ROMA 13
13
Pemerintah atakam ji bae atakam
1Allah, aemansa pemerintah taka taka baemem, atakam asakamtiie. Are era pemerintah takes ataemomtetere. Emesare, owe takes pemerintah atakam ji baetas. 2Erapemerintah atakam baoo owe, Allah ataeme owe aoomas. Emes baem owe ajirisemtemas. 3Akot pak baem owe, pemerintah ombare apok. Me pota pak baem owe ere, ombare. Tare pemerintah ombare apok baemap akot ape? Emesare, akot pak aemay. Era pemerintah arawa, tara atemtemteman. 4Me pemerintah, Allah bambi karai baetam owe. Are taasan karai akot aetamemas. Me, pota pak aemtakam apaye, ombare aememay. Are senjata baemomem, bambi pak apok. Are Allah bambi karai baetam owe. Me are Allah bajurusum pak, era pota pak baem owe, aemtamemas. 5Emesare, tare pemerintah atakam ji aeay. Pemerintah atakam ji bae, tare bajirisem-ombar taka bas. Ere tajak bomon atakam ji bae pakam are.
6Emesare, tare pemerintah atakam asakamtamemas uang, pemerintah atetammakam. Era pemerintah oweam emes karai fiak aemas ere, are bambi karai Allah aetamemas. 7Me pemerintah atakam asakamtamemas pak atetamay. Era atakam asakamtamemas uang kupis atetamay. Era oweam asitimkoromay.
Owe bajamfaimam atakam
8Owe pak tara batetam apaye, wanam tare pak botetam atakam era owe ajamsakamamtiimakam apaye, ere era pak botetamkoromay. Oweam afaimkoromay. Me owe afaimmas owe, Musa Basakamtam Atakam ji aeemas. 9Allah wan atakam ere, “Tani tamane bajamdamat bas. Oweam tatiitem. Wosom etem. Owe pak senomemtem.” Emesare. Ara basakamtam atakam takesam, wan basakamtam atakam takesam, ere atakam taka awar. Era basakamtam atakam taka ere, “Wore womba afaimemarem. Emes afaimemarem tamen, owe afaimey.” 10Me owe afaimemas owe, pota pak era owe baem apok aememas. Me owe afaimemas owe, Musa Basakamtam Atakam takes ji aeekorommas.
11Tare era pak takes baemkoromay. Emesare, tare waa aemapmarom bare tamsam. Tare ise bawasit bare ere, eteemansa. Yesus Kristus ambesemom bare ere, Allah ajortaertaro bare setep apoknak aemanse. Waa ere, era bare, ere setep. 12Ju ere, etejiraoisim. Are jo bapueken. Emesare, dare era sare pak baemamo. Emesare dare, owe era jiiti bomon aememas pak, bakariemamo. 13Dare era sare bomon aemapmarom owe darare. Erarawa akot pak baemamo. Danom asan pota pakambwi baem bas. Bir bwiam banda jaytu bas. Tani tamane bajamdamat bas. Asan pota pakam baem bas. Owentakamam bas. Itimam bas. 14Me, Tuhan Yesus Kristus banamek tara bataiomemtan. Tadosa jak basenomem pak jipu baem, bimak binip botetaram bas.
Currently Selected:
ROMA 13: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
