1 PETRUS 4
4
Owe Allah akot apormar pak jipu baem atakam
1Emesare, Kristus ajiriseme. Erarawa tare, “Danom ajirisemtemarom apeno,” emes bimak binip atetaramay. Tararawa, jak fiak aememay. Era bajirisem owe ere, dosa baem akariememas. 2Erarawa tare ara aemansa tapirmi aemapmakam bare kope, era asamot jak basenomem pak jipu boem apok aemtemakam. Me, tare ere, Allah akot apormar pak jipu aemtemakam. 3Bonak ere, tarainak tare Allah amsam apok owe ajak basenomem pak jipu aemaarukum. Tare asan pota pak aemaarukum. Tanom pota pak jak asenomemaarukum. Tanom bir bwi banda jaytu aemaarukum. Tanom pota pakambwi aemaarukum. Tanom bir bwi pakambwi andaaarukum. Tanom eto asitimaarukum. Era eto asitimaarukum ere, pota anakot. 4Waa ere, Allah amsam apok owe, tare era asan pota pak daytu are takan boem apok aporman. Erarawa are jinim aeemas. Are tame atakam tara akoromman. 5Asep bare ere, era owe Allah bipu aememtemas. Are, Armat Ipit atakam ji aees apaye, aooes apaye, emes atakam amba akoretemas. Armat Ipit, era jatiaptam owe adosaam, era dambir ates owe adosaam, atakam basakamtii aememem. 6Owe Allah Akot Atakam, era dambir oweam akoretames. Era owe jatiaptam aememes, anom ajirisemes wanam dambir atemes. Ere era asamot owe takes dambir atemtas tamen are. Emesare, owe Allah Akot Atakam era owe akoretames. Ere era owe aanakot owe, jiinenak baememaar are. Era jiinenak, ere Allah ajiinenak awar.
Allah atetamemar pak atakam
7Emesare, era asepnak bare setepkope. Erarawa bimak binip baso atetaramay. Jak fiakam aememay. Ere, tare atakam Allah bajanim, akotpu erare. 8Owe ajamfaimamemas owe, wan owe adosa, bimak binip batetaram apok aememas. Emes bafaimnak ajamfaimamkoromay. Era pak, ere anakotnak pak erare. 9Tarmamon jaki owe tame atoomjiiay. Bimak wuturu batem bas. 10Allah era atetammar tastu pak, tare oweo aememayekem atetamteteren. Emesare, tare era atetammar tastu pak, tarmamon asan akot ajamemamemkoromay. Erarawa tare Allah era atetammar tastu pak kupis, era pak baem owe akot. 11Era akoretamtas owe, Allah atakam taka bakoretamtas. Owe, damo pota owe apaye, asan pota owe apaye, ajaniomattas, are Allah atetammar fiak pak baemomemtas. Ararawa, era owe bajanitomattas. Emes aemtas, owe, Allah atemtemtemas. Me Yesus Kristus aeme pak, ere Allah tere baeom pak. Emesare, owe Armat Ipit akotipitnak aememeam, afiaknak aememeam, emes tere baeomaartas. Ara atakam, ere atakamnak.
Kristen owe bajirisem atakam
12Dejoo owe akot! Me daytinak ajirisemmakam pak, tare Yesus Kristus bajamkainak apaye baempor pak. Era pak jamtes pak apok. Erarawa ajirisemmakam pak jinim bae bas. 13Kristus ajiriseme. Erarawa tare Kristus ajiriseme pak ajamjirisemmakam apaye, ere jak akot aememay. Erarawa, Allah, Kristus aakotipitnak pak aporomtamto, tare jak akotnak aememtemakam. 14Owe tare Kristus bajamkai owe aportan, wanam tame atakam tara akoromtan, ere asan akot aememtemakam. Emesare, era akotipitnak Jip tajak bomon aemapem. Era Jip, ere Allah Jip. 15Wan owe, owe bata owe apaye, wosom owe apaye, jokoman pak baem owe apaye, wan owe atakam ban batomem owe apaye, emes aememes. Tare ere, emes jokoman pak bajirisem bas. 16Me, owe tare Kristen owe aportan, wanam tara ajurusumtan, ere damke bakem bas. Tare Kristen owe erare. Erarawa terima kasih atakam Allah akoromay.
17Allah dosa atakam basakamtii bare, ere eteemanse. Armat Ipit Ara ajamkaimas owe adosa atakam bonak asakamtiitem. Are dadosa atakam bonak asakamtiito apaye, era Allah Akot Atakam baoo owe, ere wama tamen asan potanak emaptas? 18Ere Alkitab atakam jipu:
“Turunak owe ajoremtemas. Era pak, ere tayiepotanak. Erarawa era jaos oweam, era dosa oweam, bajorem wama tamenem?”
Emes atakam aeapoma. 19Allah wan owe bajirisem akot aporem. Era owe, ere akot pak baemaartas. Are era pak Akenemapome Turunak Ipit, aban ten baememtas.
Currently Selected:
1 PETRUS 4: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
