2 KORINTUS 6
6
Afuffarmyan Paulus ḇyena
6:1-10
1Snar nkoine min ḇefararur fnoḇek Allah, inja nkor kaku ḇeri insa naek mkoḇefandunba awer Allah ḇaḇenaḇye ḇyedi. 2#Yes. 49:8Allah ikofen, ro Refo radine,
“Rofyor yamarisen, yarower aw kwar,
ma ro ras koreriya, yafnoḇek aw kwar.”
Mkoswarepen kaku! Fafisu marisenya isoine. Ma rasya isoine fakosma koreri.
3Nkofrur roi osoḇaḇeri ḇefrur fa snonkakusya sfafayaf. Inja, snonkaku osoḇaḇeri fa kyoryae afuffarmyan nkoḇena. 4Inja, ro fararur ḇeḇor nkoḇena, nkofasna mboi nkoine Allah manfamyan ḇyesi. Kandera ḇeḇor nakam nkoḇar na kuker kaḇaḇaḇ: 5#Kis. 16:23nkosma aprer, nkosmai ro bui, ma spanjuḇerbo smun nko; nkofararur sambraḇ, nkenef mnisḇa, ma nabor kaku nkananba. 6Ḇape kuker sne ḇesren, fawawi, kaḇaḇaḇ ma sne ḇeḇye, nkofasna mboi nkoine Allah manfyan ḇyesi. Ono wer nkokyar faro fanaḇnoḇek Allah Rur ḇyedi, ma kuker saswar ḇenapes, 7ma nkoḇaryas Allah wos ḇyedi kuker papoik Allah, nkofasna mboi nkoine Allah manfyan ḇyesi. Nkufepen Allah marisen ḇyena imnis romamun maḇe nko fa nkoḇuki doper, roḇa nkokḇriwarek mankun nko. 8Sḇesyowi nko, ḇape skoryae nko kako; sisandik ma sonef kako. Nkonapes rariso wer, ḇape soḇe nkoḇeankar. 9Soḇe smamḇaḇir nkoḇa, ḇape snonkakusya kam smamḇaḇir nko. Soḇeda nkomar, ḇape nkoisya nkoḇye kaker. Smun siprer nko rariso wer ḇape nkomarḇa. 10Rofyor sifrur fa nkosnesna nfafardun rariso wer, ḇape nkoryaḇ ḇesya kwar kako. Nkomnis snonkaku ḇesaḇarar, ḇape nkofrur fa snonkaku sibor sekayan. Nkomnis snonkaku ḇena royoḇa, ḇape nkona roi ḇeḇor nakam.
Farkarkor ḇekur aw ninyan ro snonkaku ḇena kakyarḇa
6:11–7:1
11Naek srar yaswar kaku ro Korintus! Nkawos isnai kaku faro naek srar mko kwar. Roi ḇero nkosnesna nkokofen na kwar. 12Nkosnesna nbasbos faro naek srar mko, mboi naek srar mkoiso ḇesisen mkosnemnabur nko. 13Knikine kawawosyae, inja yor, insa mkoḇas mkosnemna kako maro nko. (Yawawos mufa ḇemko imnis romawa karyer ayesi.)
14Mkomarisen mkoḇe oser awer kuker snonkaku ḇekyar faro Yesusḇasya; ine imnisḇa. Inja snonkaku ḇefrur Allah marisen ḇyenasya nari sḇeoser kuker snonkaku ḇesampum Allahsyake! Isnaya nari ḇyeoser kuker pampanyaḇa. 15Kristus nari ḇyeoser kuker Ibirisyaḇa. Rosai ḇemnis kuker snonkaku ḇeḇe Kristen ma snonkaku ḇeḇe Kristenḇa? 16#Im. 26:12; Yeh. 37:27; 1 Kor. 3:16, 6:19Rosai ḇepam Allah rum ḇyedi kuker rum karwarya? Koine Allah rum ḇyedi, isoine Allah ḇekenem. Allah mankundi ikofen,
“Nari yakain ro fadu sena,
ma yakenem fnoḇeksi.
Nari yaḇe Allah farosi,
ma nari sḇe kawasa ayesi.
17 #
Yes. 52:11
Eḇedari,
mkosasyarbur kawasa ḇemambaḇir Allahḇasya,
ma mkoḇinkwanbur si.
Mkopampam awer beri kuker roi ḇeyarwarem,
rarirya nari yana mko.
18 #
2Sam. 7:14; 1Taw. 17:13; Yes. 43:6; Yer. 31:9 Nari yaḇe Kma faro mko,
ma nari mkoḇe romawa maro aya,
Manseren ḇepoik kaku ikofen rarirya.”
