YESAYA 12
12
Nyanyian sukuur
1Kalu naikon laatemo kotempono komuyu manyanyimo:
“Temeneno yaku basukur doi-Koo,
sabab Ikoo hiburaku.
Loolukon Ikoo nggimoliiyaku
bai nia budodoo tademo Komu nggimalan.
2 #
Tob. 15:2; Sad. 118:14 Tutuu, do Mian Bisadoo kupasalamat,
yaku maangga doi Yana.
Aki kumatakut;
sabab Yana tealikanakumo mobukuan.
Komo salamatanaku doiyamo Mian Bisa,
doiya-Mo daku manyanyian.
3Pokakana kopaisu momemel mian momolou molabakene,
bunomo lakon doiya kopoo laba-labaan,
sabab ko Mian Bisa salamatenemo komuyu.”
4Kalu laatemo kotempono komuyu bantile,
“Basukuurkai doi Temeneno,
tukon pososubakai doi Yana.
Babulitakenekai doi bangsa-bangsa
Konababasalan tukon sasaibino Kona kokubai.
5Pomanyanyimokai doi Temeneno,
sabab badaang kolangge-langge mominasaindinggon Yana mokubaiyo.
Batadikenemo posaapon kodunia
nalengele tentang Kona kokubai.
6Pokoku-kokuweiskai komuyu ko Sion tumbuno,
pomanyanyikai tukon laba-laba.
Ko Israel miano na Mian Bisa tutuu momulia,
Yana podungoli komuyu.”
Currently Selected:
YESAYA 12: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
