YESAYA 32
32
Tomundo moadil
1Pokitayomokai, naikon kalu laatemo kotempono daano komeeng kotomundo momaparenta tukon adil tukon komo katu-katuaiyo kobangsa yanila ampakenggene kokaadilan. 2Yanila sasaibino pokakana kosoopan moluwedoi mbombuul tukon sokoy. Tukon koidan yanila pokakana kopaisu batango molombaiyo kopadang lalomo, pokakana kobatu soopan mobabasal doi buta mokindolon. 3Komian mokitayo aki namoola tombukiyo komatano, tukon komo lengele yana palatikanggene. 4Komian doi looluk motongosinggaang tukon iyasemo momokubai tindakan mosabar tukon moono pangalatian. Komian moponga naikon moola basalita tukon tontong. 5Komian molongas akimo nainaanggon mian moinodotii, tukon komian mobatipu akimo nainaanggon jujur. 6Komian molongas mabantilan-bantilan molokis tukon mokubai tetel molokis koidan. Oilamo tolong kona linakukon kai kona binantil doiya buno pototulai motuuk doi Mian Bisa. Aki napo biasa beena kaan komian momalaal kai moinum paisu doi mian momolou. 7Takainomo komian mobatipu tongo pikikene tukon lakukanggene kolangge-langge molokis. Yana tongo mounggolii akal sulano nakubaiyo silaka komian mo talalais tukon napo bantilan-bantilan mokala tukon pantane sulano naaki napo laate konapo haak. 8Bai komian momonondok konoano mokubai tetel doi langge-langge momonondok tukon lakukanggene koidan komo momonondok.
Pangadilan tukon nabinebaskanggonan
9Polengelekai, eh komuyu koboiboine motubo sanaang, mobebas doi susaan lalomo! 10Diabudodoo komuyu amano, bai uga-ugaate nameeng kotaun komuyu naikon susah koidan, sabab kopo anggur saono aki nateali, tukon kopo langge bailonggon akiyo kohasilo koidan. 11Polong diabudodoo komuyu tubo sanaang, bebas doi susaan lalomo. Bai diabudodoo, komuyu lolondong sabab pomatakutan! Polapaasemo kopo pakean tukon potaanggenekai kotoik moluwedoi karung doi owakumuyu. 12Pokokiliyokai kopo kombung-kombung mosubur tukon kopo anggur mobadaang kosaono, 13sabab daku bangsa nabuta daanoon mobulunggon tukon laing mosoniton. Tukon koidan, pokokiiliyokai kopo bonua-bonua mian mokubaiyo basa-basanaangan tukon dopo kota morame tuuno! 14Tukon kona kamali naikon tininggalo tukon koidan kokota morame naikon tealimo kiis tuuno. Kobunggul bunggulo tukon komenara-menara batotoliyan linombomo tukon tinuwongo doi buta tukon akimo nabinangun koidan. Kokeledai-keledai mombosolo tukon kodomba-domba makaan bulung indaa.
15Bai ko Mian Bisa naikon lubat koidan tukon nakuasa. Sampe kopadang mokindolon teali bakombungan mosubur, tukon kokombung-kombung tatanamano nakinita pokakana kobokulung sabab namolumbangan. 16Doi posaapon kotano daanomo kokojujuran tukon kokaadilan. 17Sasamba komian lakukanggene oila komo talakana, tobikon doiya daanomo kosanaangan tukon naamanan polong sidutu-posidutukon. 18Komian Bisa naumat naikon luput doi kasusahan tukon tubo doi lipu momonondok tukon moaman. 19-20Bukan maen kopo sanaangan komuyu sasaibino sabab kopo paisu badaang tuuno pokubaiyo pekembetokii polangge sinakakon, tukon kopo iyayon piniala moola makaan bulung doiyayaa tukon aman. Bai kopo musuh pokakana kobokulung motinepak udan batu tukon konapo kota naikon minanas kabus.
