ANDEAN 17
17
1Tadukai songguman kolabuwe tinundukon konaamanan;
luwedoi kinaan modaano kopitaminno molobi-lobian tinundukon kopodanganian.
2Ata mopandoi naikon balakuasa doi pau mo mokubai maa;
tukon naikon matalima pusaka polaing dopaudo utus-utuso.
3Mosoni tukon salaka inudi doi babunsaan,
bai komian noano Temeneno udio.
4Komian lokis tulutiyo kopikiran-pikiran molokis,
mobakala-kala yase mondongolii bantilan-bantilan bapitanaa.
5Indee komo sosiboliyo komian motalalais,
totulaiyo ko Mian Bisa mopasitakayo.
Indee komo tedes doi nasusaan komian,
tantu malaat ukuman.
6Komian mo babanggal motuamo doiyamo napau tumbu,
kopau-pau nababanggalan doiyamo tamano tinano.
7Komian moinolomati aki teali bantile kobantilan-bantilan mokala;
komian longas aki namoola bantile kobantil-bantilan modaano koanggano.
8Daano komo sanggayo doi posogok laate kubaiyo komo minasaindinggon;
tukon doi sogok sasaibino moola lapa.
9Kalu komian yase kilakene,
maafkanggene yanila nasalah mo lakukene.
Moosumbute-osumbute kokasalahan
tolongo putuse koposobatan.
10Meeng kopanganukon lobian koalatino tuuk doi mian monondok konoano
luwedoi sakat kopongumbas doi mian molongas.
11Komian longas sidutu sumbutene kokulokisan,
bai matean lubat doi yana bunokai binotokon nggimolon.
12Tadukai pososuung tukon asu lobo tinano molapus kona pau;
luwedoi mian molongas mobalimang tukon nalongasan.
13Indee komo balese komondokan tukon kulokisan;
kokulokisan doo aki naikon sumbut luwedoi nabonua.
14Mangatambuun podanganian daanon buno mobukayo kopaisu naloloon;
tobikon doiya undulemo nakiyon natinabuun kopodanganian.
15 Temeneno misikitene komian mo talakanakene komian lokis;
tukon mosalakene komian moakiyo kona salah.
16Palasuma komian longas moakabuse kodoy mounggolii pandoian;
sabab yana akiyo kopikiran monondok.
17Meeng kosobat sidutu totobos doi tulano;
bai meeng koutus lainge motanggunge kosusaan.
18Komian moberjanji sulano teali mobeale kotulano nasamea,
daanon mian molongas.
19Komian moiyase kolalim,
yase podangani.
Komian babasal kosuungo,
unggoliyo konamanasan.
20Meeng komian mobakala-kala aki naikon sanaang;
komian alepo panga naikon malaat silaka.
21Malaat pau molongas koalatino malaat kasusahan;
kopau molongas moteali tamano aki nabeena kasanangan.
22Noano sanaang kobutongo monondok;
momanasal konoano moloto konasamangat.
23Hakim moserong matalima doy pobeal cara laasia
tukon aki naampakokene kokaadilan.
24Komian badombalaakon mo daano kona pangalatian doiyamo tuuk namalaat pandoian;
bai komian longas mobadombalaakon aki natantu.
25Kopau molongas kubayo susah kotamano;
tukon kubayo sedih kotinano noano.
26Aki napantas anodinenda
doi mian moakiyo konasalah;
aki teali pipiike komian momonondok konoano.
27Komian mamangan kona pikiran, aki nabadaang konasilingan;
Komian momamangan konapikiran sidutu tanaang.
28Meeng komian longas kai naikon inanggon pandoi tukon mamangan konapikiran
kalu yana aki nabiyok tukon kosuungo tatutup.
Currently Selected:
ANDEAN 17: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
