KIDUNG TUUNO 8
8
1Ah, kalukai ikoo utusonggu meeng kotina,
mo biasa susu doi tinanggu,
tantu ikoo yaku umakon kalu yaku posuunggonggon doi loloon,
akiyokai komo totulaiyaku.
2Ikoo yaku babayo doi tinanggu nabonua,
sulano ikoo moola otunggule yaku.
Ikoo naikon kubeenggon monginum anggur mobabangi,
tukon delima saono paisuno.
3Limano bobono tumbaka ku,
limano bakalingano lobokaku.
4Berjanjimokai, eh koboiboine Yerusalem
baikon komuyu akikai mogangguwo kobibian,
sampe yana mbambul.
Nyanyian Konoomo
Boi-boine
5Indekai domo lubatoo luwedoi padang gurun,
sosinggalang doi nakaboan?
Boine
Kubangunekai ikoo doi apel batango, suukano,
tempat mutiniananggonan tukon musinuungan.
6Tealikenemokai yaku noamu nakokila,
mau indee komiano inai molebeke kalu bolikon iyaku,
sabab dobibiano babayo komian doi matean,
tukon kunapsu berkuasa tealikene komatean.
Konakaitan buno bilat nakaitan
modulep tukon makasang.
7Paisu mobadaang aki tendenge posoiyo kobibian,
tukon eaba aki namoola mo manganus.
Kalu meeng komian beekene saibino kona buat
tuuk pongoli bibian,
tantu tolongo totulai komo linaat.
Utus-utusonggu malane boine
8Kami daano komeeng koutusonggami boine pioto
modaano popoisik kosusuuno.
Oila komai kinubai doiyana
kalukai daano komo lubat olotiyo?
9Kalu andeno yana meeng kobetoon,
naikon kami kekendenge komenara suasa doi bunggono.
Kalu andeno kai yana meeng kotataapon babasal,
naikon kami supate tukon kayung cemara.
Boine
10Yaku nia meeng kobeton,
tukon kosusunggu komenara.
Kubibian toyo baikon doiyana
yaku sanaang.
Malane
11Sulano daano kona anggur asino doi Baal-Hamon;
doasidoo yana salakanggene doi saibino kopadagai.
Suwe-suwele babeal soloong kodoy suasa tuuk nahasil,
12tukon malaat lua kosakato tuuk napakadakan.
Sodiiyomokai doy doo tuuk ikoo, Salomo,
tukon tuuk saibino kopadagai muasi.
Bai kuanggur asino, konggumo susuungu,
daano doi salaanggu.
13Eh, podungoliyo ko asi,
tula-tulaando yase mondongoli alalomu;
ndongolikenekai doya doi yaku!
Boine
14Kubibian, lubatokai buno kijang,
buno donga napau doi Beter bunggukono.
Currently Selected:
KIDUNG TUUNO 8: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
