 5 Ms. 14:21 Gennep tahun kennah embahen ndènè ngo mi bages Jahowa Dèbata ndènè buah pagè siperlebbè i potik kènè.
Jukut anak biri-biri barang anak kambing oda ndorok iroroh dekket laè susu indungna.”
Jandi dekket Perèntah
20“PasulakkenKu mo malaèkatKu menge- lebbèi kènè lako mendengani kènè i perdalanen janah merembah kènè mi bekkas sienggo Kupehantar. 21Perdatèken janah uèi mo ia. Ulang mengalo kènè tabasa kerna pa- sulakkenKu ngo ia, janah oda uè ia mengam- puni kesalahen ndènè.
22Mula merpenguèi ngo kènè tabasa janah mengulaken karina siKuperèntahken, Aku mo mergeraha mengalo karina musuh ndènè. 23Ilebbèi malaèkatKu mo kènè janah merembah kènè mi nagerri bangsa Amori, Het, Feris, Kanaan, Hewi dekket Jebus, janah ripasenkenKu mo kalak i. 24Ulang sembah gana-ganaen percilendungen kalak i, janah ulang codi cara mersembah kalak i. Geppui kènè mo gana-ganaen percilèndungen kalak idi janah penggelken kènè mo tihang tihang batu sinipakè kalak i lako mersembah. 25Mula isembah kènè Aku, Jahowa Dèbata ndènè Kupasu-pasu pè kènè merkitè pangaen dekket enumen, janah Kupedaoh karina sakit bai ndènè nai. 26I nagerrimu oda lot daberru keguguren barang gempus. Kuberrèken pè nggeddang umur bai ndènè.
27Nasa bangsa sinidahi ndènè buradan mo Kubaing midah Aku; sompar baèr mo Kubakin kalak idi; karina musuhmu kennah moncel janah mperrus. 28Karina musuhmu Kusompar-baèrken, janah Kupelaus mo bangsa Hewi, Kanaan dekket Het i lebbè ndènè nai, asa ndorok kènè merdalan mi lebbè. 29Oda ngo sikali Kupelaus kalak i karina ibagasen sitahun, asa ulang mènter terulang tanoh i, janah asa ulang kumasèbut binatang i rambah. 30Dèba-dèba ngo kalak i Kupelaus, soh lebbè enggo cukup bilangen ndènè mengiani tanoh idi. 31Perbalengen tanoh ndènè Kutentuken mo mulai i Teluk Akaba nai soh mi laè Efrat, dekket i Laut Tengah nai soh mi padang gurun. Kuberrèken mo kuasa bai ndènè mengerajai jelma sini nagerri idi, asa ndorok ipelaus kènè kalak idi tikala kènè juhap mengerampas tanoh idi. 32Ulang kènè makin padan taba jelma sinisidi barang taba dèbata-dèbata kalak i. 33Ulang belli kalak i merian i nagerri ndènè i, asa ulang isembah kènè dèbata-dèbata kalak i, janah asa ulang merdosa kènè baKu. Mula isembah kènè dèbata kalak i, ndabuh mo kènè mi bagasen togong-togong kematèen.”
Currently Selected:
2 Musa 23: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
