2 KORINTUS 8
8
Kawasa Kristen pipi fafnoḇek sena
8:1-15
1 #
Rm. 15:26
Naek srar, nkomarisen famkofawi kako rariso Allah saswar ḇyedi faro kawasa Kristen ro Makedonia. 2Kawasa Kristen ansi seḇemnasen kwar kuker ḇaḇewayam ḇemarbak kaku. Ḇape rofandu ḇaḇewayam ma saḇarar sena siryaḇ ma ssḇuk fafnoḇek ḇekakaku faro snonkaku ḇese. 3Mankundaya yamam ssḇuk raris moḇ sisma raya, mboi ssḇuk syadi wer. Ma oso ḇyedifer siḇa, 4sikako sor ro nko insa sakḇuk fafnoḇek faro Allah kawasa ḇyesi ro Yudea. 5Nkokyar ma nkor ro siḇa mboi ssḇuk rarirya, snar randakya ssḇuk mankunsi faro Manseren kwar; ḇarpurya faro nko kako, snar Allah imarisen rarirya. 6Inja, nkor kaku faro Titus – ḇerak sasewar ine – insa ifrur pdef sasewar ḇeḇye ine ro fandu naek srar kako. 7Naek srar mkoḇye kaku ro roi ḇeḇor kam. Naek srar mkoḇye ro kakyarya, mkoḇuk kakara, ro fawawi, ma ro roi ḇeḇor ḇekur sasewar, ma ro sasewar mkoḇena maḇe nko. Inja, iḇye naek mkofawi nanem kako ro sasewar ḇeḇye ine.
8Yakofen na imnis sasoser oso mufa ḇemkoḇa. Ḇape kuker fasasna ro snonkaku ono ḇese ḇefararur sambraḇ kaku ḇeḇuk fafnoḇek fa ḇefnoḇek snonkaku, ma yamarisen yamam kako isof ro moḇsaiso naek srar saswar mkoḇena. 9Snar naek srar mkofawi kaku mboi Yesus Kristus Manseren koḇedi iswar ko. Ḇyekayan, ḇape ifrur mankundiḇe ḇesaḇarar faro naek srar fandun mkoḇena, insa kuker saḇarar ḇyena, naek srar mko ḇekayan.
10Imnis kakara yedi, ro roi ḇeḇesya nane iḇye naek srar mkofrur posa rosai mkorandak kwar ro wampasi wambarek aniyafa. Snar naek srar mkoiso ḇerak sasewar ine. Rarirya kako kakara fa mkofrur sasewar ḇeradine ryama ro mko. 11Inja, iḇye naek srar mkofararur pdef imnis samambraḇ mkoḇena. Iḇye naek srar mkomsik fa mkofrur posa sasewar ani, imnis raris randakya kako mkomsik ḇo mkawraya. 12Rofyor mkomarisen fa mkoḇuk, nari Allah imarisen fa nyana snar neknam ro rosai mkosma na, mboi neknam ro saḇarar mkoḇenaḇa.
13Yasma kakara ḇaḇeri fa yaḇuk mananan faro snonkaku ḇese ro kankarem, mboi yaḇuk marḇak faro mko. Iḇye namamnis. 14Ḇape snar baboine naek srar mkosma namnis, inja iḇye mkofamfon ananjar sena. Nari rofyor mkakananjar ma saksma namnis, nari sakfnoḇek naek srar mko. Rarirya sukam suḇe ḇeyuf farmyan. 15#Kel. 16:18Sfas ro Refo radine,
“Snonkaku ḇero andido,
nya syadiḇa,
ma snonkaku ḇero bakyaf,
dananjarḇa.”
Titus ma min ḇyesuya siwan suḇe Korintus
8:16-24
16Nko kofen kasumasa mufaḇe Allah snar ifrur fa Titus imyaren imnis nko fa ifnoḇek naek srar mko! 17Snar Titus imarisen iso fararyor nkoḇedi mondaḇa, ḇape ikako imyaren kaku fa ifnoḇek mko isof mankundi imarisen ma dawos namuk fa ryamufa ḇemko. 18Nkofarem fnoḇeki naek oso semafi rofandu kawasa Kristen snar fararur ḇyedi ro ḇararyas Ankankinem Ḇeḇye ro Allah. 19Snar naek ani ḇyeḇekinfir kwar kako ma kawasa Kristen sikanowi fa ifnoḇek nko ro marandan nkoḇena. Snar nari ro marandan nkoḇedi fa nkoḇuk fafnoḇek anna, insa Manseren isma sanandik ma insa naek srar mkomam mboi nkomarisen nkofnoḇek.
20Nkoḇesasor kaku insa snonkaku ono skara sasar awer nko ro fafnoḇek ḇeba nkoḇuk anna. 21Nkomarisen nkofrur napnapes ro Manseren ḇarpon ḇyedi mondaba, ḇape roḇarpon snonkaku kako.
22Titus kuker naek kokofen ani, ma nkowan naek oso ḇese kako. Nkomnasen birikwar ḇerarwan ono ma nkomam imarisen ifamfnoḇek. Ma baboine, imarisen syadi ifnoḇek naek srar snar ikyar kaku nko. 23Titus, inido min ayedi ḇefararur fnoḇek aya fa ḇefnoḇek mko. Ma faro naek ḇese ansuine, ḇeso fnoḇek Titus, kawasa Kristen siso ḇewan sunya – sanandik oso faro Kristus. 24Nkokyar naek srar mkofasna saswar farosi, insa kawasa Kristen kam sifawi naek srar mkoswar si ma rosai nkomsik kukerya faro naek srar mkokyar beri.
