ANDEAN 29
29
1Indee komo banggadudul babanggal kalu inotinau,
meeng kotempo naikon manas tukon akimo nakininondok koidan.
2Kalu kai mian adil maparentah, korayat sanaang.
Bai kalu kai mian lokis balakuasa, korayat mandarita.
3Indee moyase kopandoian, sanaanggene kotamano noano.
Indee komo balagaul tukon mobalolowa akabuse kona doy.
4Kalu mobalakuasa palaatikanggene kokaadilan konatano naikon monggol.
Bai kalu yana tongo paraluwo kodoy, konatano naikon manas.
5Indee komo nggaale kotulano,
taane kotalong tuuk butongo.
6Komian lokis kanakon talong sabab nalalim,
komian mojujul lasayo sanaang tukon bagia.
7Komian monondok toyo komian lemat nahak,
bai komian lokis aki napahamiyo.
8Komian moiyase basosibolii laate monggabute ko kota,
bai komian momamangan konapikiran tanaanggene kokaadaan.
9Kalu mian momamangan konapikiran tukon mian molongas bapalakala,
komian longas doo tolongo nggimal tukon kokumbit tobikon sumbutene konggabutan.
10Komian monondok konoano mian momoloukene kosau minisikiton,
bai komian mo monondok lindungiyo.
11Komian longas nggimal secara tarang-tarangan,
bai komian momamangan konapikiran sabar tukon taane kona nggimalan.
12Kalu mobalakuasa palatikanggene ko bilita mokala,
kona pagawe naikon teali lokis saibino.
13Meeng komian talalis tukon mopipiike daano kona pokakanaan;
doi kolua-luano Temeneno beena matano tuuk nakitayo kotuboan loango.
14Kalu tomundo belayo komian momiuk nahak,
doi taun-taun yana naikon namaparentaan.
15Pongotunggul tukon panganukon tealikene komian mamangan konapikiran.
Pau motinuluti sidutu kona mau akamaayo kotinano.
16Kalu mian lokis balakuasa, kopalanggalan tuboi.
Bai komian jujur naikon nggola kitayo komian lokis namanasan.
17Pootunggulkene komupau,
maka yana naikon beekene kokaamanan doikoo,
tukon teali hibulan doi koo.
18Bangsa moaki namalaat bimbingan luwedoi Temeneno,
teali bangsa mobadaang konggabutan.
Kinatawan komian
motaat doi Temeneno naukum.
19Meeng koata aki nalaate inotunggul tolongo tukon bantilan-bantilan.
Yana mangalati, bai aki naikon napalatikanggene.
20Lobian badaang tuuk komian longas naminoinikon,
luwedoi mian mobasilingan moakiyo kona pikiran lolukon.
21Ata mosineseang tambun doi natabokonan,
doibundu naikon teali pagaga.
22Komian momosobit nggimal kubaiyo
badaang komian mopodangani tukon baladosa.
23Komian mobabanggaal naikon kinependek;
mian mokependeo konoano naikon ngginaal.
24Komian mopokokonoi balimang tukon pondikuk,
koalatino misikitene kobutongo susungo.
Kalu yana bukayo doi pangadilan,
yana naikon kanakon ukuman.
Bai kalu yana aki nabiok tolong,
yana naikon kanakon ko Mian Bisa natotopi.
25Matakutene naikon komian napalaat, kobaliko kasusahan.
Anggayomo kai ko Temeneno, maka ikoo naikon aman.
26Badaang komian moyase mounggolii loloon doi mobalakuasa,
bai komo beena kaadilan, tolongo Temeneno tolong.
27Komian monondok aki nasanang tukon mian molokis;
komian lokis mosikitene komian monondok.
Currently Selected:
ANDEAN 29: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
