SADEONG 111
111
Doi Temeneno nanggimalan
1Ponggaalekai ko Temeneno!
Tukon tootubo konoanggu yaku basukuur doi Temeneno
doi namian napototongian tangano.
2Tutuu minasaindinggon ko Temeneno nakokubai-kokubai,
pantas komian mokilayo sio nasolidikiyo.
3Ko Temeneno nalimang babasal tukon tanggaal,
Konaadilan tataap sidutu-posidutukon tukon akiyo Kona pupusan.
4Do Temeneno doo daano konamaasi tukon konaseang,
Yana lakukanggene kakokubai-kokubai mominasaindinggon,
sulano nda tataap neneeke.
5Yana beena lidiiki doi mian motataap taat doiyana,
tukon sidutu neneeke Kona perjanjian.
6Yana lapamo tudoikene Konakuasa doi Naumat,
tukon beena yanila buta pusaka moluwedoi bangsa-bangsa.
7Ko Temeneno adil tukon setia doi sasaibino Konatindakan lalomo,
tukon sasaibino Konaparenta moola minoinikon.
8Kona hukuman bataanggon poopupuson koloonu,
bineekon doi tutuwan tukon naadilan lalomo.
9Yana olupute Konaumat,
tukon mokubai perjanjian motataap sidutu-posidutukon tukon yanila.
Yanamokai ko Temeneno momoliyous tukon tambongan barani!
10 #
Ayb. 28:28; And. 1:7, 9:10 Indee komiano komo yase nateali pandoy sio naodotiiyo ko Temeneno,
sabab Yana beena pangalatian doi sasaibino komian motaat.
Tanggalokai ko Temeneno poopupuson koloonu!
Currently Selected:
SADEONG 111: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
