SADEONG 149
149
Nyanyian nggaalano ko Temeneno
1Ponggaalekai ko Temeneno!
Pomanyanyikenekai kolagu moboolu doi Temeneno,
doi Naumat napokombulian lalomo ponggaalekai Yana!
2Polabakai, eh Israel sabab mo Pasitakayo komuyu;
polabakai, eh ko Sion miano sabab daano kopo Tomundo!
3Ponggaalekai Kosambuno tukon osu-osulengan,
ponggaalekai Yana tukon kacapi tukon rebana!
4Ko Temeneno pokokonoy doi Naumat;
tukon Yana beena kamanangan doi mian mo aki nasombong.
5Ko Mian Bisa Naumat labalaba sabab napo tuboan sanaang tuuno,
tukon yanila manyanyi labalaba pomodoakon.
6Batadikenemo napo nggaale ko Mian Bisa tukon alaloila mobabasal tukon mobulungan,
maka napo mataani bakoko mo mamangan
7sulano napo balase kobangsa-bangsa,
tukon yanila hukume kobangsa bense-benseno;
8tukon napo boboiyo kotomundo-tomundo,
tukon napo boboiyo rante konapo pamarentah;
9sulano napo hukume kobangsa-bangsa luwedoi Mian Bisa Naparentah.
Doiyamokai koumat Yana mo seseange nakamanangan.
Ponggaalekai ko Temeneno!
Currently Selected:
SADEONG 149: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
