YESAYA 34
34
Ko Mian Bisa naikon hukume Kona musuh-musuh
1Eh kobangsa-bangsa, pomaimo nda pototongi tukon pondongoliiyo. Naikon posaapon kodunia tukon sasaibino komo tubo doi lalomo yanila lubat tukon ndongoliiyo. 2Ko Temeneno nggimoliiyo sasaibino kobangsa tukon sasaibino konapo suludadu. Ko Temeneno naikon hukume tukon akateyo kabus yanila. 3Kopai bajanoila aki nakinibul, bai tongo binatadikon nateali boowan tukon daano koboono. Kobunggul-bunggul teali memela sabab linombai saunoila. 4#Mat. 24:29; Mrk. 13:25; Luk. 21:26; Ink. 6:13-14 Kooloyo matano, bituwon tukon bituwon-bituwon pauno naikon manas. Kotimbu naikon linulun pokakana kokalataas. Kobituwon-bituwon pauno naikon topudas pokakana kokayung loono motupudas.
5 #
Yes. 63:1-6; Yer. 49:7-22; Yeh. 25:12-14, 35:1-15; Am. 1:11-12; Ob. 1:14; Mal. 1:2-5 Ko Temeneno sadiayomo konasabel doi surgaa, tukon diabudodoo dosabeloo tepakemo kobangsa Edom molapamo tinuwongikon kohukuman tukon naikon inakate kabus. 6Ko Temeneno nasabel moono sau tukon moono inakoila pokakana koiyayon mosinosubakon sauno tukon inakko. Sabab ko Temeneno sadiayomo kososubakon doi Bazra, tukon kubaiyo komokolotan iyayon doi tano Edom. 7Komian naikon mate pokakana kosapi mombosolo tukon saapi momongula. Konapo tano naikon memela tukon sau tukon moono inak. 8Tobikon doiya ko Temeneno nabelayo ko Sion tukon balase kona liitan doi Namusuh-musuh. 9Ko Edom pai-paisunobatango naikon tobolii pokakana koteer, tukon kobutano teali bolerang. Sasaibino kotano kait bunoteer. 10#Ink. 14:11, 19:3 Dobilatoo aki naposo mau popook tukon oloyo, tukon kotibolungo kalikobungan luwedoi yana sidutu-posidutukon. Butadoo naikon tininggalo tukon tealimo kindolon paisosoboli koturunan, tukon akiyokai komeeng komian naikon mololoiyo dotanodoo. 11Baimo tomisi Undan tukon Landak komo dungoliyo, kotomisi kolu tukon tomisi gagak naikon dungol indaa. Ko Temeneno naikon tealikene dotanodoo nggabut, tukon akiyo kopodungolino pokakana moakiyoon natinealikon kotimbu tukon dunia. 12Akiyo kotomundo momaparenta doi tanodoo, tukon sasaibino konapoo katua lapuso. 13Kobenteng-bentengo tukon kokota-kotano mopinagar kayung molinapis buta naikon tinuboimo laing mosoniton tukon bulung, tukon dinungoli asu lobo maka tomisi unta. 14Koiyayon mobarani dungol dombaa dombulo doi lalomo; kokolu-kolu potimban-timban, tukon kokolu popook mounggolii mooloan. 15Doi tampatoo kobinda mokubai telea namanggalauwan, monggoloy tukon napialaano konapu-pau. Kotomisi alap-alap pototongi memeeng kopasang.
16Pounggoliiyokai tukon pobacayokai doi Temeneno na Kitab lalomo! Akiyokai komeeng komahluk naikon komo lapus kai komo akiyo konapasangan. Sabab bunomokai doiya ko Temeneno naparentah, tukon Iyanamokai komo pototongikene yanila. 17Temenenokai komo obosikene yanila dotanodoo tukon suwe-suwele talimayo konaobos. Idoo yanila dungol sidutu-posidutukon, tukon butadoo tealimo napo buta suwe-suwele polong doi napaisobolian konapo katurunan.
