2 KORINTUS 10
10
Paulus ḇyesano warek afuffarmyan ḇyedi
10:1-11
1Ro aya, Paulus, mankundaya ḇardi yamarisen yaḇuk wos ono faro mko. Snonkaku ono sikofen ro aya soḇo, rofyor yasrow naek srar mko, yamsik ayaḇa, mboi yaḇinkwan ido yamsik aya. Mboi snar fafafir ma ḇaḇenaḇye ro Kristus, 2inja yor kaku faro mko: insa mkodif awer aya fa yafasna masasik ayena rofyor yaramufa ḇemko. Snar yakara fa yaḇe yafasna masasik ayena faro kawasa ḇekofen mboi nkofararur kuker kakara ro supswan ine. 3Mboi koisya kokenem kaker ro supswan ine, ḇape kofaḇaḇri kuker romamun supswan ine senaḇa. 4Romamun koḇuki fyaḇaḇri na romamun supswan naisyaḇa, ḇape romamun Allah fyasos kuker papoik ḇyedi. Kuker romamun anna koḇuki kyakok ayar mamun snonkaku; ma koḇuki idwarek famfaḇri na 5ma koḇukna nkakok ayar mamun marares sḇawes fa ssḇuki isampum napnapes ro Allah. Koḇukna nfor kakara kawasa ma kofrursi fa sesyowi mufaḇe Kristus. 6Ma rofyor naek srar mkoḇeuser kaku kwar, nari mkofasos fa mkoḇuk samamyai faro snonkaku kam ḇeḇeuser ḇasya.
7Naek srar mkofawi rosai ḇekakuya. Fyor snonkaku ono sikyar Kristus nyasi, iḇye kyukeḇ mankundi ma ifawi mboi Kristus nya nko kako imnis si. 8Yafawi yamaiḇa rofyor yamsik nabor syadi wer ro Manseren papoik ḇyuk kwar maḇe nko, snar papoik ani ḇyeḇeḇuk fa nkokḇawes naek srar, mboi nkoḇuki kyakok ḇa. 9Ro syap ayena yamewer mkokara ḇo mkoḇo yafrur makakak mko. 10Nari snonkaku ono sikofen ḇosoḇo, “Paulus syap ḇyena nmarḇak ma npakrek, ḇape rofyor mankundi isya ro fandu ko, syambraḇ ḇa ma wos ḇyena nefaindaḇa!” 11Iḇye snonkaku ḇerarirya ansi sifawi mboi rofyor nkorafa, nari nkofrur imnis rosai nkofas ro syap anna.
Paulus ḇyuk mankundi kyakara
10:12–11:6
12Kakuḇaḇoi nari yakara roḇa yaḇuk mankundaya fayamnis kuker kawasa ḇesandik mankunsisya ḇa. Snonkaku ansi sifawi royoḇaḇeri ssḇuk mankunsi skara imnis warnkyara fa skarayae mankunsi. 13Nkoma rariryaḇa. Nkomsik nko, fa nkosyadi yawek yaḇa. Mboi nkoisya ro yawek supya fyor Allah ḇyuk fa nko fararur roya. Ma naek srar mkaksun ro supya fyor ani kako. 14Inja, rofyor nkorakaki naek srar ma nkoḇaryas Ankankinem Ḇeḇye ro Kristus mufa ḇemko, kaku ḇeri nkunuk yawek ro supya fyor nkofararur royaḇa, snar naek srar mkoisya ro yawek ani dori. 15Ine fyasna nkosandik nkoḇa ro fararur snonkaku ḇese ḇekain ro ḇondibur Allah yawek ḇyuk maḇe nko. Mboi nkokyar naek srar kakyar mkoḇena neḇefamfon wer insa nkofrur fararur ḇeba syadi wer rofandu naek srar, ḇape nkokain faswef ro Allah yawek ḇyuk maḇe nko. 16Rarirya nkoḇaryas kako Ankankinem Ḇeḇye ani ro mnu-mnu ḇese mboi nkomarares mankun nkoḇa ro fararur nkofrur kwar ro supya mnuk snonkaku ḇesesya suffarmyan rona.
17 #
Yer. 9:24
Sfas ro Refo radine, “Snonkaku ḇemarisen ḇemarares kuker roi oso, iḇye imarares i kuker rosai Allah ifrur kwar na.” 18Snonkaku mansei Allah isandikya, i besma sanandik ro kawasa, mboi ḇesandik mankundiḇa.
