2 Musa 1
1
Kalak Israel idersa i Mesir
1 #
1 Ms. 46:8-27
Si Jakob sinigeraren ma si Israel, laus mi Mesir rebbak dukak-dukakna bagi ma dekket sinibagesna gennep. Dukak-dukak si Jakob imo:
2Ruben
Simeon
Lewi
Juda
3Isasar
Zebulon
Benyamin
4Dan
Naftali
Gad
Asyer
5Karina pemparen si Jakob buèna pitupuluh kalak. Enggo lebbèen kin si Josep i tanoh Mesir. 6Enggo kessa barang sadikè dekkahna, matè mo si Josep dekket karina kaka-anggina, bagi ma dekket karina sinterbang dekketsa. 7#Ul. 7:17 Ukum pemparen kalak idi, imo kalak Israel, meranak merberru mbuè kalohon ngo, janah ndor ngo kalak i nterrem-gabe idomi kalak idi karina nagerri Mesir.
8 #
Ul. 7:18
Kessa i lot mo sada raja rimbaru siso menandai si Josep mengerajai i Mesir. 9Idokken mo taba ginemgemna idi, “Kerna buèn janah mergegohen ngo kalak idi banta nai, merbahaya ngo kalak i banta. 10#Ul. 7:19 Mula masa geraha, tah bakunè sada taki nola kalak idi dekket musuh mengalo kita, gabè mperrus kalak i menadingken nagerri èn. Kennah situlusi mo dalan bakunè asa ulang buèèn nola kalak idi.” 11Nai i pebangkit kalak Mesir mo mandur taba bangsa Israel lako pepersah-persahken nggelluh kalak idi merkitè rodi. Ipaksa mo kalak idi memajek bai raja, kuta Pitom dekket Raamses mahan bekkas penimpanen harta. 12Tapi makin idersa kalak Mesir pè kalak i makin muat tambahna ngo buè kalak Israel, janah makin sap mo kalak idi i suberri nagerri i, nai makin mbiar mo kalak Mesir taba kalak idi. 13Nai makin kejamna mo kalak idi mendersa bangsa Israel, 14janah ipepersuk nggelluh kalak idi. Oda meralang-alang ipaksa ngo kalak i mahan bahaen dekket mengula juma.
15Kessa i iperèntahken Raja Mesir mo taba si Sifra dekket si Pua, dua kalak sibaso simengurupi daberru Heber si ketaring. 16Nina raja i mo, “Mula tupung mengurupi daberru kalak Heber kènè ketaring èngèt kènè mo èn: Mula daholi ngo situbuh i, patèken kènè mo. Mula daberru ngo situbuh i, belli kènè mo nggelluh.” 17Tapi duana ngo sibaso idi mbiar midah Dèbata. Oda nggèut kalak idi mengulaken perèntah raja i janah ibelli ngo nggelluh karina anak daholi sirimbaru tubuh i. 18Nai idilo raja i mo sibaso sidua kalak idi janah ikuso, “Kasa ibelli kènè anak-anak daholi i nggelluh?”
19Ialoi kalaki mo, “Oda ngo bagè daberru Mesir daberru Heber. Melungkah kalohon ngo kalak i menubuhken dukak. Sinderrang mak deng pe roh sibaso, enggo tubuh dukak kalak i.” 20-21Nai ipasu-pasu Dèbata mo sibaso-sibaso idi janah memaing kalak i meranak-merberru, kerna ipesangap kalaki Dèbata. Janah kalak Israel pè muat tambah mbuèna mo janah mergegoh. 22#Ul. 7:19 Nai ipesakat raja mo perèntah ènda bai karina-sinigemgemmenna, “Gennep dukak daholi kalak Heber sirembaru tubuh kennah ambongenken mi Laè Nil, tapi karina dukak daberru ndorok mo iduè nggelluh.”
Currently Selected:
2 Musa 1: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
