ZAKHARIA 13
13
1 Uisneno Akuasat Afinit nakau a'an nak, “Anbi neno le i oe mata mese of anpoi he nati' anboe naknino Nai Daud in sufan ma to Yerusalem na'ko sanat ma na'ko luli besa neu fatu le'u ma hau le'u le sin anmo'e nalali. 2Anbi neno le nane of Au nose ani fatu le'u ma hau le'u nane sin kanan na'ko pah le i, talante kan mu'i fa atoni mese he namnau anteni. Ale atoni le an au nak in anfani Mafefa knino of Au li'u ubuab nok sin le smanaf amle'ut le antaman sin. 3Ma leka fe anmu'i anteni atoni le namolok nak in natiab anteni fef ba'an, in amaf ma in ainaf anmes of namolok neune nak mes he namate in, natuin in molok nane poi kun. Leka in fe antek anteni in aon anfani Mafefa knino anteni, in amaf ma in ainaf anmes of napau in talantia anmate.
4Anbi neno le nane, ale Mafefa knino of sin nek mae he natonok anfani Mafefa knino. Sin of kan tao fa blua pake Mafefa knino he napoibok ma nanaebok nok mnitas-mnitas. 5Ma sin of namolok nak, ‘Au ka Mafefa knino kau fa. Au atof lene kau le au mepu anbi au lene anbi au neno monit.’ 6Ma leka atoni natan neune nak, ‘Papa' sa' es ho basam nane?’ In of natae nak, ‘Papa' nane antoman kau anbi au soba in ume.’ ”
Plenat he namate atukus le Uisneno ansonu
7 Uisneno Akuasat Afinit nakua a'an nak, “Amfen nai, hoi suni, ma amaken mok atukus le anmepu neu Kau? Mimate in, ma bibi kase sin of nasitbok ma of Au maken ok Au to, 8ma anbi pah anfun natef batis nua no tenu na'ko in to of anmate. 9Alha batis tenu es of nafetnon. Ma sin le nane of Au uknino sin onle noni muti le naknino anbi ai. Of Au su' sin onle atoni antosi noni mnatu. Oke te sin of an onen totis neu Kau, ma of Au utae sin. Of Au tek sin ak sin le nane Au to, ma sin amsa of sin an au sin nekan nak Au le i sin Uisneno.”
Currently Selected:
ZAKHARIA 13: AOZ
Highlight
Copy
Compare
Share
Want to have your highlights saved across all your devices? Sign up or sign in
