1 TESALONIKA 4
4
Allah atakam ji baeaar atakam
1Dejoo owe akot! Wan atakam takaam are. Dare tare Allah atakam ji bae aememtamom. Emesare, tanom emes taka aemakam are. Tare Tuhan Yesus dare takan ajamkaimarom. Dararawa, atakam tara ajanimmarom. Dare ataane tara aowemarom: tare Allah atakam ji bae betema betema ajiay. 2Me Tuhan Yesus abasakamtam atakam, atakam tare etekoretamom. Tare ara atakam tamsam. 3Allah tare turunak owe baemem akot ajim. Erarawa tare asan pota pak baem bas. 4Me tatapesti aptam aemema ajiekem owe, Allah akot apormar pak jipu, tatapesti aemay. 5Me Allah amsam apok owe, tapes asan pota pak baem, emes jak asenomememas. Tare ere, emes bas. 6Tare oorey owe, tatapesti aemtakam pak, tajoo owe pota pak baem apok. Era oweam potet batutum bas. Dare tare emes atakam fiak emekoretiostamom. Tuhan emes asan pota pak baem owe daytinak ajurusumtem. 7Allah dare turunak owe baemem ajatero. Are dare asan pota owe baemem bajate apok. 8Emes atakam aoomas owe, asamot atakam baoo apok. Are Allah atakam aoomas. Ere Allah Jip tara atetamman Ipit are.
9Emesare, Allah, tarmamon bajamfaimam, tara aememtamen. Erarawa dare, tare Yesus ta takan ajamkaiayes owe bafaim, surat tara baeapomtam bas. 10Tare era Makedonia tapirmi Yesus ajamkaimas owe takes afaimmakam. Dajoo owe akot! Dare ataane tara aoweomom: emes pak baem betema betema ajiaaray. 11Atakam fiak owe ajamememporkoromay. Owe atakam bametem bas. Tare pak karai tamba aetaatay— era bonak asakamtamom atakam jipu. 12Emes aemtakam, era Yesus bajamkai apok oweam tara asitimteman. Tanom owe pak ji bae apok aemtemakam.
Tuhan aondaeto atakam
13Dajoo owe akot! Dare tare era dambir aemmas owe aemapmas pak, janda baemap pota ajimarom. Tare Yesus jiirey baee apok owe tamen jak pota baemap-ombar. 14Yesus dambir ateme, wanam ajaorwasite. Dare emes atakam eemnak ambesemkorommarom. Me Allaham, era Yesus eemnak bamesemkorom dambir aemmas owe, Yesus takan atoomtemettem. Dare emes atakamam eemnak ambesemkorommarom.
15Ara akoretammarom atakam, ere Tuhan akore atakam arare. Ara atakam: Tuhan aofasiendaeto ere, ara jatiaptam aememtam owe, Armat Ipit takan bonak batakamemem apok. Wanam, ara dambir aemmas owe Armat Ipit takan asep baemem apok. 16Emesare, era bare, Allah atakam afaketaertem. Me malaikat kapar ipitam atakam akoretem. Owe Allah fwiam jane ajitemas. Wanam Tuhan Yesus Surga oup aendaetem. Me Kristus bajamkai dambir aemmas owe, bonak ajaorwasittemas. 17Allahrawa, dare jatiaptam aememtam owe, era dambir aemmas owe takan, wonamo bomon ametetoomtemettemaro. Dararawa, Tuhan, wonamo oup, bimnuk aemamtaertemarom. Erarawa, dare Tuhan takan aemapaartemarom. 18Emesare, tarmamon ara atakam ajamkoramaaray. Erarawa tarmamonam jak fiak ajamemapomaaray.
Currently Selected:
1 TESALONIKA 4: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
