SADEONG 95
95
Nyanyian pujian
1Maimokai nda manyanyi doi Temeneno,
nggele-nggeleamon laba doi nda pasalamatan!
2Mai nda mangadap doi Yana tukon lagu sukuur,
nggele-nggeleamon laba doi Yana tukon lagu nggaalano.
3Sabab ko Temeneno daanokai Mian Bisa mobabasal,
Tomundo motambongan moliisiyo sasaibino kopilogot.
4Yana kuasaiyo sasaibino kodunia lalomo natongobos-obosan,
kobunggul bungkonokai koonamo.
5Yana kuasaiyo kotobun, sabab Yana komo kubaiyo,
kobutatinakai limano nandonduun.
6Maimokai nda tootuku sosubaiyo Yana,
ladanggene kotuulonggita doi Temeneno salaano,
sabab Yana komo pastitakayo kita.
7 #
Ibr. 3:15, 4:7 #Ibr. 3:7-11 Sabab Yanamokai konda Mian Bisa,
kita nia Naumat piniala,
buno domba modagaiyo.
Doi oloyo nia lengelekai koalolo;
8 #
Tob. 17:1-7; Bang. 20:2-13 “Inai mokatikase konoamu buno komu mbumbu doi Meriba,
buno tempo napo daanoon doi Masa, doi padang gurun.
9Indaa yanila sobaiya-Ku,
maukai napo lapamo kitayo Daku kokubai.
10Sanggapkolono ko taun kona kalumbit Daku mosikitanano yanila;
Yaku bantile: Tutuu, dobangsadoo aki nasetia!
Daku parenta-parenta aki napo parhatikanggene.
11 #
Bang. 14:20-23; Kua. 1:34-36, 12:9-10; Ibr. 4:3, 5 Maka doi Kunggimalan lalomo Yaku batotopimo,
yanila aki naikon nausok doi tanodoo
sulano napo malaat tadean polaing Yaku.”
Currently Selected:
SADEONG 95: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
