Popular Bible Verses from YESAYA 12

Share

Tutuu, do Mian Bisadoo kupasalamat, yaku maangga doi Yana. Aki kumatakut; sabab Yana tealikanakumo mobukuan. Komo salamatanaku doiyamo Mian Bisa, doiya-Mo daku manyanyian.

Pokakana kopaisu momemel mian momolou molabakene, bunomo lakon doiya kopoo laba-labaan, sabab ko Mian Bisa salamatenemo komuyu.”

Pomanyanyimokai doi TEMENENO, sabab badaang kolangge-langge mominasaindinggon Yana mokubaiyo. Batadikenemo posaapon kodunia nalengele tentang Kona kokubai.

Kalu laatemo kotempono komuyu bantile, “Basukuurkai doi TEMENENO, tukon pososubakai doi Yana. Babulitakenekai doi bangsa-bangsa Konababasalan tukon sasaibino Kona kokubai.

Kalu naikon laatemo kotempono komuyu manyanyimo: “TEMENENO yaku basukur doi-Koo, sabab Ikoo hiburaku. Loolukon Ikoo nggimoliiyaku bai nia budodoo tademo Komu nggimalan.

Pokoku-kokuweiskai komuyu ko Sion tumbuno, pomanyanyikai tukon laba-laba. Ko Israel miano na Mian Bisa tutuu momulia, Yana podungoli komuyu.”