Currently Selected:
2 KORINTUS 8: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 8
8
Kawasa Kristen pipi fafnoḇek sena
8:1-15
1 #
Rm. 15:26
Naek srar, nkomarisen famkofawi kako rariso Allah saswar ḇyedi faro kawasa Kristen ro Makedonia. 2Kawasa Kristen ansi seḇemnasen kwar kuker ḇaḇewayam ḇemarbak kaku. Ḇape rofandu ḇaḇewayam ma saḇarar sena siryaḇ ma ssḇuk fafnoḇek ḇekakaku faro snonkaku ḇese. 3Mankundaya yamam ssḇuk raris moḇ sisma raya, mboi ssḇuk syadi wer. Ma oso ḇyedifer siḇa, 4sikako sor ro nko insa sakḇuk fafnoḇek faro Allah kawasa ḇyesi ro Yudea. 5Nkokyar ma nkor ro siḇa mboi ssḇuk rarirya, snar randakya ssḇuk mankunsi faro Manseren kwar; ḇarpurya faro nko kako, snar Allah imarisen rarirya. 6Inja, nkor kaku faro Titus – ḇerak sasewar ine – insa ifrur pdef sasewar ḇeḇye ine ro fandu naek srar kako. 7Naek srar mkoḇye kaku ro roi ḇeḇor kam. Naek srar mkoḇye ro kakyarya, mkoḇuk kakara, ro fawawi, ma ro roi ḇeḇor ḇekur sasewar, ma ro sasewar mkoḇena maḇe nko. Inja, iḇye naek mkofawi nanem kako ro sasewar ḇeḇye ine.
8Yakofen na imnis sasoser oso mufa ḇemkoḇa. Ḇape kuker fasasna ro snonkaku ono ḇese ḇefararur sambraḇ kaku ḇeḇuk fafnoḇek fa ḇefnoḇek snonkaku, ma yamarisen yamam kako isof ro moḇsaiso naek srar saswar mkoḇena. 9Snar naek srar mkofawi kaku mboi Yesus Kristus Manseren koḇedi iswar ko. Ḇyekayan, ḇape ifrur mankundiḇe ḇesaḇarar faro naek srar fandun mkoḇena, insa kuker saḇarar ḇyena, naek srar mko ḇekayan.
10Imnis kakara yedi, ro roi ḇeḇesya nane iḇye naek srar mkofrur posa rosai mkorandak kwar ro wampasi wambarek aniyafa. Snar naek srar mkoiso ḇerak sasewar ine. Rarirya kako kakara fa mkofrur sasewar ḇeradine ryama ro mko. 11Inja, iḇye naek srar mkofararur pdef imnis samambraḇ mkoḇena. Iḇye naek srar mkomsik fa mkofrur posa sasewar ani, imnis raris randakya kako mkomsik ḇo mkawraya. 12Rofyor mkomarisen fa mkoḇuk, nari Allah imarisen fa nyana snar neknam ro rosai mkosma na, mboi neknam ro saḇarar mkoḇenaḇa.
13Yasma kakara ḇaḇeri fa yaḇuk mananan faro snonkaku ḇese ro kankarem, mboi yaḇuk marḇak faro mko. Iḇye namamnis. 14Ḇape snar baboine naek srar mkosma namnis, inja iḇye mkofamfon ananjar sena. Nari rofyor mkakananjar ma saksma namnis, nari sakfnoḇek naek srar mko. Rarirya sukam suḇe ḇeyuf farmyan. 15#Kel. 16:18Sfas ro Refo radine,
“Snonkaku ḇero andido,
nya syadiḇa,
ma snonkaku ḇero bakyaf,
dananjarḇa.”
Titus ma min ḇyesuya siwan suḇe Korintus
8:16-24
16Nko kofen kasumasa mufaḇe Allah snar ifrur fa Titus imyaren imnis nko fa ifnoḇek naek srar mko! 17Snar Titus imarisen iso fararyor nkoḇedi mondaḇa, ḇape ikako imyaren kaku fa ifnoḇek mko isof mankundi imarisen ma dawos namuk fa ryamufa ḇemko. 18Nkofarem fnoḇeki naek oso semafi rofandu kawasa Kristen snar fararur ḇyedi ro ḇararyas Ankankinem Ḇeḇye ro Allah. 19Snar naek ani ḇyeḇekinfir kwar kako ma kawasa Kristen sikanowi fa ifnoḇek nko ro marandan nkoḇena. Snar nari ro marandan nkoḇedi fa nkoḇuk fafnoḇek anna, insa Manseren isma sanandik ma insa naek srar mkomam mboi nkomarisen nkofnoḇek.
20Nkoḇesasor kaku insa snonkaku ono skara sasar awer nko ro fafnoḇek ḇeba nkoḇuk anna. 21Nkomarisen nkofrur napnapes ro Manseren ḇarpon ḇyedi mondaba, ḇape roḇarpon snonkaku kako.
22Titus kuker naek kokofen ani, ma nkowan naek oso ḇese kako. Nkomnasen birikwar ḇerarwan ono ma nkomam imarisen ifamfnoḇek. Ma baboine, imarisen syadi ifnoḇek naek srar snar ikyar kaku nko. 23Titus, inido min ayedi ḇefararur fnoḇek aya fa ḇefnoḇek mko. Ma faro naek ḇese ansuine, ḇeso fnoḇek Titus, kawasa Kristen siso ḇewan sunya – sanandik oso faro Kristus. 24Nkokyar naek srar mkofasna saswar farosi, insa kawasa Kristen kam sifawi naek srar mkoswar si ma rosai nkomsik kukerya faro naek srar mkokyar beri.
Currently Selected:
:
Highlight
Share
Copy
Want to have your highlights saved across all your devices? Sign up or sign in