2 KORINTUS 7
7
1Naek srar yaswar kaku! Snar asas ḇeḇor kam neḇefrur maroko kwar. Inja, iḇye kofasren mankun ko ro roi ḇeḇor kam ḇefrur mamas baken ma rur koḇesi. Iḇye komkak faro Allah, ma kofrur sren ko insa kosma kankenem ḇardi kuker Allah.
Paulus raryaḇ ḇyedi
7:2-16
2Naek srar mkoḇuk moḇ ro mkosnemna maḇe nko. Nkawos sasar faro snonkaku osero ḇaḇeri, ma nkofrur fromo snonkaku oseroḇa kako. 3Yakofen rarirya fa yaḇuk sasar faro naek srarḇa. Snar, imnis yakofen ḇepon faro mko kwar, naek mkofanam kaku nkosnesna, ma kokam koḇebati ḇekenem kam ma ḇemar kam. 4Yakyarbos kaku ḇeri faro mko. Ma yamsik syadi kuker mko! Mboi nkosma kandera nabor rariso wer, ḇape yasma sneprei snar naek srar mko. Rarirya yaryaḇ kaku!
5 #
2 Kor. 2:13
Rofafisu nkofyafer ro Makedonia wer, nkokfis ro kanderayaḇa kako. Ro moḇna kam nkosma marindi; ro mun snonkaku ḇese rakrakrok, romun nkoḇeja makakak ro nkosnesna. 6Ḇape kasumasa faro Allah, ḇeḇuk sneprei faro snonkaku ḇeḇeḇirḇarsya; ḇyuk sneprei maḇe nko, snar Titus rarama ḇyedi. 7Nkosnesna naprei snar Titus ryamaya dererḇa, ḇape snar ikofen ḇadir naek srar mkoḇuk sneprei ḇei. Ikofen ḇadir maro nko naek srar mkomarisen fa mkosrow aya; mboi naek srar mkofafko mboi baboine kuker sneḇemarisen mkoḇesano warek aya. Wos annane nafrur fa yaryaḇ syadi wer.
8Imbude syap ayedi ifrur fa mkosnemna nfafardun kwar, ḇape yafafkoḇa snar syap yafas kwar ani. Kaku rofafisu yamam syap ayedi ifrur fafardun mkosnemna – ḇape fafardun mkoḇena nkain fyoroḇa – rariryano yafafko kako. 9Ḇape insape yamarisen – snar mkosnemna nfafardun kwaryaḇa, mboi snar fafardun mkoḇan na nafrur fa naek srar mkosadwer rari mkoḇena. Mboi Allah imarisen fafardun ḇerarirya na. Inja, nkofrur fromo mkoḇa. 10Snar ḇaḇefafardun Allah imarisen na nbuk bon fararwe sne ḇeḇuk koreri. Ma snonkaku nari sfafko ro roi ḇeḇesya ineḇa. Rarirya, fafardun ro supswan ine ḇyefafardun ḇeḇuk marmar. 11Naek srar indo mkokara sas bon rosai mkosma snar fafardun ḇerama ro Allah! Bon ḇyedi isoine naek srar mkosewar kaku ḇeri fa mkofasren famameya! Naek srar mkoyin sasarya, mkomkake, mkoswarkuf, mkomsik, mkomarisen mkoḇuk samamyai faro ḇesasarsya! Roi ḇeḇor nane kam mkofasna kwar mboi mkofrur sasarḇa.
12Inja, yafas syap ani kwar, syap ani ḇyeḇefas snar snonkaku ḇefrur sasar kwarsyaḇa. Syap ani kako faro snonkaku ḇeḇekandera kwar snar sasar aniḇa. Yafas syap ani insa ro Allah ḇarpon ḇyedi, naek srar mkofawi ro mankun mko rariso naek srar mamamepen mkoḇena naba kaku maḇe nko. 13Iso ḇeḇuk sneprei nko.
Ma sneprei mondaḇa, mboi isyadi wer snar nkomam Titus raryaḇ ḇyedi; naek srar mkoḇuk sneprei kwar faroi. 14Ma yasandik mko kwar faroi. Kasumasa, snar mkofrur mamyai ayaḇa. Roi ḇeḇor nkokofen kwar faro mko roi ḇekaku nairi. Rarirya kako sanandik rosai nkokofen ro mko faro Titus nkaku kako. 15Insape iswarsyadi naek mko, snar iswarepen naek mko kam mkomarisen farkankin ḇyena ma rariso naek mkosrowi kuker makakak ma araryof. 16Yamarisen kaku, ma yakyar kaku mko.
