2 KORINTUS 11
11
1Mkoḇuk fa yafrurḇe ḇefawi royoḇa kerkoper. Iḇyeke? 2Yaswar mufaḇe naek srar, imnis Allah mankundi iswar mufaḇe naek srar kako. Naek srar mkomnis dojaro ḇesren kaker oso, yaḇe asas kwar fa nari ḇefakawin kuker snon oso, isoine Kristus. 3#Kej. 3:1-5, 13Ḇape yamkak warek kakara naek srar mkosma fafrowes fa nari mkoḇesyowi faro Kristusḇa, imnis raris ḇepon iwara Hawa kako isma fafrowes ro ikakya. 4Snar rofyor snon oso ryama faro naek srar ma ḇyuk farkarkor ro Yesus eḇeseya – mboi Yesus nkofasna kwar aniḇa. Ma naek srar mkomarisen kako mkona rur ma ‘ankankinem ḇeḇye’ eḇesebos beri kuker Allah Rur ḇyedi ma Ankankinem Ḇeḇye mkosma kwar ro nko.
5Yafawi yasasar kermkuno ḇaḇeri ro ‘manwawan-manwawan’ ḇebasyadi mkoḇesi! 6Mboi yafawi yawawos mankunba, ḇape fawawi ḇekur Allah yafawi syadi. Eḇedari nkofas na kwar roi ḇeḇor kam mufaḇe naek srar.
Paulus ḇyefandun mankundi ḇa
11:7-15
7Rofyor yaḇaryas Ankankinem Ḇeḇye ro Allah faro naek srar mko, yor sasuref kermkun oḇa ro naek srar kako; ma rarirya yarun mankundaya. Yafrur rarirya insa yakanow naek srar mko. Inja, yafrur sasar oso faro naek srarke? 8Rofafisu yuffarmyan naek srar mko kawasa Kristen ḇese siso ḇeḇak warek aya. Rarirya ido yafrur fromo kawasa Kristen ansi insa yafnoḇek naek srar. 9#Flp. 4:15-18Rofyor yasma pipiḇa rofafisu ani, yamewer yafrur kandera snon oso ro fandu mko. Fandun ayena kam naek srar ḇeramaker Makedonia siso befasosna. Yamkuser aya naḇye insa yaḇuk kandera awer faro naek oso ro rosai ryawer, ma nari yamku pdef faswef rarirya. 10Masasik ayedine oso nari ḇyereriḇa ro moḇ sairya wer ro supya mnuk Akhaya ḇesiper, snar Kristus farkarkor ḇenapes ḇyena naisya ro aya. 11Yakofen rarirya snaro? Yaswar naek srar mkoḇake? Allah ifawi yaswar mko!
12Rosai yafrur ro baboine nari yafrur pdefi insa manwawan ḇese ḇemarares ansi, sisma nyan osoḇa fa simsiksi ḇo sikofen, mboi sakfararur kako imnis ko. 13Snonkaku ḇerarirya syaido manwawan ḇesararer. Sikada sifararur kuker ankarkar ma sefarari imnis Kristus manwawan ḇyesi. 14Kokandor fararur sedi ḇerariryaḇa snar Ibiris mankundi kako ḇyefarari malaikat ḇesren. 15Inja nari kokandorḇa rofyor manfamyan ḇyesi sifrur farari imnis manfamyan ḇefrur Allah marisen ḇyedi. Ḇape ḇarpurya nari smunsu farosi imnis fararur ḇeḇor sena.
Paulus ḇyekandera imnis manwawan
11:16-33
16Yakofen ḇeosero wer: Imbude ono skara ayaḇe ḇefawi royoḇari. Ḇape rofyor naek mkokara aya rariryano, mkomarisen ido mkoḇuk fa yafawi royoḇayo yamsik kerkoper kako. 17Rodine nari yakofen masasik ayedi, ḇape Manseren iso ḇewan fa yakofenyaḇa. Mboi roi ḇeḇesya ine yawawos imnis snon ḇefawi royoḇa oso. 18Kakuḇaḇoi snonkaku sibor simsiksi ro roi ḇeḇor ro supswan, inja yoḇe yamsik mankundaya kermkuno kako. 19Naek srar kuker sneḇemarisen mkokḇaḇ faro snonkaku ḇefawi royoḇasya, snar mkokara mkofawi nanemrya! 20Rofyor snonkaku sifrur mkoḇe women, roḇa sinem rik mkoḇena, sfasyar nana mkoḇena, ma skara sikaki syadi ro mko ma sḇaser mko, mkoren monda! 21Yamai yakarem mboi nkosambraḇ ḇafa nkofrur imnis si.
