YESAYA 33
33
Sambeangan makabiayan bantuan
1Silakamokai konda musuh-musuh! Yanilakai pondikuk maukai naaki napo ndinikuk, tukon yanila bakulokisanggono, maukai naaki napo kinulokisanggon. Bai salataa yanila pondikuk tukon bakulokisanggono, yanilamokai komo teali korban doi pondikukan tukon doi bakulokisanggonan.
2Oh Temeneno, seseanggamikai. Ikoomokai komai moinian. Lindungikamikai sasamba kooloyo tukon salamatanggamikai doi tempo susaan. 3Kalukai Ikoo bangun tukon lengele koalalo-Mu mobabasal, pasti kobangsa-bangsa naikon bulen tukon topobandakon. 4Pokakana kobetek tambuno badaang komian molubat tukon lobosio maka napo ndikuke konapo buat.
5Ko Temeneno babasal Konakuasa; Yana kuasaiyo sasaibino kolangge modaano doi dunia nia. Yana ekenggele kohukum tukon kokaadilan doi Yerusalem 6tukon beena kaamanan doi Naumat. Kobuat mosalamatene yanila doiyamo pandoiyan tukon pangatahuan maka odotiiyano ko Temeneno.
7Komian motambongan barani nggeleamon makabi tulung; sasaibino kobito-bito mousahakanggene kopodamean yanila kokiil susa. 8Kololoon mo babasal silaka tuuno tobikon doiya teali kiis; akiyono komian mololoiyo. Yanila akiyenggenemo koperjanjian ko pomeenggonan yanila tolakemo. Akiyono konapo pinusinggon. 9Kotano tininggal teali kiis. Kobokulung-bokulung doi Libanon teali susa, tukon ko Saron Pepelako tealimo buno padang mokindolon. Doi Basan tukon doi Karmel Bunggulo kokayung-kayung loono kabus matanas.
Ko Temeneno beena poingotii doi namusuh-musuh
10Ko Temeneno bantile doi bangsadoo, “Diabudodoo Yaku naikon abalimo tukon yaku mokubaimo tindakan mookitakene Daku kakuasaan. 11Komu tetel tongo sia-sia, tukon sasaibino kopo linakukanggon akiyo kotakoso. Komunggimalan pokakana kobilat mosuayo kobutomu. 12Komuyu pokakana kobatu nggalanggang mosinua tabali kapur; pokakana koanggal mosoniton tukon linokomi maka tinape kokayungo maka nasinuakon. 13Tukon koidan sasaibino komian moloolani kai moodoon naikon yanila ndongoliiyo tentang Daku kokubai tukon yanila akuiyo Daku bukuanan.”
14Komian doi Sion yanila lolondong sabab napo matakutan. Konapo bantilano, “Ko Mian Bisa nakaputusan pokakana kobilat mokolot-kolot polong sidutu-posidutukon. Kai daano komian momoola bataanggon doi bilatoo lalomo mosuayo komian?” 15Moola pobataanggon kalu komuyu mabantil tukon mokubai kokubai momonondok. Inai pokubaiyo mangambalan komian motalalais, tukon inai momantalima doy sogok. Inai mopolaing komian mobatetel mangakate kai mokubai langge molokis bailonggon. 16Kalu buno doiya komuyu naikon linindungi tukon aman, pokakana komuyu modaano doi benteng lalomo momoonggol. Kokinaan tukon langge-langge moininum tasadiakono doi komuyu.
Loonu doi salaando momonondok
17Naikon nalaate kotempono komuyu kitayo komeeng kotomundo momaparenta doi namonondokan luwedoi tano motopopong doi sasaibino kolipu. 18Kopo matakutan doi loolukoo motuuk doi patagi lulu, pamarenta tukon pangawas molulubaton doiya baimo teali tondoon tolong. 19Akimo pokitayo koidan komian molulubaton molokis konakalakuan mobasalita tukon silingan moaki poalatiyo. 20Pombalengekai kokota Sion, tampat nda lame-lamekanano koagama lameano. Pombalengekai ko Yerusalem! Bukan maen konaamanan dotampatoo tukon monondok nadinungoli, pokakana kosandung moaki nabiniyol-biyol, kopapatoko aki nakinibut-kubut tukon koaloso aki nabontol-bontol. 21Ko Temeneno okitakene konababasalan doi kita. Kita naikon tubo doi paisu batango mobebelan, komusuh nakapal aki namoola tolobutiyo. 22-23Sasaibino konapo alat polobosian modaano doi kapal akiyo kotakoso; konapo kadut aki napo labute! Sasaibino kosuludadu nabuat kita naikon rampase, tukon koanggano badaang tuuno, tobikon doiya maukai mian mo lemat bai malaat obos. Sabab doiya ko Temeneno teali nda tomundo: Iyanamo komo maparentah, keenggele kohukum tukon salamatene kita luwedoi ndamusuh. 24Akiyokai komeeng komian doi nda tano naikon komo mongoluu sabab masakit, tukon yana ompuniyo sasaibino kodosa.
