SADEONG 112
112
Nasanaangan komian monondok
1Ponggaalekai ko Temeneno!
Kinatauwankai doi mian motataap taat,
moyase ko Temeneno naparenta-parenta.
2Konapau-pau naikon kuasaiyo natano nia,
komian monondok konakokubai naikon binalaakati.
3Kopulino naikon kaasa tukon tubo sanaang,
tukon yana naikon aman sidutu-posidutukon.
4Konaadilan laango talaangiyo kokalipookan tuuk doi mian momoloyos konoano,
doi mian moadil, modaano konamaasi tukon seang.
5Kinatauwankai doi mian moyase mebee tukon yase binggotiiyo lobo kotulano
tukon koidan momoloyos konoano doi sasaibino koulusan lalomo.
6Komian monondok konakokubai aki naikon nagagal;
yana naikon ninonook sidutu-posidutukon.
7Yana aki namatakut matalima bilita molokis,
konoano tataap moonggol sabab anggayo ko Temeneno.
8Yana aki namolili kai matakut,
sabab yana anggayo tuuno baikon konamusu naikon linunggui.
9 #
2Kor. 9:9
Yana ebe-ebese konabuat,
tukon beena sadakaa doi mian motalalais;
yana sidutu lakukanggene komonondokan,
tobikon doiya yana berkuasa tukon inodotii.
10Komian molokis nakitayo tukon teali nggimal;
yanila palanggolite kongolingo sabab napo mosikitan.
Maka yanila mate kabus;
konapo moinian lapus polong sidutu-posidutukon.
Currently Selected:
SADEONG 112: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
