TITUS 3
3
Ruku ra rawi dou ela Al Masih
1Ngoa ra kawarapu anggota ela-ela Rumamu loakud̄u siad̄oho okona d̄i dou-dou mana'ekaina ro dou makuasakaina negara, ro to'a ro ngawana karawi sanikina lampa rawi ma taho. 2Nggahipu d̄i siad̄oho loakud̄u aina kafitinamu dou makalai atao cence ncihi lab̄o cou-cou rau, malaisi kantika nuntu ra nggahi. Pab̄uaku siad̄oho mapu nggahi ra eli d̄i samenana dou. 3B̄ara ntoina ndaita sampula rau, santuda ro wati to'ata. Ndai ka'ada b̄a mboto pahu nawasu rad̄i ne'eta; ndaita mori kai nia ma'iha ro hiana ade, ro cua-cua daca'u angi. 4Pala Ruma Hatalla, Makasalama ndaita katadana meci ra ca'u ro taho ade-Na d̄i ndaita. 5Sia kasalamana ndaita, laina b̄ara ndai mawa'ura karawita au-au ma taho, malaisi b̄ara rahama-Na. Sia kasalamana ndaita kai ncai Roh Allah, ma mbeina ndai rawara kai ma b̄ou ro mori kai ncai karasona ndaita. 6Ruma Hatalla luana Roh-Na d̄i ndai kai ncai Ruma Isa Al Masih, Sangaji mambei salama ndaita, 7loakud̄u kai anugera Ruma Isa, ndaita d̄ikancihi lab̄o Ruma Hatalla ro ndaita maraka mori masapodakaina ro ma'ederahid̄i rakane'e b̄a ndaita. 8Nggahi ra eli ake nancihi podaku.
Ne'e b̄a nahu d̄i nggomi tei kapoda-podapu lampa rawi ake, loakud̄u dou-dou ma imbi d̄i Ruma Hatalla poda-poda usahana d̄i karawikaina lampa rawi ma taho ro mawara one d̄iru'u b̄a sara'ana dou. 9Kad̄o'o lab̄opu wekimu cence ncihi ma wati wara onena, carita-carita londo ra mai, cence ncihi ro ncao ra tub̄a mab̄oha hukum Taurat. Samenana ede wati wara onena ro wati wara d̄i rakamu. 10Dou ma kandad̄ina mbi'a ra ncengga d̄i ade ela Ruma, pab̄uapu rojo b̄a nggomi sakali ro d̄ua kali; sawa'u b̄a ede ai walina rewo samamu lab̄o sia. 11Nggomi mab̄adeku b̄a one dou b̄une ede na'ipiku dab̄aena ro dosa-dosana mabukutina b̄a one sia nancaraku.
Ngoa ra tei kataho cumpukaina
12 #
Kis. 20:4, Ef. 6:21-22, Kol. 4:7-8, 2Tim. 4:12 Sawa'u b̄a nggadu roci b̄a nahu la Artemas atao Tikhikus d̄i nggomi, usaha karoci podapu d̄imai rakakaimu nahu d̄i Nikopolis, b̄ara nahu mane'e ngge'e ta aka santoi oru b̄usi ai. 13#Kis. 18:24, 1Kor. 16:12 Usaha kapodapu d̄i bantukaimu la Zena, maloa hukum ede, ro la Apolos, loakud̄u siad̄oho loa lao ro wati wara makura au-auna. 14Dou-dou ndai pab̄uaku tana'ona karawi lampa rawi ma taho loakud̄u kancihina au-au ma ipi d̄i paralukaina; ai to'ina siad̄oho mori mawati wara onena.
15Sara'ana cina ra angi ma wara sama lab̄o nahu, manggadu salam d̄i nggomi. Karongga to'ipu salam nami d̄i lenga ra iwa ndai ma sama-sama imbita.
Raho-raho to'impa Ruma mambei bareka d̄i nggomid̄oho sara'ana.
Salam do'a nami, Paulus
Currently Selected:
TITUS 3: LAIBHP
Highlight
Copy
Compare
Share
Want to have your highlights saved across all your devices? Sign up or sign in
@LAI 2001
