2 KORINTUS 9
9
Raryur pipi faro kawasa Kristen ro Yerusalem
9:1-5
1Fandun werḇa yafas faro naek srar ro fafnoḇek sfarem faro Allah kawasa ḇyesi ro Yudea. 2Yafawi naek srar mkomarisen mkofnoḇek, ma yasandik mko kwar faro kawasa ro Makedonia. Yakofen farosi, naek srar ro Akhaya randak ro wampasi wambarek ḇesyonde kwar sfasos kwar fa ssḇuk famfnoḇek. Ma naek srar sasewar mkoḇena nadif ḇarḇebaya kwar ro sasewar sena kako. 3Insape yawan Titus ma naek ḇese ansuine mufa ḇemko insa rosai nkomsik nko fa ḇekur mko nebeidi awer. Inja, naek srar iḇye mkofasos, snar yakofen farosi mboi mkofasos famfnoḇek anna kwar. 4Yamkak warek rofyor kawasa Makedonia ono siso fnoḇek aya rofafisu yara mufaḇe mko. Ma rofyor sisrow mkofasos ḇaim, sye, nari komai kaku, snar nkokofen kwar mboi nkokyar faro mko! Ma naek srar mankun mko kako nari mkomai. 5Eḇedari fandun kaku fa yawan ḇepon snonkaku sine faro mko fa mkofasos fanaḇnoḇek mkoḇe asas anna. Yafrur rarirya insa rofyor yarafa, famfnoḇek mkoḇena nfasos kwar. Rarirya, famfnoḇek ro naek srar mko, neḇeḇuk kuker marisen, mboi kuker ḇaḇedafdiferḇa.
Ḇaḇeḇok faro ḇeḇuk kuker marisen
9:6-15
6Mkoswarepen! Snonkaku ḇeḇuḇer rokaker kermkun monda nari duf kermkun monda kako. Ḇape snonkaku ḇeḇuḇer rokaker nabor nari duf nabor kako. 7Snonkaku oser-oser ḇyuk imnis marisen ḇyedi. Ḇyuk kuker fafardun awer roba snar ḇaḇedafdifer, snar Allah iswar snonkaku ḇeḇuk kuker marisensya. 8Allah nari ḇyuk ḇok ḇefarsbawer faro naek srar, insa naek srar mkosma rosai mkoḇe fandun na; mboi nari naek srar mkona syadi fa mkokfrur ḇaḇye. 9#Mzm. 112:9Sfas ro Refo ro Allah radine,
“Allah ḇyerarwas, ḇyuk faro snonkaku ḇesaḇararsya;
ḇaḇye ḇyedi ḇekain fyoro-fyoroya.”
10 #
Yes. 55:10
Allah i ḇefasos rokaker faro mambuḇer ma roḇeyan maḇeko, Allah ani kako nari fyasos ma ḇyuk nabor rosai naek buḇer na, insa ḇaḇenaḇye bedi nabor syadi wer. 11Rarirya naek srar nari mkosma mnis roi ḇeḇor kam isof mkomarisen mkoḇuk kuker sanemura. Ma roi ḇeḇor mkoḇuk ma nkoḇerarwas na, nbedar snonkaku sibor sikofen kasumasa faro Allah. 12Snar fararur ḇeḇye naek srar mkofrur ine, ḇyefa Allah kawasa ḇyesi sisma mnis monda ro ananjar senaḇa, ḇape nari sḇedar snonkaku sibor sikofen kasumasa faro Allah. 13Snar ro ḇaḇenaḇye naek srar mkofasna ine, kawasa Kristen ḇeḇor ro Yudea nari sisandik Allah snar smam ḇaḇesyowi mkoḇena faro Ankankinem Ḇeḇye ro Kristus mkoso ani. Ma snar sanemura ro naek srar mkoḇerwas rosai isya ro mko farosi ma faro snonkaku ḇesesya kam. 14Ma nari senadi warek naek srar kuker saswar ḇeba snar Allah ḇyenaḇye faro mko. 15Iḇye kokofen kasumasa mufaḇe Allah snar roi ḇyukma naba kaku.
