SADEONG 7
7
Sambeang makabian kaadilan
1Daud namandaungan, mominananikon tuuk doi Temeneno sabab Kus, do Benyaminoo miano.
2Oh Temeneno Ku Mian Bisa, yaku soop doi-Koo;
salamatenemokai tukon sobiiyomokai yaku luwedoi sasaibino komian molelenggene yaku.
3Inai mobatadikene yanila napokakana kosinga
mosokuwo tukon tandanaku
tukon akiyono kotulungan doi yaku.
4-5 Temeneno ku Mian Bisa, kalukai yaku makabai mosalah,
mokubai lokis motuuk doi tulando
kai molugiyo konamusuh moakiyo kona alasan,
kalukai yaku makabai bunodoiya.
6Sodiyomokai kulinolonggon tukon kulinako musuh,
lalu inakate tukon tininggalo doibuta.
7Osumbutenemokai komunggimalan, oh Temeneno,
lawanemokai daku musuh-musuh nambuwolan.
Bangunokai tulungiyaku,
sabab ikoo tuntute kokaadilan.
8Potongikenemokai kobangsa-bangsa doi mupotikunggonan,
tukon kuasaiyomokai yanila doi mubatomundoan doi surgaa.
9Ikoo akimiyo kobangkapi;
benggukai kaadilan, oh Temeneno,
sabab akiyo daku salah.
10 #
Ink. 2:3
Tadeiyomokai komian molokis naku lokisan
tukon kobukuanggene konoano komian monondok,
sabab Ikoo Mian Bisa mo adil,
momoola toiyo kobangkapi noano tukon napikilan.
11Dakusoopan doiyamo Mian Bisa
mosalamatene komian mo moloyos konoano.
12Ko Mian Bisa daanokai hakim mo adil,
mo sasamba kotempo ukume komian mo lokis.
13-14Kalu konapo kalakuan nabolii,
yana batotobo tukon sinapan mo kateyo komian.
Yana bilase konasabel tukon tidekene konapana batanggo,
maka naarahkanggene kona panah-panah modaano kobilato.
15Kitayokai, komian molokis kubaiyo kotetel molokis;
yana mokubai tetel mo lokis tukon lakukene kobatipuan.
16Yana makali bitu tuuk doi mian bailon,
bai yana susuungu tuwong doi lalomo.
17Jadi yana inukum luwe nakulokisan susuungo,
tukon sinakisaa luwe natuumba-tumbakon susuungo.
18Yaku basukuur doi Temeneno sabab yana adil,
yaku manyanyikene konggaalono doi Temeneno, Moinakatandak Tuuno.
Currently Selected:
SADEONG 7: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
