1 TESALONIKA 5
5
Tuhan aofasiendaeto bare, bajasosoem atakam
1Dajoo owe akot! Dare Tuhan aofasiendaeto bare, surat tara baeapomtam apok. 2Tare tamsamnak. Me Tuhan Bare, wosom owe eam ajinaoemas, emes tamen andaetem. 3Owe atakam akoretas, “Emesare, owe takes dara ajamfaimemaroas. Dare asan akot aemapmarom,” emes atakam aesimtas, ere ametejirisemtemas. Ere jak aptam tapes ju ametejasiremas emes tamen are. Oweam bajurusum pak ombare baemeesos asan apok. 4Dajoo owe akot! Allah amsam apok owe, jiiti bomon aemapmas. Tare ere, emes apok. Erarawa era Bare ajinaoto, tare damo batamtamiem bas— wosom owe era banamek batai apok owe bambi bajananam emes tamen bas. 5Tara takes era jok sare bomon baemap owe. Dare eam jiiti bomon baemap owe apok. 6Emesare, dare wan owe tamen baemap bas. Dare ise baes owe tamen baemap bas. Dare banamek bataiaar owe aemapamo. Danom bir bwi banda jaytu apok owe aemapamo. 7Ise baes owe, eam ise apwitamesmas. Bir bwi banda jaytu owe, eam bir bwi banda jaytu aemapemas. 8Dare jok sare bomon baemap owe ere, bir bwi banda jaytu apok aemapamo. Danom Yesus eemnak ambesemkoromamo. Armat Ipitam bafaim afaimamo. Ere dare sai baju bajiimomem emes tamen are. Danom Armat Ipit dara bajortaer, jiirey taka aeeamo. Ere dare jii bajamom topi bajiimapom emes tamen are. 9Me Allah aemero pak, dara bajurusum pak apok. Era aemero pak ere, dara bajortaer pak. Ere Yesus Kristus daTuhan aeme pak are. 10Armat Ipit, dare takan Ara bajamemapaar, dambir atemtamero. Me aofasiendaeto bare, dare jatiaptam aememtam apaye, dambir aemtam apaye, ere awar. 11Emesare, tarmamon jak fiak ajamemapomaaray. Tarmamonam Yesus bajamkai fiak ajamemapomaaray. Me waa aemmakam pak awara.
Ataane baowe atakam
12Dajoo owe akot! Dare atakam fiak tara ajanimmarom. Karai fiak aetamman owe asitimay— ere Tuhan ajamkaimakam owe, takapar owe. Era oweam Tuhan bajamkai aememtamman. 13Era owe, asan akot, tara aemman apormakam are. Erarawa era owe basitim anakot aemay. Tare era owe soro ajiomay. Tare tarmamon ajamfaimamaaray. 14Dajoo owe akot! Dare ataane tara awemarom: Era bamesem owe ajatemotaeray. Era ombare owe, jak fiak aemapomay. Yesus bajamkai fiak apok owe, bajamkai fiak aememtamay. Tare jak jirao owe takes aemomay. 15Owe, pota pak, biti bajie bas. Me, akot pak tarmamon aemamtamaaray. Tanom, akot pak, owe takes aemtamaaray. 16Jak akot aememaaray. 17Atakam Allah ajanimaaray. Bakari bas. 18Asan akot aememtakam apaye, asan pota aememtakam apaye, terima kasih atakam Allah akoromaaray. Emesare, Allah, tare Kristus Yesus ajamkaimakam owe, era pak takes baemaar, akot ajim.
19Tare Allah Jip, atakam baoo bas. 20Tare Allah atakam bakoretam owe era akoretas atakam, bifane bas. 21Era takes atakamoorporaaray. Wanam era akot pak ji aeaaray. 22Era pota pak kupis ere, beak sos asotamaaray.
23Allah ere, daji baem jak batetam Ipit. Armat Ipitam tare turunak owe baemapomkoromtan. Are tabimak binipam, tajakam, tadamoam, baemomemkoromtan. Era pak, Yesus Kristus daTuhan aofasiendaeto bare, tare atet apok owe baemjii are. 24Me tara ajaten Ipit era pak aemtamteman. Armat Ipit, ere turunak Ipit arare.
25Dajoo owe akot! Tare atakam Allah dara ajanimtamaroay.
26Tare tarmamon batir ajamjipiramay.
27Dere tare ara surat Tuhan ajamkaimas owe takes baca baemtam atakam asakamtammin.
28Yesus Kristus daTuhan, asan akot tara baemtan.
Currently Selected:
1 TESALONIKA 5: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