Ḇape rosai snonkaku ḇese simsiksi kuker na, yamsik aya kako! (Yawawos imnis snon ḇefawi royoḇa.) 22Snon Ibrani siryake? Aya kako snon Ibrani. Snon Israel siryake? Aya kako snon Israel. Abraham up ḇyesiryake? Aya kako rarirya! 23#Kis. 16:23Kristus manfamyan ḇyesiryake? Mboi yawawos imnis snonkaku ḇena swaruserḇa, ḇape aya manfamyan ḇeḇye syadi ro sikam. Yafararur sambraḇ syadi, sḇeaya fa yasun ro bui, siprer aya syadi isof fanam yamar. 24#Ul. 25:3Kawasa Yahudi siprer aya ḇerarwan ririm kwar kuker ayos samfur rikior seser risiw. 25#Kis. 14:19, 16:22Kawasa Roma siprer ayaḇe rarwan rikior; fafisu ono sso aya kuker karui. Kapalna nambroi kuker ayaḇe rarwan rikior ro soren, ma rarwan oser yapyar yaki yararyoi ḇeoras samfur risuru seser fiak. 26#Kis. 9:23, 14:5Rarwan nabor kaku yambran mararan ḇeyun raro: war ḇedaf ḇeyun raro, manfasyar ḇeyun raro ro kawasa Yahudi rarirya kako kawasa ḇeḇe Yahudiḇa, raro ro mnu ḇebana, ḇondina, raro ro soren, ma raro ro kawasa ḇeyap mankunsiḇe naek Kristen ḇape Kristen sisyaḇa. 27Yafararur sambraḇ isof yaḇe yamar kaku: rarwan ono yenefḇa, yananḇa, yinemḇa, rarwan nabor yabiser, yasyuf snar mar bemnisba ma yasma mob fa yakain roḇa. 28Robo nakam, ras ono yararyofwarek kawasa Kristen kam. 29Rofyor ono ssambraḇ ḇa aya kako yaksambraḇ ḇa. Rofyor ono sisapi ro sasar, sne ayedi fyafardun kako.
30Rofyor yamsik ro ras ono, rarirya yamsik ro roi ḇefasna samambraḇ ḇa ayena. 31Yaḇe ankarḇa; Allah, Manseren Yesus Kma ḇyedi ḇyesaksi ḇeaya! Snonsnon ḇyedi isma sanandik ro fyoro-fyoro. 32#Kis. 9:23-25Rofafisu aya isya ro Damsyik, wairek Aretas faker ḇyedi, iwan bo sordadesya siwaren warek kedwai ro mnuya insa sfor aya. 33Ḇape sikyu aya kuker aram oso ro koḇkir ayar mamun karuya. Rarirya yasma faspar rodia.
Currently Selected:
2 KORINTUS 11: LAIBHW
Highlight
Share
Copy
Want to have your highlights saved across all your devices? Sign up or sign in
2 KORINTUS 11
11
1Mkoḇuk fa yafrurḇe ḇefawi royoḇa kerkoper. Iḇyeke? 2Yaswar mufaḇe naek srar, imnis Allah mankundi iswar mufaḇe naek srar kako. Naek srar mkomnis dojaro ḇesren kaker oso, yaḇe asas kwar fa nari ḇefakawin kuker snon oso, isoine Kristus. 3#Kej. 3:1-5, 13Ḇape yamkak warek kakara naek srar mkosma fafrowes fa nari mkoḇesyowi faro Kristusḇa, imnis raris ḇepon iwara Hawa kako isma fafrowes ro ikakya. 4Snar rofyor snon oso ryama faro naek srar ma ḇyuk farkarkor ro Yesus eḇeseya – mboi Yesus nkofasna kwar aniḇa. Ma naek srar mkomarisen kako mkona rur ma ‘ankankinem ḇeḇye’ eḇesebos beri kuker Allah Rur ḇyedi ma Ankankinem Ḇeḇye mkosma kwar ro nko.
5Yafawi yasasar kermkuno ḇaḇeri ro ‘manwawan-manwawan’ ḇebasyadi mkoḇesi! 6Mboi yafawi yawawos mankunba, ḇape fawawi ḇekur Allah yafawi syadi. Eḇedari nkofas na kwar roi ḇeḇor kam mufaḇe naek srar.
Paulus ḇyefandun mankundi ḇa
11:7-15
7Rofyor yaḇaryas Ankankinem Ḇeḇye ro Allah faro naek srar mko, yor sasuref kermkun oḇa ro naek srar kako; ma rarirya yarun mankundaya. Yafrur rarirya insa yakanow naek srar mko. Inja, yafrur sasar oso faro naek srarke? 8Rofafisu yuffarmyan naek srar mko kawasa Kristen ḇese siso ḇeḇak warek aya. Rarirya ido yafrur fromo kawasa Kristen ansi insa yafnoḇek naek srar. 9#Flp. 4:15-18Rofyor yasma pipiḇa rofafisu ani, yamewer yafrur kandera snon oso ro fandu mko. Fandun ayena kam naek srar ḇeramaker Makedonia siso befasosna. Yamkuser aya naḇye insa yaḇuk kandera awer faro naek oso ro rosai ryawer, ma nari yamku pdef faswef rarirya. 10Masasik ayedine oso nari ḇyereriḇa ro moḇ sairya wer ro supya mnuk Akhaya ḇesiper, snar Kristus farkarkor ḇenapes ḇyena naisya ro aya. 11Yakofen rarirya snaro? Yaswar naek srar mkoḇake? Allah ifawi yaswar mko!
