2 KORINTUS 5
5
1Snar nkofawi rofyor aḇdares isoine baken – moḇ kokenem ro supswan ine ḇyeḇemkok, nari Allah fyasos maḇeko rum oso ro boiyaswa, Allah mankundi ḇefruriya ma ḇekain fyoro-fyoroya. 2Ro aḇdares kokain ro ine, kofafko snar komarisen kaku ḇeri kokain ro rum koḇedi ro boiyaswaya. 3Snar ro rum ine, koḇe ḇefadiren. 4Rofyor kokain ro aḇdares ro supswan ine kofafko snar kamnam koḇena nmarḇak. Snar komarisen, kofasparbur baken koḇeja ro supswan ineḇa, mboi komarisen fa kosun baken ro boiyaswa, insa baken koḇedi nari ḇemar ine kankenemya dufepeni. 5Ḇefasos ko faro moḇ ani isoine Allah mankundi, ma ḇyuk Rur ḇyedi maḇeko fa fyaduru ko.
6Eḇedari kosnesna nsambraḇ ḇesyakwar. Kofawi rofyor kokain ro baken koḇena, koḇinkwan ro rum nari kokain roya fnoḇek kuker Manseren. 7Snar kokenem kuker knam kakyar, mboi ḇyeknam ro roi komam naba, 8eḇedari kosnesna naknon. Komarisen syadi kofasparbur baken koḇena, insa kokain fnoḇek kuker Manseren. 9Eḇedari koḇesewar kaku ḇeri fakofrur sneprei Allah, iḇye rofyor koisya ro aḇdares koḇena ro dine, roḇaido ro diwa. 10#Rm. 14:10Snar nari kokam kores ro ḇarpon Kristus karapesa nasan ḇenapes ḇyedi, ma oser-oser isma munsu imnis raris fararur ḇyedi ro supswan ine – fararur ḇeḇye roḇaido ḇeḇarḇor.
Ḇayaye kaḇer kuker Allah ro Kristus
5:11-21
11Kofawi rosaiso komkak Manseren; eḇedari koḇesewar fa snonkaku sikyar. Allah myamḇaḇir parasres ko, ma yakyar naek mko kako mkomamḇaḇir nko ro mkosnemna. 12Kuker ine nkor fa naek mkosandik nkoḇa. Marisen nkoḇeja monda nkoḇuk nyan ḇeḇye oso faro naek mko insa mkosandik maro nko, insa naek mkofawi rariso nari naek mkokarem faro snonkaku ḇeḇefandun roi ḇekur baken ma roi ḇekur ruryaḇa. 13Snar Allah fandun ḇyena, nkofrur imnis ḇesawo. Ma snar fandun naek mkoḇena, nkoknon. 14Kristus saswar ḇyedi ḇedif nko; ma nkofawi snon oser imar fadwer snonkakusya kam kwar, iso eḇedari snonkakusya kam simar kwar. 15Kristus imar fadwer snonkakusya kam, insa snonkaku ḇekenemsya, sikenem faro mankunsi ḇardi werḇa, mboi sikenem faro Kristus ḇemar kwar ma ḇyeḇeḇawes kaḇer wer snar fandun sena.
16Iso eḇedari, nkokara snonkakusya werḇa imnis warnkyara snonkaku. Randakya nkokara Kristus kwar roḇar snonkaku, ḇape baboine roḇa kwar. 17Snonkaku ḇeḇeoser kwar kuker Kristus, sḇesnonkaku ḇebabo kaku ḇeri. Inja roi ḇekwar ro snonkaku ani isyaḇa kwar – snar nakam nbabo kwar. 18Allah iso ḇefrur nakamya. Ifrur rarirya snar Kristus ma koḇye kaber wer kuker i, raimnai ḇyuk fararur maḇeko fa koḇaryas wos ḇeḇye insa snonkaku ḇesesya kako sakḇye kaḇer wer faro Allah. 19Inja wos nkoḇena kuker manfandu Kristus, Allah ifrur isof snonkakusya siḇye kaḇer wer kuker Allah. Allah ifrurna rarirya mboi kyor sasar snonkakusya sifrur faroi naba. Ma Allah ḇyuk fararur ani maḇenko fa nkoḇaryas wos ani.
20Inja nkoine manwawan Kristus. Ma nkawawos faro naek mko imnis Allah mankundi ḇewawos faro naek mko. Snar Kristus snonsnon ḇyedi, nkor kaku ḇeri ḇemko, mkona Allah saswar ḇyedi ḇeḇuk fa mkoḇye kaḇer wer kuker i. 21Kristus ifrur sasarḇa, ḇape Allah ḇyuk faḇyar sasar koḇena, insa koḇye kaḇer wer kuker Allah, snar ḇaḇeoser koḇena kuker Kristus.
