KIDUNG TUUNO 7
7
Malane
1Oh boine motambongan,
mondok tuuno koainu tukon dosandaalo.
Kobanamu matimbuk buno bungabunga,
meeng komian seniman nalimang.
2Koolumu buno sasangil momatimbok,
moaki nabisa kakurangan anggur pasambul.
Kotiamu bunokai gandum momatimbuk,
bunga-bunga bakung potikungon.
3Kosusuumu bunokai danga napau lua,
kijang mopinga.
4Kobulungo buno manara mobeet.
Komatamu buno dolak-dolak doi Hesybon,
lolani kotataapon babasal doi Batrabim.
Songamu buno manara doi Libanon Bunggulo,
mosasalane kokota Damsyik.
5Koolumu bunokai Karmel bunggulo,
komu buuk moinikat buno lembayung,
maukai kotomundo bai masaindinggene.
6Tutnu ikoo tambongan,
ikoo kinilakon doi antara mo sinananggon.
7Butomu pokakana kokurma batango,
kosusuumu napotangian kosaono.
8Yaku yase molibai dokurmadoo batango,
tukon malaat kosao-saono.
Bilisii kosusuumu nabuno, napotangaian koanggur saono,
komuansaang babangi buno apel saono,
9kosuumu maamis buno anggur paisuno!
Boine
Sodiiyomo kai doangguroo nalomba doi kubibian,
tukon aki nabotol-botol;
tukon olubate kocinta asmara,
tukon doi mian-mian mo daano moolo.
10Yaku kubibian koona,
yana memetene yaku.
11Ikoo dakubibian, maimo ndataus doipadang,
tukon moolomo doi asi,
doi bunga babianan tanga-tangano.
12Maimo nda badowa-badowa doi asi,
tukon kitayo oilakai koanggur batango, lapamo sopii,
tukon bungano tebelekamo;
oilakai kodelima batango bungaimo.
Indaa naikon kubeekene dakubibian doikoo.
13Arak batango babangi koboono,
doi nda tataapon mololani daano kosao-saono momaamis,
momalumbito konapinupuian tukon mosoodo;
doiya kuabese tuuk ikoo, kubibian.
Currently Selected:
KIDUNG TUUNO 7: LAIBGZ
Highlight
Copy
Compare
Share
Want to have your highlights saved across all your devices? Sign up or sign in