Currently Selected:
YESAYA 32: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 32
32
Tomundo moadil
1Pokitayomokai, naikon kalu laatemo kotempono daano komeeng kotomundo momaparenta tukon adil tukon komo katu-katuaiyo kobangsa yanila ampakenggene kokaadilan. 2Yanila sasaibino pokakana kosoopan moluwedoi mbombuul tukon sokoy. Tukon koidan yanila pokakana kopaisu batango molombaiyo kopadang lalomo, pokakana kobatu soopan mobabasal doi buta mokindolon. 3Komian mokitayo aki namoola tombukiyo komatano, tukon komo lengele yana palatikanggene. 4Komian doi looluk motongosinggaang tukon iyasemo momokubai tindakan mosabar tukon moono pangalatian. Komian moponga naikon moola basalita tukon tontong. 5Komian molongas akimo nainaanggon mian moinodotii, tukon komian mobatipu akimo nainaanggon jujur. 6Komian molongas mabantilan-bantilan molokis tukon mokubai tetel molokis koidan. Oilamo tolong kona linakukon kai kona binantil doiya buno pototulai motuuk doi Mian Bisa. Aki napo biasa beena kaan komian momalaal kai moinum paisu doi mian momolou. 7Takainomo komian mobatipu tongo pikikene tukon lakukanggene kolangge-langge molokis. Yana tongo mounggolii akal sulano nakubaiyo silaka komian mo talalais tukon napo bantilan-bantilan mokala tukon pantane sulano naaki napo laate konapo haak. 8Bai komian momonondok konoano mokubai tetel doi langge-langge momonondok tukon lakukanggene koidan komo momonondok.
Pangadilan tukon nabinebaskanggonan
9Polengelekai, eh komuyu koboiboine motubo sanaang, mobebas doi susaan lalomo! 10Diabudodoo komuyu amano, bai uga-ugaate nameeng kotaun komuyu naikon susah koidan, sabab kopo anggur saono aki nateali, tukon kopo langge bailonggon akiyo kohasilo koidan. 11Polong diabudodoo komuyu tubo sanaang, bebas doi susaan lalomo. Bai diabudodoo, komuyu lolondong sabab pomatakutan! Polapaasemo kopo pakean tukon potaanggenekai kotoik moluwedoi karung doi owakumuyu. 12Pokokiliyokai kopo kombung-kombung mosubur tukon kopo anggur mobadaang kosaono, 13sabab daku bangsa nabuta daanoon mobulunggon tukon laing mosoniton. Tukon koidan, pokokiiliyokai kopo bonua-bonua mian mokubaiyo basa-basanaangan tukon dopo kota morame tuuno! 14Tukon kona kamali naikon tininggalo tukon koidan kokota morame naikon tealimo kiis tuuno. Kobunggul bunggulo tukon komenara-menara batotoliyan linombomo tukon tinuwongo doi buta tukon akimo nabinangun koidan. Kokeledai-keledai mombosolo tukon kodomba-domba makaan bulung indaa.
15Bai ko Mian Bisa naikon lubat koidan tukon nakuasa. Sampe kopadang mokindolon teali bakombungan mosubur, tukon kokombung-kombung tatanamano nakinita pokakana kobokulung sabab namolumbangan. 16Doi posaapon kotano daanomo kokojujuran tukon kokaadilan. 17Sasamba komian lakukanggene oila komo talakana, tobikon doiya daanomo kosanaangan tukon naamanan polong sidutu-posidutukon. 18Komian Bisa naumat naikon luput doi kasusahan tukon tubo doi lipu momonondok tukon moaman. 19-20Bukan maen kopo sanaangan komuyu sasaibino sabab kopo paisu badaang tuuno pokubaiyo pekembetokii polangge sinakakon, tukon kopo iyayon piniala moola makaan bulung doiyayaa tukon aman. Bai kopo musuh pokakana kobokulung motinepak udan batu tukon konapo kota naikon minanas kabus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in