SADEONG 92
92
Nyanyian Pujian
1Nyanyian oloyo Tadean.
2Oh Temeneno, tutuu kona monondokan kobasukuuran doi-Koo,
tukon konggaalano Ikoo, ko Mian Bisa Mo Tatandak Tuuno;
3doi tempo dodowa ikoo babilitakene komu maasi,
tukon komu setiaan doi tempo popook,
4tukon bakuti kulele songulo koaloso,
linoolaing gambus tukon kacapi.
5Konoanggu teali laba sabab Mukokubai, kubaiyo konoanggu tedes-tedes,
yaku menyanyi labalaba sabab Mukokubai.
6Oh Temeneno, tutuu babasal Komukokubai-kokubai,
tutuu atean Komupikiran-pikiran!
7Komian mobonggu aki namoola mangalati,
komian molongos aki namoola pahamiyo.
8Komian molokis moola teali tubo molumbang buno bulung,
tukon komian molokis sosuungi kaasa tukon tubo sanang;
maukai naikon napo sinilaka kabus,
9sabab Ikoo, Temeneno, komo berkuasa sidutu-posidutukon.
10Oh Temeneno, kami toiyo Komu musuh naikon inakate kabus,
sasaibino komian molokis naikon pinobabandakon.
11Ikoo tealikene pokakana kosapi solo konabukuanan,
tukon balakaatiyaku doi namonondokan.
12Daku musuh-musuh mokala yaku kitayo,
komian molawanaku kokondongo
kona tetel-tetel molokis yaku lengelemo.
13Komian momoloyos konoano sopii buno kurma batanggo,
tukon tubo molumbang buno kauwalu batanggo doi Libanon.
14Yanila buno kayung mosinakakon doi Temeneno Na Bonua,
tukon tosuungi badaang doi nda Mian Bisa Na Bonua,
15kokayung mosao doi tempo loono namotuwan,
tataap manampae tukon molumbang.
16Doiyamo kobukutiino baikon ko Temeneno adil;
yana Daku pembela, doiya-Na akiyo konoano napatekan.
Currently Selected:
SADEONG 92: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
