YESAYA 15
15
Ko Mian Bisa naikon manasemo ko Moab
1 #
Yes. 25:10-12; Yer. 48:1-47; Yeh. 25:8-11; Am. 2:1-3; Zef. 2:8-11 Naiyamokai koteteba moluwedoi Temeneno tentang Moab.
Kota Ar tukon Kir inakabus doi tempo meeng kopopook, tukon kotano Moab teali kiis tuuno. 2Ko Dibon tumbuno toliboiyo kobunggul bunggono sulano napo kokiil doilipu napo mososubaiyan pilogot. Ko Moab miano tukon susah yanila kokiiliyo kokota Nebo tukon Medeba. Yanila daluse konapo buuk tukon konapo simbil salaku paloosan mosusah. 3Komian doi loloon mapake toik karung paloosan susaan; komian momandaung tukon kokiil doi tano lapang tukon doi bonua atono. 4Ko Hesybon tukon Eleale miano kokiil wowookon, tukon koalaloila polong doi Yahas. Tukon koidan sasaibino kosuludadu polobosi lolondong matakut; sabab konapo baranian akiyono.
5Yaku mamaasikene ko Moab! Kotumbuno dampas doi kota Zoar tukon doi Eglat-Selisia. Daano komo toliboiyo kololoon doi Luhit maka napo kokiil; daano komo bulen doi Horonaim maka napo mangga-manggadidi sabab yanila tinepak balaa. 6Ko Nimrim Paisunobatango tukon kobulung motubo doi bibilo motubo tuuno, akiyono kolobo motubo momanampal koloono. 7Komian mopintosiiyo Haarabim Paisunobatango pauno tukon yanila kakaate mosalamatene sasaibino konapobuat. 8Doiyayaando doi Moab kalalatano tololongol kowookonan. Domandaunganoo longol doi Engelaim tukon doi Beer-Elim. 9Doi Dibon kopaisuno batango paisuno teali memela sabab tasabulo tukon sau. Ko Mian Bisa naikon lubatene kolangge-langge mokulokis tuuno koidan luwedoi mian-mian indaa. Kopokolot mokinapatumo naikon yanila akateyo kabus ko Moab miano motubo indaa.
Currently Selected:
YESAYA 15: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
