SADEONG 8
8
Nababasalan ko Mian Bisa tukon naluwean kobangkapi
1Tuuk komo pimpine konyanyian. Mololoi Gigit nalagu. Daud na Sadeong.
2Oh Temeneno, mai Mian Bisa,
Komukuasa tololongol doi posapon kodunia!
Komubabasalan lobiyoniiyo konatatandakan kotimbu
3 #
Mat. 21:16
minanakon doi labuk-labuk tukon paulumboon.
Komubapamarentaan monggol aki natonggiyok
tuuk motutupe komusuh tukon lawan.
4Kalu kumbalenge kotimbo Ikoo mo pasitakayo,
bituwon tukon bituwon pauno Ikoo mo abese,
5 #
Ayb. 7:7-18; Sad. 144:3; Ibr. 2:6-8 oilakai dobanggapidoo, sampe Ikoo neneke yana,
indekai yana, sampe Ikoo pialayo?
6Bai ikoo bingkate yana adukon pokakana tukon Mian Bisa,
Ikoo mahkotaiyo yana tukon
nababasalan tukon nainanggaan.
7 #
1Kor. 15:27; Ef. 1:22; Ibr. 2:8 Ikoo beena yana kuasa doi dunia laloma,
sasaibino komupinasitaka loingiyo doiyana;
8domba, sapi tukon sasaibino koiyayon piniala,
koidan yayon doi padang lalomo;
9tomisi-tomisi tukon ikan-ikan,
sasaibino ko mahluk doi tobun lalomo.
10Oh Temeneno, mai Temeneno,
komubabasalan tololongol doi posapon ko dunia!
Currently Selected:
SADEONG 8: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
