YESAYA 24
24
Ko Temeneno ukume kodunia
1Ko Temeneno naikon akamanasemo kabus kodunia, sampe teali kindolon tukon kiis. Yana abaliyo kodunia tukon pobabandakene komanusia. 2Sasaibino komian konanasib pokakana: koimam-imam tukon rayat, koata moinoli tukon komo oliyo, komo mabalukon tukon komo mongoli, komo babinggat tukon mobinggotiiyo, mokaasa tukon motalalais, sasaibino pokakana. 3Tebeaas kodunia tukon minanas. Ko Temeneno lapamo bantile, tukon doiya langgedoo pasti teali.
4Kodunia naikon teali motuul tukon moloiyu, posaapon kodunia sakisaa. Kotimbu tukon dunia singgat-singgat sakisaa. 5Kodunia teali lokis sabab kotumbuno akimo naanggayo ko Mian Bisa naparenta, boliiyo kona kaputusan-kaputusan tukon akiyenggene kona perjanjian yana mokubaiyomo tukon yanila tuuk sidutu-posidutukon. 6Tobikon doiya ko Temeneno kutukemo kodunia tukon hukume kotumbuno sabab donapo kokubaidoo. Yanila sinua mokopul tukon baino soisik doi yaniladoo komo salamat. 7Koanggur batango moloiyu tukon koanggur paisuno susah komalaatan. Komian looluk laba-laba budodoiya susa. 8Akimo natololongol kokasapi alalo molame tukon kobobolon alalo morame. Tademo komian molaba-laba doi ramean. 9Akiyono komian momonginum anggur tukon momanyanyi, akiyono komo rasaiyo kosanaangan komonginuman suka. 10Sasaibino kokota akimo naaman, sasaibino kobonua tataapono tinataapikono sabab matakuto sasaibino kotumbuno. 11Komian nggele-nggeleamon doi loloon sabab akiyono konapo anggur paisuno. Akiyono kolaba-labaan doi tanodoo sidutu-posidutukon. 12Kokota manaso teali ambata, tukon kotataapono mobabasal manas sasabul. 13Doiyamokai komo teali doi posaapon kodunia doi sasamba kobangsa. Pokakana koloununo doi bapadakan, doi tempo kozaitun sano nainalaan kabus tukon koidan buno anggur saono napinupuiyan doibundu.
14Komian mosalamat yanila laba-laba tukon manyanyi. Komian doi talise naikon babilitakanggene ko Temeneno nababasalan 15tukon komian doi tolopot nggaale ko Temeneno. Kopesisir tumbuno naikon kabasale ko Temeneno, Israel miano na Mian Bisa. 16Luwedoi dunia bunduno tololongol konyanyian nggaalano ko Israel, dobangsadoo motaat.
Bai yakukai silakamo! Yakukai susahmo! Komian molokis tataap mokubai lokis, tukon banggadudul mokubai kulokisan molokis tuuno. 17Eh sasaibino kodunia tumbuno, polengelekai! Konggalanggabutan, kobitu tukon talong totiiliyo komuyu. 18Komian mobulenggene kodilino luwedoi nanggalanggabutan naikon otuwong doi bitu lalomo, tukon komian moaki natuwong bai kana doi talong. Koudan mobabasal tokundang luwedoi timbu, tukon unggot kodunia uuno. 19Kodunia mapasa, manas tukon unggot. 20Kodunia unggot tombimbiing pokakana komian malangu, tukon unggot pokakana kosandung moinunggot sokoy. Kodunia tolubang sabab motoong konadosa. Yana manas tukon akimo nabangun koidan.
21Doitempodoo koidan ko Temeneno hukume sasaibino komo kuasaiyo kotimbu dapango mobabasal tukon sasaibino kotomundo doi dunia. 22Yanila pinototongikon sasaibino pokakana komian motinaan doi leeng, tukon buno mian moinosokon doi talunggu lalomo tukon mototiili kotempono napo hinukuman. 23Kobituwon teali kalipookan tukon kooloyo matano akiyono kolaango, sabab ko Temeneno Mobabasal Konakuasa yana maparenta pokakana kotomundo. Yana maparentah doi Yerusalem, doi Bunggul Sion Bunggono, tukon okitakene Konababasalan doi sasaibino komo katuaiyo Konaumat.
Currently Selected:
YESAYA 24: LAIBGZ
Highlight
Copy
Compare
Share
Want to have your highlights saved across all your devices? Sign up or sign in