Currently Selected:
2 KORINTUS 5: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 5
5
1Snar nkofawi rofyor aḇdares isoine baken – moḇ kokenem ro supswan ine ḇyeḇemkok, nari Allah fyasos maḇeko rum oso ro boiyaswa, Allah mankundi ḇefruriya ma ḇekain fyoro-fyoroya. 2Ro aḇdares kokain ro ine, kofafko snar komarisen kaku ḇeri kokain ro rum koḇedi ro boiyaswaya. 3Snar ro rum ine, koḇe ḇefadiren. 4Rofyor kokain ro aḇdares ro supswan ine kofafko snar kamnam koḇena nmarḇak. Snar komarisen, kofasparbur baken koḇeja ro supswan ineḇa, mboi komarisen fa kosun baken ro boiyaswa, insa baken koḇedi nari ḇemar ine kankenemya dufepeni. 5Ḇefasos ko faro moḇ ani isoine Allah mankundi, ma ḇyuk Rur ḇyedi maḇeko fa fyaduru ko.
6Eḇedari kosnesna nsambraḇ ḇesyakwar. Kofawi rofyor kokain ro baken koḇena, koḇinkwan ro rum nari kokain roya fnoḇek kuker Manseren. 7Snar kokenem kuker knam kakyar, mboi ḇyeknam ro roi komam naba, 8eḇedari kosnesna naknon. Komarisen syadi kofasparbur baken koḇena, insa kokain fnoḇek kuker Manseren. 9Eḇedari koḇesewar kaku ḇeri fakofrur sneprei Allah, iḇye rofyor koisya ro aḇdares koḇena ro dine, roḇaido ro diwa. 10#Rm. 14:10Snar nari kokam kores ro ḇarpon Kristus karapesa nasan ḇenapes ḇyedi, ma oser-oser isma munsu imnis raris fararur ḇyedi ro supswan ine – fararur ḇeḇye roḇaido ḇeḇarḇor.
Ḇayaye kaḇer kuker Allah ro Kristus
5:11-21
11Kofawi rosaiso komkak Manseren; eḇedari koḇesewar fa snonkaku sikyar. Allah myamḇaḇir parasres ko, ma yakyar naek mko kako mkomamḇaḇir nko ro mkosnemna. 12Kuker ine nkor fa naek mkosandik nkoḇa. Marisen nkoḇeja monda nkoḇuk nyan ḇeḇye oso faro naek mko insa mkosandik maro nko, insa naek mkofawi rariso nari naek mkokarem faro snonkaku ḇeḇefandun roi ḇekur baken ma roi ḇekur ruryaḇa. 13Snar Allah fandun ḇyena, nkofrur imnis ḇesawo. Ma snar fandun naek mkoḇena, nkoknon. 14Kristus saswar ḇyedi ḇedif nko; ma nkofawi snon oser imar fadwer snonkakusya kam kwar, iso eḇedari snonkakusya kam simar kwar. 15Kristus imar fadwer snonkakusya kam, insa snonkaku ḇekenemsya, sikenem faro mankunsi ḇardi werḇa, mboi sikenem faro Kristus ḇemar kwar ma ḇyeḇeḇawes kaḇer wer snar fandun sena.
16Iso eḇedari, nkokara snonkakusya werḇa imnis warnkyara snonkaku. Randakya nkokara Kristus kwar roḇar snonkaku, ḇape baboine roḇa kwar. 17Snonkaku ḇeḇeoser kwar kuker Kristus, sḇesnonkaku ḇebabo kaku ḇeri. Inja roi ḇekwar ro snonkaku ani isyaḇa kwar – snar nakam nbabo kwar. 18Allah iso ḇefrur nakamya. Ifrur rarirya snar Kristus ma koḇye kaber wer kuker i, raimnai ḇyuk fararur maḇeko fa koḇaryas wos ḇeḇye insa snonkaku ḇesesya kako sakḇye kaḇer wer faro Allah. 19Inja wos nkoḇena kuker manfandu Kristus, Allah ifrur isof snonkakusya siḇye kaḇer wer kuker Allah. Allah ifrurna rarirya mboi kyor sasar snonkakusya sifrur faroi naba. Ma Allah ḇyuk fararur ani maḇenko fa nkoḇaryas wos ani.
20Inja nkoine manwawan Kristus. Ma nkawawos faro naek mko imnis Allah mankundi ḇewawos faro naek mko. Snar Kristus snonsnon ḇyedi, nkor kaku ḇeri ḇemko, mkona Allah saswar ḇyedi ḇeḇuk fa mkoḇye kaḇer wer kuker i. 21Kristus ifrur sasarḇa, ḇape Allah ḇyuk faḇyar sasar koḇena, insa koḇye kaḇer wer kuker Allah, snar ḇaḇeoser koḇena kuker Kristus.
Currently Selected:
:
Highlight
Share
Copy
Want to have your highlights saved across all your devices? Sign up or sign in