AYUB 40
40
1-2He Ayub, ikoo lawane Yaku, Mian Bisa Mobalakuasa;
kai ikoo yase mangaku kala kai ikoo yase mobantayo?
Ayub
3-4Maka Ayub timbiliyo doi Temeneno,
“Yaku basilingan buno mian longas, oh Temeneno.
Oila kopotimbilino momoola kubeekene?
Akiyono kooioila koidan mosiokai kubantile.
5Todudulo badaang tuuno daku tinutur.”
6Maka, luwedoi sokoi lalomo ko Temeneno basilingan koidan doi Ayub.
Temeneno
7Maka ko Temeneno bantil doi Ayub,
“Sasalaane Yaku salaku mala-malane,
tukon timbiliyomo sasaibino Daku pasadai nia.
8Oilakai ikoo naikon saleanggene Dakuadilan,
tukon bisakene kobutomu maka musalakene Yaku?
9Oilakai ikoo bukuan buno Yaku?
Kai moola koalalomu nababasal buno alalonggu?
10Bubungaiyo kobutomu tukon namonondokan tukon nakinabasalan,
konoikenemo konakinabasalan tukon namonondokan.
11Mbalenge konoanoila mobabanggaal;
kumbeyomo komunggimalan tukon pependoyo yanila.
12Ode, mbalenge komian mobabanggaal, akalayo yana!
akateyo komian lokis doi natampat.
13Kibule yanila sasaibino doi ambata lalomo;
kurunge yanila doi mian mate nadunia lalomo.
14Maka Yaku naikon nggaale ikoo
sabab ikoo manaang tukon mubukuanan susuumu.
15Palahatikanggene Behemot, doiyayonoo mobabasal;
buno ikoo, mau yanakai bai Yaku komo pasitakayo.
Bulung-bulung teali nakinaan,
buno saapi tukon saapi biasa.
16Bai kiteese konatenaga doi butongo lalomo
tukon nabukuanan doi naotot-otot!
17Yana kekendenge kopuuso buno aras batango,
kobanano naotot-otot bukuan buno matikas.
18Kobuku-bukuno bukuan buno tambaga,
koaino bukuan buno besi batango.
19Doi antara sasaibino kolobo motubo yanamo komo minasaindinggon tuuno;
tolongo Mopasitakayo yana tolong molungguiyo yana!
20Doi bunggul-bunggul iyayon mombosolo natampat
bala-balamaenan tukon natedesan
tubokai kobulung moteali nakinaan.
21Yana banggonggolong doi mosolot mosoniton suukano
doi dolak-dolaak modaano kobulungo konasapitan.
22Mosolot mosoniton lindungiyo yana tukon mbombokouno.
Kayung gandarusa doi paisubatango bibilo komo mbou-mboungiyo yana.
23Yana aki nambombokon maukai ko Yordan Paisuno batango namakansang tuuno kosoloko,
yana tataap tanaang maukai kopaisu nalupayo koduduso.
24Indeekai komo barani mopiseke komatano,
maka nalakoyo yana tukon talenggene koponggouso?”
Currently Selected:
AYUB 40: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
