SADEONG 77
77
Pokindok noa doi tempo susaan
1Tuuk mokatuaiyo konyanyian. Loingiyo: Yedutun. Asaf na Sadeong.
2Tukon bulungan koalalonggu yaku uwang doi Mian Bisa;
tukon bulungan koalalonggu yaku uwang,
tukon Yana longolaku.
3Doi tempo susaan yaku sambeang doi Temeneno;
sasamba kopopook yaku tidekene kolimanggu doiya-Na bai aki kupakadak,
bai konoanggu aki naiyase kinindodok.
4Kalu yaku neneke ko Mian Bisa, yaku bakalaakon,
kalu yaku tandandayo konoanggu pololokon pau-pauno.
5Ko Temeneno kubaiyaku aki namoola moolo doi tempo popook,
aki sanaang konoanggu sampe aki namoola yaku basilingan.
6Yaku pikikene kooloyo-oloyo molapamo,
yaku neneeke tukon tandandayo
kotaun-taun molapamo.
7Doi tempo popook yaku bapikir-pikir,
tukon mansa-mansadai doi noanggu lalomo,
8“Tuuk posidutukonkai ko Temeneno natolaano
tukon aki napokonoi koidan?
9Oilakai Yana lapamo tade moseseanggami?
Akikai natapatiyo Konadandi koidan?
10Ko Mian Bisa lapamo toliminggenekai tentang kona seseangano komian?
Nggimalokai Yana, sampe akiyono konaseang koidan?”
11Maka kubantile, “Naiyakai komo sakitiyo konoanggu,
baikon Mo Tatandak Tuuno akiyono kona kuasa koidan.”
12Yaku yase neneeke Komu kokubai-kokubai Temeneno,
kalu kutandandayo Komu minasaindinggonan-minasaindinggonan doi loonu loolukon.
13Yaku yase tandandayo sasaibino Komu linakukon,
tukon pikikene Komu limang-limang mohebat.
14Oh Mian Bisa, sasaibino Komu kokubai moliyous,
indeekai komo pokakana kona kabasal tukon komai Mian Bisa?
15Ikoomokai ko Mian Bisa komo lakukene kolangge minasaindinggon,
Komukuasa molapamo Ikoo jelaskanggene doi antara kobangsa-bangsa.
16Tukon Mubukuanan Ikoo olupute Komumian,
Yakub tukon Yusuf nakatulunan.
17Kalu Ikoo kinita, oh Mian Bisa, kopaisu teali busak,
tukon koidan, kobuta doi tobun sukanokai lolondong.
18Kobonom lubatene koudan, koduluk tolindungan;
kodidip bapondili doi sasaibino kolipu.
19Koduluk tolindungan, kodidip seleseon,
kodunia unggot tukon lolondong.
20Ikoo ambakon loloiyo kobokol,
pintosiiyo kotobun mobebelan, bai komulaal aki natokita.
21Pokakana kopotooli iyayon Ikoo lolainge Komu mian,
tukon perantaraan luwedoi Musa tukon Harun.
Currently Selected:
SADEONG 77: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
