SADEONG 52
52
Ukuman motuuk doi Mian molokis
1Tuuk mokatuaiyo konyanyian. Daud na Sadeong pongotunggul, 2#1Sam. 22:9-10 salataa Doeg, Edom mianno, lubat popitoikene doi Saul baikon Daud polongokai doi Abimelekh nabonua.
3He mian bukuan, bulaando ikoo babanggaakene komukulokisan
motuuk doi Mian Bisa momamasikene komian?
4Popupuson kooloyo ikoo batipu tukon makabai tetel molokis,
koalepomu pokakana kopiso padallu momamangan.
5Ikoo lobian kilayo komo lokis luwe doi monondok,
lobian yase bakalakala luwe doi bantilan mobisa.
6Tukon bantil-bantilan ikoo moola batipu
tukon tealikene seselon komian noano!
7Bai ikoo naikon Mian Bisa akatekon tuuk posidutukon;
ikoo linako tukon tinandan luwe doi mubonua;
tukon ikoo inalapus luwe doi mian motubo nalipu.
8Kitayo doiya, komian moliyous naikon teali matakut,
maka kokumbiton tukon bantile,
9“Doiyamo komianno moaki nasoop doi Mian Bisa,
bai tongo moinikene konakaasan molobian
tukon mobubar kokaamanan doi nabarang linambas.”
10Bai yaku pokakana kozaitun batango momanampal
doi Mian Bisa Na Bonua lalomo.
Yaku anggayo baikon ko Mian Bisa tataap meseseang
tuuk sidutu-posidutukon.
11Yaku sidutu yase basukuur doi-Koo
doi Mumian salaano yaku babontilanggene Komumonondokan.
Currently Selected:
SADEONG 52: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