Currently Selected:
2 KORINTUS 10: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 10
10
Paulus ḇyesano warek afuffarmyan ḇyedi
10:1-11
1Ro aya, Paulus, mankundaya ḇardi yamarisen yaḇuk wos ono faro mko. Snonkaku ono sikofen ro aya soḇo, rofyor yasrow naek srar mko, yamsik ayaḇa, mboi yaḇinkwan ido yamsik aya. Mboi snar fafafir ma ḇaḇenaḇye ro Kristus, 2inja yor kaku faro mko: insa mkodif awer aya fa yafasna masasik ayena rofyor yaramufa ḇemko. Snar yakara fa yaḇe yafasna masasik ayena faro kawasa ḇekofen mboi nkofararur kuker kakara ro supswan ine. 3Mboi koisya kokenem kaker ro supswan ine, ḇape kofaḇaḇri kuker romamun supswan ine senaḇa. 4Romamun koḇuki fyaḇaḇri na romamun supswan naisyaḇa, ḇape romamun Allah fyasos kuker papoik ḇyedi. Kuker romamun anna koḇuki kyakok ayar mamun snonkaku; ma koḇuki idwarek famfaḇri na 5ma koḇukna nkakok ayar mamun marares sḇawes fa ssḇuki isampum napnapes ro Allah. Koḇukna nfor kakara kawasa ma kofrursi fa sesyowi mufaḇe Kristus. 6Ma rofyor naek srar mkoḇeuser kaku kwar, nari mkofasos fa mkoḇuk samamyai faro snonkaku kam ḇeḇeuser ḇasya.
7Naek srar mkofawi rosai ḇekakuya. Fyor snonkaku ono sikyar Kristus nyasi, iḇye kyukeḇ mankundi ma ifawi mboi Kristus nya nko kako imnis si. 8Yafawi yamaiḇa rofyor yamsik nabor syadi wer ro Manseren papoik ḇyuk kwar maḇe nko, snar papoik ani ḇyeḇeḇuk fa nkokḇawes naek srar, mboi nkoḇuki kyakok ḇa. 9Ro syap ayena yamewer mkokara ḇo mkoḇo yafrur makakak mko. 10Nari snonkaku ono sikofen ḇosoḇo, “Paulus syap ḇyena nmarḇak ma npakrek, ḇape rofyor mankundi isya ro fandu ko, syambraḇ ḇa ma wos ḇyena nefaindaḇa!” 11Iḇye snonkaku ḇerarirya ansi sifawi mboi rofyor nkorafa, nari nkofrur imnis rosai nkofas ro syap anna.
Paulus ḇyuk mankundi kyakara
10:12–11:6
12Kakuḇaḇoi nari yakara roḇa yaḇuk mankundaya fayamnis kuker kawasa ḇesandik mankunsisya ḇa. Snonkaku ansi sifawi royoḇaḇeri ssḇuk mankunsi skara imnis warnkyara fa skarayae mankunsi. 13Nkoma rariryaḇa. Nkomsik nko, fa nkosyadi yawek yaḇa. Mboi nkoisya ro yawek supya fyor Allah ḇyuk fa nko fararur roya. Ma naek srar mkaksun ro supya fyor ani kako. 14Inja, rofyor nkorakaki naek srar ma nkoḇaryas Ankankinem Ḇeḇye ro Kristus mufa ḇemko, kaku ḇeri nkunuk yawek ro supya fyor nkofararur royaḇa, snar naek srar mkoisya ro yawek ani dori. 15Ine fyasna nkosandik nkoḇa ro fararur snonkaku ḇese ḇekain ro ḇondibur Allah yawek ḇyuk maḇe nko. Mboi nkokyar naek srar kakyar mkoḇena neḇefamfon wer insa nkofrur fararur ḇeba syadi wer rofandu naek srar, ḇape nkokain faswef ro Allah yawek ḇyuk maḇe nko. 16Rarirya nkoḇaryas kako Ankankinem Ḇeḇye ani ro mnu-mnu ḇese mboi nkomarares mankun nkoḇa ro fararur nkofrur kwar ro supya mnuk snonkaku ḇesesya suffarmyan rona.
17 #
Yer. 9:24
Sfas ro Refo radine, “Snonkaku ḇemarisen ḇemarares kuker roi oso, iḇye imarares i kuker rosai Allah ifrur kwar na.” 18Snonkaku mansei Allah isandikya, i besma sanandik ro kawasa, mboi ḇesandik mankundiḇa.
Currently Selected:
:
Highlight
Share
Copy
Want to have your highlights saved across all your devices? Sign up or sign in