Currently Selected:
YESAYA 34: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 34
34
Ko Mian Bisa naikon hukume Kona musuh-musuh
1Eh kobangsa-bangsa, pomaimo nda pototongi tukon pondongoliiyo. Naikon posaapon kodunia tukon sasaibino komo tubo doi lalomo yanila lubat tukon ndongoliiyo. 2Ko Temeneno nggimoliiyo sasaibino kobangsa tukon sasaibino konapo suludadu. Ko Temeneno naikon hukume tukon akateyo kabus yanila. 3Kopai bajanoila aki nakinibul, bai tongo binatadikon nateali boowan tukon daano koboono. Kobunggul-bunggul teali memela sabab linombai saunoila. 4#Mat. 24:29; Mrk. 13:25; Luk. 21:26; Ink. 6:13-14 Kooloyo matano, bituwon tukon bituwon-bituwon pauno naikon manas. Kotimbu naikon linulun pokakana kokalataas. Kobituwon-bituwon pauno naikon topudas pokakana kokayung loono motupudas.
5 #
Yes. 63:1-6; Yer. 49:7-22; Yeh. 25:12-14, 35:1-15; Am. 1:11-12; Ob. 1:14; Mal. 1:2-5 Ko Temeneno sadiayomo konasabel doi surgaa, tukon diabudodoo dosabeloo tepakemo kobangsa Edom molapamo tinuwongikon kohukuman tukon naikon inakate kabus. 6Ko Temeneno nasabel moono sau tukon moono inakoila pokakana koiyayon mosinosubakon sauno tukon inakko. Sabab ko Temeneno sadiayomo kososubakon doi Bazra, tukon kubaiyo komokolotan iyayon doi tano Edom. 7Komian naikon mate pokakana kosapi mombosolo tukon saapi momongula. Konapo tano naikon memela tukon sau tukon moono inak. 8Tobikon doiya ko Temeneno nabelayo ko Sion tukon balase kona liitan doi Namusuh-musuh. 9Ko Edom pai-paisunobatango naikon tobolii pokakana koteer, tukon kobutano teali bolerang. Sasaibino kotano kait bunoteer. 10#Ink. 14:11, 19:3 Dobilatoo aki naposo mau popook tukon oloyo, tukon kotibolungo kalikobungan luwedoi yana sidutu-posidutukon. Butadoo naikon tininggalo tukon tealimo kindolon paisosoboli koturunan, tukon akiyokai komeeng komian naikon mololoiyo dotanodoo. 11Baimo tomisi Undan tukon Landak komo dungoliyo, kotomisi kolu tukon tomisi gagak naikon dungol indaa. Ko Temeneno naikon tealikene dotanodoo nggabut, tukon akiyo kopodungolino pokakana moakiyoon natinealikon kotimbu tukon dunia. 12Akiyo kotomundo momaparenta doi tanodoo, tukon sasaibino konapoo katua lapuso. 13Kobenteng-bentengo tukon kokota-kotano mopinagar kayung molinapis buta naikon tinuboimo laing mosoniton tukon bulung, tukon dinungoli asu lobo maka tomisi unta. 14Koiyayon mobarani dungol dombaa dombulo doi lalomo; kokolu-kolu potimban-timban, tukon kokolu popook mounggolii mooloan. 15Doi tampatoo kobinda mokubai telea namanggalauwan, monggoloy tukon napialaano konapu-pau. Kotomisi alap-alap pototongi memeeng kopasang.
16Pounggoliiyokai tukon pobacayokai doi Temeneno na Kitab lalomo! Akiyokai komeeng komahluk naikon komo lapus kai komo akiyo konapasangan. Sabab bunomokai doiya ko Temeneno naparentah, tukon Iyanamokai komo pototongikene yanila. 17Temenenokai komo obosikene yanila dotanodoo tukon suwe-suwele talimayo konaobos. Idoo yanila dungol sidutu-posidutukon, tukon butadoo tealimo napo buta suwe-suwele polong doi napaisobolian konapo katurunan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in