Currently Selected:
YESAYA 33: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 33
33
Sambeangan makabiayan bantuan
1Silakamokai konda musuh-musuh! Yanilakai pondikuk maukai naaki napo ndinikuk, tukon yanila bakulokisanggono, maukai naaki napo kinulokisanggon. Bai salataa yanila pondikuk tukon bakulokisanggono, yanilamokai komo teali korban doi pondikukan tukon doi bakulokisanggonan.
2Oh Temeneno, seseanggamikai. Ikoomokai komai moinian. Lindungikamikai sasamba kooloyo tukon salamatanggamikai doi tempo susaan. 3Kalukai Ikoo bangun tukon lengele koalalo-Mu mobabasal, pasti kobangsa-bangsa naikon bulen tukon topobandakon. 4Pokakana kobetek tambuno badaang komian molubat tukon lobosio maka napo ndikuke konapo buat.
5Ko Temeneno babasal Konakuasa; Yana kuasaiyo sasaibino kolangge modaano doi dunia nia. Yana ekenggele kohukum tukon kokaadilan doi Yerusalem 6tukon beena kaamanan doi Naumat. Kobuat mosalamatene yanila doiyamo pandoiyan tukon pangatahuan maka odotiiyano ko Temeneno.
7Komian motambongan barani nggeleamon makabi tulung; sasaibino kobito-bito mousahakanggene kopodamean yanila kokiil susa. 8Kololoon mo babasal silaka tuuno tobikon doiya teali kiis; akiyono komian mololoiyo. Yanila akiyenggenemo koperjanjian ko pomeenggonan yanila tolakemo. Akiyono konapo pinusinggon. 9Kotano tininggal teali kiis. Kobokulung-bokulung doi Libanon teali susa, tukon ko Saron Pepelako tealimo buno padang mokindolon. Doi Basan tukon doi Karmel Bunggulo kokayung-kayung loono kabus matanas.
Ko Temeneno beena poingotii doi namusuh-musuh
10Ko Temeneno bantile doi bangsadoo, “Diabudodoo Yaku naikon abalimo tukon yaku mokubaimo tindakan mookitakene Daku kakuasaan. 11Komu tetel tongo sia-sia, tukon sasaibino kopo linakukanggon akiyo kotakoso. Komunggimalan pokakana kobilat mosuayo kobutomu. 12Komuyu pokakana kobatu nggalanggang mosinua tabali kapur; pokakana koanggal mosoniton tukon linokomi maka tinape kokayungo maka nasinuakon. 13Tukon koidan sasaibino komian moloolani kai moodoon naikon yanila ndongoliiyo tentang Daku kokubai tukon yanila akuiyo Daku bukuanan.”
14Komian doi Sion yanila lolondong sabab napo matakutan. Konapo bantilano, “Ko Mian Bisa nakaputusan pokakana kobilat mokolot-kolot polong sidutu-posidutukon. Kai daano komian momoola bataanggon doi bilatoo lalomo mosuayo komian?” 15Moola pobataanggon kalu komuyu mabantil tukon mokubai kokubai momonondok. Inai pokubaiyo mangambalan komian motalalais, tukon inai momantalima doy sogok. Inai mopolaing komian mobatetel mangakate kai mokubai langge molokis bailonggon. 16Kalu buno doiya komuyu naikon linindungi tukon aman, pokakana komuyu modaano doi benteng lalomo momoonggol. Kokinaan tukon langge-langge moininum tasadiakono doi komuyu.
Loonu doi salaando momonondok
17Naikon nalaate kotempono komuyu kitayo komeeng kotomundo momaparenta doi namonondokan luwedoi tano motopopong doi sasaibino kolipu. 18Kopo matakutan doi loolukoo motuuk doi patagi lulu, pamarenta tukon pangawas molulubaton doiya baimo teali tondoon tolong. 19Akimo pokitayo koidan komian molulubaton molokis konakalakuan mobasalita tukon silingan moaki poalatiyo. 20Pombalengekai kokota Sion, tampat nda lame-lamekanano koagama lameano. Pombalengekai ko Yerusalem! Bukan maen konaamanan dotampatoo tukon monondok nadinungoli, pokakana kosandung moaki nabiniyol-biyol, kopapatoko aki nakinibut-kubut tukon koaloso aki nabontol-bontol. 21Ko Temeneno okitakene konababasalan doi kita. Kita naikon tubo doi paisu batango mobebelan, komusuh nakapal aki namoola tolobutiyo. 22-23Sasaibino konapo alat polobosian modaano doi kapal akiyo kotakoso; konapo kadut aki napo labute! Sasaibino kosuludadu nabuat kita naikon rampase, tukon koanggano badaang tuuno, tobikon doiya maukai mian mo lemat bai malaat obos. Sabab doiya ko Temeneno teali nda tomundo: Iyanamo komo maparentah, keenggele kohukum tukon salamatene kita luwedoi ndamusuh. 24Akiyokai komeeng komian doi nda tano naikon komo mongoluu sabab masakit, tukon yana ompuniyo sasaibino kodosa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in