1 KORINTUS 11
11
1Dere Kristus aeme pak jipu atawejommin.
Tanom era aememin pak jipu atawejomay.
Tapes kuus bapurimapom atakam
2Emesare, tanom debimak binip bajanimem apok aemmakam. Tanom era aememtamo atakam bamompim apok aemmakam. Erarawa, dere tara asitimmin. 3Dere ere, tare emes pak baporkorom, akot ajimin: oorey owe takes, Kristus ban ten are. Wanam, atapesti ambiis ban ten are. Wanam, Kristus Allah ban ten are. 4Era oorey owe, kuus apurimapomtas, wanam atakam Allah ajanimtas apaye, Allah atakam akoretamtas apaye, are Kristus bifane afeomememas emes tamen are. 5Tapes ere, kuus baso atakam Allah ajanimtas apaye, Allah atakam akoretamtas apaye, are ambiis bifane afeomememas emes tamen are. Emesare, tapes ambiis ban ten are. Era kuus baso tapes kuusnak tapes emes tamen are. 6Tapes akuus bapurimapom pota aportas, afini bajakuosomtas. Emesare, tapes, kuus fini karo apaye, kuusnak apaye, ere damke pak. Erarawa akuus bapurimapomtetertas.
7Owe oorey owe bi apormas, are Allah bi emes jip apormas. Are Allah afiak pak aemommar emes jip apormas. Erarawa oorey owe kuus bapurimapomteter bas. Me, owe tapes bi apormas, are ambiis afiak pak aemommar emes jip apormas. 8Allah, ere bonaknak asamot ipit, taot ajaimi embak bakenemapom apok. Are taot, era ipit ajaimi embak akenemapomen. 9Wanam, Allah, era ipit, era taot bakenemapomtam apok. Are ere, taot era ipit akenemapomtamen. 10Erarawa, tapes akuus bapurimapomtetertas. Era pak tapes ambiis ban ten, emes baporomtam pak. Me malaikat oweam era pak aporemas. 11Me, Tuhan bajamkai owe ere, tapes apa baemeem asan apok. Oorey oweam apa baemeem asan apok. 12Allah, taot, jipit ajaimi embak akenemapomen. Tapesam oorey jii ajisipetiiemas. Allah ere, era pak takes akenemapomen. 13Me, tapes, kuus baso, atakam Allah bajanim akot ape? Emesare, bimak binip tamba atetaramay. 14,15Oorey owe kuus fini jirao aptam, ere damke pak. Tapes ere, kuus fini jirao aptam, ere atere pak. Owe takes emes amsam. Emesare, Allah era fini jirao, kuus bapurimapom pak, tapes atetammar. 16Wan owe ere, era pak, atakam bajamkoram akot aportas apaye, dere emes atakam akoremin: “Dare emes taka aemmarom. Era samaniin samaniin Allah basitim bajarisiap oweam emes taka aememas.” Emes atakam aesimmin.
Owe Tuhan perjamuan banda atakam
17Ara atakam akoremin ere, dere tara basitim apok. Era ajarisiapmakam ere, akot pak baem apok. Ere pota pak. 18Ara bonak atakam akoremin: Atakam jane ajio, tare Yesus basitim ajarisiapmakam, tare atakam awar apok aemmakam. Debimak binip ere, era atakam, atakamnak apeno. 19Emesare, tarmamon atakam awar apok erare. Erarawa Allah akot apormar owe, baso aememtemas. 20Era ajarisiaptakam ere, tare Tuhan perjamuan banda bajarisiap apok. 21Tare oweo, aememayekem tapa amos andeemakam. Erarawa, tare wan owe amosto aemapemakam. Wan, ere, bir bwi banda jaytu aemapemakam. 22Tare emes baem wama tamenem? Tare oweo aememayekem tame apoke? Tanom tatame bomon amosam, bwiam, banday! Tare Allah basitim bajarisiap owe bifane afeomemmakam apaye? Tare era pak apok owe damke bakamapom akot apaye? Dere tare wama atakam okoretamtey? Dere tara basitim ape? Emesare, tare emes baem, dere tara basitim apok.
23Era akoretamo atakam, ere Tuhan aokoretamen. Era atakam are: Jipit taka, Tuhan Yesus, era jokoman owe aotasimemomtamen. Bonak ere, bare taka eam, Tuhan amos ataeren. 24Are terima kasih atakam Allah akoromen. Terima kasih atakam akoromerawa, era amos akokomen. Atakamam akoren. “Are dedamo dasa. Dedamo dasa ere, jow tara bauuem pak. Tanom emes aemaaray. Era pak tare bimak binip dera bajanimomem pak.” Emes atakam aesimen. 25Amos andes arawa, Armat Ipit mbok anggur bwi aptam ataeren. Atakamam akoren. “Ara bwi, Allah ai ataaji aee atakam are. Me deesee ere Allah ai ataaji aee atakamam, ataajinak aporomtamum. Tare era bwi andetakam, De bimak binip ajanimomani.” Emes atakam aesimen. 26Emesare, tare era amosam, era bwiam, andetakam, tare Tuhan dambir pak atakam akoretammakam— era aofasiendaeto bare ajiire.
27Erarawa, owe era amosam, bwiam, bambi andetas apaye, are Tuhan era damoam era eseeam, bambi damoam, eseeam, emes tamen aememas. Emesare, are dosa aememas. 28Oweo aememayes ajak bomon, amba ato baoorporkoromtas. Wanam era amosam, bwiam, asep bandetas. 29Owe, era amosam, bwiam, bambi andetas apaye, wanam are Tuhan damo, bimak binip bajanimomem apok aemtas apaye, ere Tuhan, era owe dosa, atakam asakamtiim. 30Erarawa, tare wan owe tanane eo damoam, damo kumitiam, aemapekem. Wan owe tanane ere, dambir etetas. 31Dare ere, dajak bomon aoorporkoromtam, Tuhan dara baooorpor apok aemtemaro. 32Tuhan ere, dadosa aoorportaro, are ajurusumtemaro. Era pak Armat Ipit dare ara bajamkai apok owe takan bajurusum atakam basakamtii-ombar.
33Dejoo owe akotnak! Emesare, Tuhan amos banda ajarisiaptakam, amos takan andaay. 34Owe amosto aemtas, amos era atame bomon ato batakamdetas. Tuhan tadosa atakam basakamtii-ombar. Ajinaotey ere, dere wan atakam aokoretamtemin.
Currently Selected:
1 KORINTUS 11: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