12Rosai yafrur ro baboine nari yafrur pdefi insa manwawan ḇese ḇemarares ansi, sisma nyan osoḇa fa simsiksi ḇo sikofen, mboi sakfararur kako imnis ko. 13Snonkaku ḇerarirya syaido manwawan ḇesararer. Sikada sifararur kuker ankarkar ma sefarari imnis Kristus manwawan ḇyesi. 14Kokandor fararur sedi ḇerariryaḇa snar Ibiris mankundi kako ḇyefarari malaikat ḇesren. 15Inja nari kokandorḇa rofyor manfamyan ḇyesi sifrur farari imnis manfamyan ḇefrur Allah marisen ḇyedi. Ḇape ḇarpurya nari smunsu farosi imnis fararur ḇeḇor sena.
Paulus ḇyekandera imnis manwawan
11:16-33
16Yakofen ḇeosero wer: Imbude ono skara ayaḇe ḇefawi royoḇari. Ḇape rofyor naek mkokara aya rariryano, mkomarisen ido mkoḇuk fa yafawi royoḇayo yamsik kerkoper kako. 17Rodine nari yakofen masasik ayedi, ḇape Manseren iso ḇewan fa yakofenyaḇa. Mboi roi ḇeḇesya ine yawawos imnis snon ḇefawi royoḇa oso. 18Kakuḇaḇoi snonkaku sibor simsiksi ro roi ḇeḇor ro supswan, inja yoḇe yamsik mankundaya kermkuno kako. 19Naek srar kuker sneḇemarisen mkokḇaḇ faro snonkaku ḇefawi royoḇasya, snar mkokara mkofawi nanemrya! 20Rofyor snonkaku sifrur mkoḇe women, roḇa sinem rik mkoḇena, sfasyar nana mkoḇena, ma skara sikaki syadi ro mko ma sḇaser mko, mkoren monda! 21Yamai yakarem mboi nkosambraḇ ḇafa nkofrur imnis si.
Ḇape rosai snonkaku ḇese simsiksi kuker na, yamsik aya kako! (Yawawos imnis snon ḇefawi royoḇa.) 22Snon Ibrani siryake? Aya kako snon Ibrani. Snon Israel siryake? Aya kako snon Israel. Abraham up ḇyesiryake? Aya kako rarirya! 23#Kis. 16:23Kristus manfamyan ḇyesiryake? Mboi yawawos imnis snonkaku ḇena swaruserḇa, ḇape aya manfamyan ḇeḇye syadi ro sikam. Yafararur sambraḇ syadi, sḇeaya fa yasun ro bui, siprer aya syadi isof fanam yamar. 24#Ul. 25:3Kawasa Yahudi siprer aya ḇerarwan ririm kwar kuker ayos samfur rikior seser risiw. 25#Kis. 14:19, 16:22Kawasa Roma siprer ayaḇe rarwan rikior; fafisu ono sso aya kuker karui. Kapalna nambroi kuker ayaḇe rarwan rikior ro soren, ma rarwan oser yapyar yaki yararyoi ḇeoras samfur risuru seser fiak. 26#Kis. 9:23, 14:5Rarwan nabor kaku yambran mararan ḇeyun raro: war ḇedaf ḇeyun raro, manfasyar ḇeyun raro ro kawasa Yahudi rarirya kako kawasa ḇeḇe Yahudiḇa, raro ro mnu ḇebana, ḇondina, raro ro soren, ma raro ro kawasa ḇeyap mankunsiḇe naek Kristen ḇape Kristen sisyaḇa. 27Yafararur sambraḇ isof yaḇe yamar kaku: rarwan ono yenefḇa, yananḇa, yinemḇa, rarwan nabor yabiser, yasyuf snar mar bemnisba ma yasma mob fa yakain roḇa. 28Robo nakam, ras ono yararyofwarek kawasa Kristen kam. 29Rofyor ono ssambraḇ ḇa aya kako yaksambraḇ ḇa. Rofyor ono sisapi ro sasar, sne ayedi fyafardun kako.
30Rofyor yamsik ro ras ono, rarirya yamsik ro roi ḇefasna samambraḇ ḇa ayena. 31Yaḇe ankarḇa; Allah, Manseren Yesus Kma ḇyedi ḇyesaksi ḇeaya! Snonsnon ḇyedi isma sanandik ro fyoro-fyoro. 32#Kis. 9:23-25Rofafisu aya isya ro Damsyik, wairek Aretas faker ḇyedi, iwan bo sordadesya siwaren warek kedwai ro mnuya insa sfor aya. 33Ḇape sikyu aya kuker aram oso ro koḇkir ayar mamun karuya. Rarirya yasma faspar rodia.
Currently Selected:
:
Highlight
Share
Copy
Want to have your highlights saved across all your devices? Sign up or sign in