Currently Selected:
2 KORINTUS 9: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 9
9
Raryur pipi faro kawasa Kristen ro Yerusalem
9:1-5
1Fandun werḇa yafas faro naek srar ro fafnoḇek sfarem faro Allah kawasa ḇyesi ro Yudea. 2Yafawi naek srar mkomarisen mkofnoḇek, ma yasandik mko kwar faro kawasa ro Makedonia. Yakofen farosi, naek srar ro Akhaya randak ro wampasi wambarek ḇesyonde kwar sfasos kwar fa ssḇuk famfnoḇek. Ma naek srar sasewar mkoḇena nadif ḇarḇebaya kwar ro sasewar sena kako. 3Insape yawan Titus ma naek ḇese ansuine mufa ḇemko insa rosai nkomsik nko fa ḇekur mko nebeidi awer. Inja, naek srar iḇye mkofasos, snar yakofen farosi mboi mkofasos famfnoḇek anna kwar. 4Yamkak warek rofyor kawasa Makedonia ono siso fnoḇek aya rofafisu yara mufaḇe mko. Ma rofyor sisrow mkofasos ḇaim, sye, nari komai kaku, snar nkokofen kwar mboi nkokyar faro mko! Ma naek srar mankun mko kako nari mkomai. 5Eḇedari fandun kaku fa yawan ḇepon snonkaku sine faro mko fa mkofasos fanaḇnoḇek mkoḇe asas anna. Yafrur rarirya insa rofyor yarafa, famfnoḇek mkoḇena nfasos kwar. Rarirya, famfnoḇek ro naek srar mko, neḇeḇuk kuker marisen, mboi kuker ḇaḇedafdiferḇa.
Ḇaḇeḇok faro ḇeḇuk kuker marisen
9:6-15
6Mkoswarepen! Snonkaku ḇeḇuḇer rokaker kermkun monda nari duf kermkun monda kako. Ḇape snonkaku ḇeḇuḇer rokaker nabor nari duf nabor kako. 7Snonkaku oser-oser ḇyuk imnis marisen ḇyedi. Ḇyuk kuker fafardun awer roba snar ḇaḇedafdifer, snar Allah iswar snonkaku ḇeḇuk kuker marisensya. 8Allah nari ḇyuk ḇok ḇefarsbawer faro naek srar, insa naek srar mkosma rosai mkoḇe fandun na; mboi nari naek srar mkona syadi fa mkokfrur ḇaḇye. 9#Mzm. 112:9Sfas ro Refo ro Allah radine,
“Allah ḇyerarwas, ḇyuk faro snonkaku ḇesaḇararsya;
ḇaḇye ḇyedi ḇekain fyoro-fyoroya.”
10 #
Yes. 55:10
Allah i ḇefasos rokaker faro mambuḇer ma roḇeyan maḇeko, Allah ani kako nari fyasos ma ḇyuk nabor rosai naek buḇer na, insa ḇaḇenaḇye bedi nabor syadi wer. 11Rarirya naek srar nari mkosma mnis roi ḇeḇor kam isof mkomarisen mkoḇuk kuker sanemura. Ma roi ḇeḇor mkoḇuk ma nkoḇerarwas na, nbedar snonkaku sibor sikofen kasumasa faro Allah. 12Snar fararur ḇeḇye naek srar mkofrur ine, ḇyefa Allah kawasa ḇyesi sisma mnis monda ro ananjar senaḇa, ḇape nari sḇedar snonkaku sibor sikofen kasumasa faro Allah. 13Snar ro ḇaḇenaḇye naek srar mkofasna ine, kawasa Kristen ḇeḇor ro Yudea nari sisandik Allah snar smam ḇaḇesyowi mkoḇena faro Ankankinem Ḇeḇye ro Kristus mkoso ani. Ma snar sanemura ro naek srar mkoḇerwas rosai isya ro mko farosi ma faro snonkaku ḇesesya kam. 14Ma nari senadi warek naek srar kuker saswar ḇeba snar Allah ḇyenaḇye faro mko. 15Iḇye kokofen kasumasa mufaḇe Allah snar roi ḇyukma naba kaku.
Currently Selected:
:
Highlight
Share
Copy
Want to have your highlights saved across all your devices? Sign up or sign in