Currently Selected:
2 KORINTUS 6: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 6
6
Afuffarmyan Paulus ḇyena
6:1-10
1Snar nkoine min ḇefararur fnoḇek Allah, inja nkor kaku ḇeri insa naek mkoḇefandunba awer Allah ḇaḇenaḇye ḇyedi. 2#Yes. 49:8Allah ikofen, ro Refo radine,
“Rofyor yamarisen, yarower aw kwar,
ma ro ras koreriya, yafnoḇek aw kwar.”
Mkoswarepen kaku! Fafisu marisenya isoine. Ma rasya isoine fakosma koreri.
3Nkofrur roi osoḇaḇeri ḇefrur fa snonkakusya sfafayaf. Inja, snonkaku osoḇaḇeri fa kyoryae afuffarmyan nkoḇena. 4Inja, ro fararur ḇeḇor nkoḇena, nkofasna mboi nkoine Allah manfamyan ḇyesi. Kandera ḇeḇor nakam nkoḇar na kuker kaḇaḇaḇ: 5#Kis. 16:23nkosma aprer, nkosmai ro bui, ma spanjuḇerbo smun nko; nkofararur sambraḇ, nkenef mnisḇa, ma nabor kaku nkananba. 6Ḇape kuker sne ḇesren, fawawi, kaḇaḇaḇ ma sne ḇeḇye, nkofasna mboi nkoine Allah manfyan ḇyesi. Ono wer nkokyar faro fanaḇnoḇek Allah Rur ḇyedi, ma kuker saswar ḇenapes, 7ma nkoḇaryas Allah wos ḇyedi kuker papoik Allah, nkofasna mboi nkoine Allah manfyan ḇyesi. Nkufepen Allah marisen ḇyena imnis romamun maḇe nko fa nkoḇuki doper, roḇa nkokḇriwarek mankun nko. 8Sḇesyowi nko, ḇape skoryae nko kako; sisandik ma sonef kako. Nkonapes rariso wer, ḇape soḇe nkoḇeankar. 9Soḇe smamḇaḇir nkoḇa, ḇape snonkakusya kam smamḇaḇir nko. Soḇeda nkomar, ḇape nkoisya nkoḇye kaker. Smun siprer nko rariso wer ḇape nkomarḇa. 10Rofyor sifrur fa nkosnesna nfafardun rariso wer, ḇape nkoryaḇ ḇesya kwar kako. Nkomnis snonkaku ḇesaḇarar, ḇape nkofrur fa snonkaku sibor sekayan. Nkomnis snonkaku ḇena royoḇa, ḇape nkona roi ḇeḇor nakam.
Farkarkor ḇekur aw ninyan ro snonkaku ḇena kakyarḇa
6:11–7:1
11Naek srar yaswar kaku ro Korintus! Nkawos isnai kaku faro naek srar mko kwar. Roi ḇero nkosnesna nkokofen na kwar. 12Nkosnesna nbasbos faro naek srar mko, mboi naek srar mkoiso ḇesisen mkosnemnabur nko. 13Knikine kawawosyae, inja yor, insa mkoḇas mkosnemna kako maro nko. (Yawawos mufa ḇemko imnis romawa karyer ayesi.)
14Mkomarisen mkoḇe oser awer kuker snonkaku ḇekyar faro Yesusḇasya; ine imnisḇa. Inja snonkaku ḇefrur Allah marisen ḇyenasya nari sḇeoser kuker snonkaku ḇesampum Allahsyake! Isnaya nari ḇyeoser kuker pampanyaḇa. 15Kristus nari ḇyeoser kuker Ibirisyaḇa. Rosai ḇemnis kuker snonkaku ḇeḇe Kristen ma snonkaku ḇeḇe Kristenḇa? 16#Im. 26:12; Yeh. 37:27; 1 Kor. 3:16, 6:19Rosai ḇepam Allah rum ḇyedi kuker rum karwarya? Koine Allah rum ḇyedi, isoine Allah ḇekenem. Allah mankundi ikofen,
“Nari yakain ro fadu sena,
ma yakenem fnoḇeksi.
Nari yaḇe Allah farosi,
ma nari sḇe kawasa ayesi.
17 #
Yes. 52:11
Eḇedari,
mkosasyarbur kawasa ḇemambaḇir Allahḇasya,
ma mkoḇinkwanbur si.
Mkopampam awer beri kuker roi ḇeyarwarem,
rarirya nari yana mko.
18 #
2Sam. 7:14; 1Taw. 17:13; Yes. 43:6; Yer. 31:9 Nari yaḇe Kma faro mko,
ma nari mkoḇe romawa maro aya,
Manseren ḇepoik kaku ikofen rarirya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in