ANDEAN 18
18
1Komian mo bangalaasan luwedoi mian bailon koalatino
tolongo butongo susuungo kona pinalatikanggon
samba komian napandapat bailon yana bantayo.
2Komian longas aki naiyase binee pangalatian;
yana tolongo yase beekene konoano antoko.
3Lalim tukon totulai ampakon polaing;
kalu lapamo kososibolii, tantu, koidan pinipiik.
4Komian nabantilan bunokai momamangan napikiran
atean buno tobun maluas buno paisu mo mololong.
5Aki namonondok mo kokilaing doi mian molokis;
tukon pipiike komian moakiyo kona salah.
6Kalu mian longas basilingan,
yana sumbutene kopodanganian tukon kabiyo nainotunggul.
7Mian longas nabantilan manase kobutongo,
yana tatalonggon tolongo nabantilan-bantilan.
8Salita doo monondok kolasano;
komian yase lemese.
9Komian molalaikene kona limang;
pokakana kona kulokisan tukon mian moiyase lusake.
10 Temeneno doo buno menala mo monggol;
mian jujur taus dombalaa tukon malaat tampat moaman.
11Bai komian mokaasa anggene nabuat kai molindungiyo yana
buno betong motatandak tukon monggol potikunggon kota.
12Komian mobabanggaal naikon otuwong,
komian mopependeo konoano naikon hinolomati.
13Timbiliyomo akiyoon nalengele
daanon kokubai molongas tukon sinosibolii.
14Tolongo namongiasan sulano tubo, komian laate motanggunge kosakisawan;
lapus namongiasan doo, lapus koidan sasaibino komoinian.
15Komian monondok konoano sidutu moloukene naikon komontoiyan;
komian momamangan kona pikiran sidutu yase malaat otunggul.
16Hadia mobuka loloon
tukon moatule komian doi mian-mian babasal.
17Mobasilingan tumbeno doi rapat pangadilan lalomo sidutu tokita kana;
bai kona palanyataan tambunno moinudi kalu kai lubat kona lawan.
18Tukon lot ponggimakonan moola nainopusi,
banggokai podanganian antara mian balakuasa kai moola nainopupus.
19Utus molapamo pinalasakiti konoano lobian komaaling nakinolani
luwedoi kota momonggol podanganian buno kai posupat
kota tataapono babasal modaano kona benteng.
20Tuuk bantilan-bantilan mobinantil
daano kobaliko mosio nailasakan.
21Alepo daano konakuasa motuuk salamatene kotuboan yana manase;
komian sio natanggunge konabantilan baliko.
22Komian momalaat boloki, malaat kauntungan;
boloki daanon luwedoi Temeneno mobeekene.
23Komian motalalais makabi tukon atulan
mian mokaasa timbiliyo tukon panggalai.
24Daano kosobat moaki natotobos,
daano kai komo lobian pomeenggon luwedoi utus.
Currently Selected:
ANDEAN 18: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