Currently Selected:
2 KORINTUS 7: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 7
7
1Naek srar yaswar kaku! Snar asas ḇeḇor kam neḇefrur maroko kwar. Inja, iḇye kofasren mankun ko ro roi ḇeḇor kam ḇefrur mamas baken ma rur koḇesi. Iḇye komkak faro Allah, ma kofrur sren ko insa kosma kankenem ḇardi kuker Allah.
Paulus raryaḇ ḇyedi
7:2-16
2Naek srar mkoḇuk moḇ ro mkosnemna maḇe nko. Nkawos sasar faro snonkaku osero ḇaḇeri, ma nkofrur fromo snonkaku oseroḇa kako. 3Yakofen rarirya fa yaḇuk sasar faro naek srarḇa. Snar, imnis yakofen ḇepon faro mko kwar, naek mkofanam kaku nkosnesna, ma kokam koḇebati ḇekenem kam ma ḇemar kam. 4Yakyarbos kaku ḇeri faro mko. Ma yamsik syadi kuker mko! Mboi nkosma kandera nabor rariso wer, ḇape yasma sneprei snar naek srar mko. Rarirya yaryaḇ kaku!
5 #
2 Kor. 2:13
Rofafisu nkofyafer ro Makedonia wer, nkokfis ro kanderayaḇa kako. Ro moḇna kam nkosma marindi; ro mun snonkaku ḇese rakrakrok, romun nkoḇeja makakak ro nkosnesna. 6Ḇape kasumasa faro Allah, ḇeḇuk sneprei faro snonkaku ḇeḇeḇirḇarsya; ḇyuk sneprei maḇe nko, snar Titus rarama ḇyedi. 7Nkosnesna naprei snar Titus ryamaya dererḇa, ḇape snar ikofen ḇadir naek srar mkoḇuk sneprei ḇei. Ikofen ḇadir maro nko naek srar mkomarisen fa mkosrow aya; mboi naek srar mkofafko mboi baboine kuker sneḇemarisen mkoḇesano warek aya. Wos annane nafrur fa yaryaḇ syadi wer.
8Imbude syap ayedi ifrur fa mkosnemna nfafardun kwar, ḇape yafafkoḇa snar syap yafas kwar ani. Kaku rofafisu yamam syap ayedi ifrur fafardun mkosnemna – ḇape fafardun mkoḇena nkain fyoroḇa – rariryano yafafko kako. 9Ḇape insape yamarisen – snar mkosnemna nfafardun kwaryaḇa, mboi snar fafardun mkoḇan na nafrur fa naek srar mkosadwer rari mkoḇena. Mboi Allah imarisen fafardun ḇerarirya na. Inja, nkofrur fromo mkoḇa. 10Snar ḇaḇefafardun Allah imarisen na nbuk bon fararwe sne ḇeḇuk koreri. Ma snonkaku nari sfafko ro roi ḇeḇesya ineḇa. Rarirya, fafardun ro supswan ine ḇyefafardun ḇeḇuk marmar. 11Naek srar indo mkokara sas bon rosai mkosma snar fafardun ḇerama ro Allah! Bon ḇyedi isoine naek srar mkosewar kaku ḇeri fa mkofasren famameya! Naek srar mkoyin sasarya, mkomkake, mkoswarkuf, mkomsik, mkomarisen mkoḇuk samamyai faro ḇesasarsya! Roi ḇeḇor nane kam mkofasna kwar mboi mkofrur sasarḇa.
12Inja, yafas syap ani kwar, syap ani ḇyeḇefas snar snonkaku ḇefrur sasar kwarsyaḇa. Syap ani kako faro snonkaku ḇeḇekandera kwar snar sasar aniḇa. Yafas syap ani insa ro Allah ḇarpon ḇyedi, naek srar mkofawi ro mankun mko rariso naek srar mamamepen mkoḇena naba kaku maḇe nko. 13Iso ḇeḇuk sneprei nko.
Ma sneprei mondaḇa, mboi isyadi wer snar nkomam Titus raryaḇ ḇyedi; naek srar mkoḇuk sneprei kwar faroi. 14Ma yasandik mko kwar faroi. Kasumasa, snar mkofrur mamyai ayaḇa. Roi ḇeḇor nkokofen kwar faro mko roi ḇekaku nairi. Rarirya kako sanandik rosai nkokofen ro mko faro Titus nkaku kako. 15Insape iswarsyadi naek mko, snar iswarepen naek mko kam mkomarisen farkankin ḇyena ma rariso naek mkosrowi kuker makakak ma araryof. 16Yamarisen kaku, ma yakyar kaku mko.
Currently Selected:
:
Highlight
Share
Copy
Want to have your highlights saved across all your devices? Sign up or sign in