SADEONG 4
4
Sambeangan Popook
1Tuuk komo pimpine konyanyian. Tukon maen kacapi. Daud na Sadeong.
2Oh Mian Bisa, Koomokai komo belayo yaku
timbiliyokai kalu yaku uwang.
Doi tempo kususaan, Ikoo tulungiyaku;
budodoya seseangakukai tukon lengelekai daku sambeang.
3Eh komian-mian, bulaando konakalumbit koidan
kopo totulaiyano daku Mian Bisa?
Polong doi tempo komuyu pokilakanano kolobo moakiyo kotakoso
tukon lelenggene komo aki nabisa?
4Potoiyo, ko Temeneno lapamo lilike tuuk doi butongo
meeng komian Nasineseang.
Ko Temeneno ndongoliyo
kalu yaku uwang doiya-Na.
5 #
Ef. 4:26
Busakokai sabab namatakutan
tukon inai makabai lalim koidan
Pikikenekai tukon Inai mobiyok-biyok,
doi tempo mubaubanggonan doi mumoloan.
6Pososubakenekai kososubakon mobisa
tukon poanggayokai doi Temeneno.
7Badaang komian momasadai,
“Indee naikon komo balakaatio kita?”
Boliisi ikoo pokokonoi doi kami, oh Temeneno.
8Ikoo kabaiyo konoanggu lobian tedes kona labalabaan
luwedoi mian mobadaang tuuno konahasil linaat.
9Maka kubaubanggon tukon moolo tukon sanang,
sabab tolongo Ikoo, ko Temeneno,
mokubaiyo dakutuboan moaman!
Currently Selected:
SADEONG 4: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
